[align=center]السلام عليكم
.
.
لايسلم الشرف الرفيع من الأذى***حتى يراق على جوانبه الدمُ
أخس ياراعي هالبيت ،،، عز الله عجبن
******
هاه ،، وشعندك يابوثوب ؟؟
يخي ،، أبد ،،
هاللي مبلشينا صار لهم تسم يوم ،،
بيعو الفله ،، سلمو لنا الفله ،،
نبي نذبح نبي نصلخ ،،
ياوليدي هذي الفله ،، مهي فنيلة بيكهام
ماتحصل لك بهالسهوله ،،
بينك وبينه مايبيد السمينه ( وينك يالغسلان ؟ )
أنا كنت متقوقع على روحي ، ومعتزل الشعر
لكن ،،
جانا واحد من أهل الفصيح ،، يقال لوه : متعجب بن قطاش بن مرحود السلجوقي
من سلاجقة دمنهور ... ( خوش ناس ،، مابهم بلا )
والظاهر إنوه نسي كون الخنيسي وكون الشريف
وكون ( تحت بارقة السيوف ) ومناخ ( تحت سنابك الخيل )
،
،
هالجوله هذي ،،، بالشعر الشعبي
ون ماكف شروه عنا ،، أبي أهجدوه بالفصيح
يابجاد ،،
بجاد
وين ولىّ
بجااااد ،،
هاك الكتاب هذا ،، وارتسب فرسك على أول رحله
واحجز لبيروت دمشق للأدب العربي
ياجيت الشيخ : متعجب ،، سلم على سكرتيروه ،، وعطه الرساله
ويقول أبو ثوب [/align]
[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياعيال ياللي تزرعون النشايب=كفّو دبشكم لايجي حروة الريع
كانه طلايب ... ياهلا بالطلايب=واللي معيّي .. غصب نامرْه ويطيع
ياتي ( فشقنا ) مثل طش السحايب=وأهل ( الفصيح ) يولمون ( المدزاليع )
( متعجب ) اللي في كلامه عجايب!!=يابوك أنا اشري فلة العز ،، مابيع
لو السرايا تزعجه والكتايب=نرسي ،، لعين الداعجات المداليع
ياما غزيناك ،، وكسبنا النجايب=وضفّيت جملة حِيلها والمضاريع
وياما جدعنا من صبيٍ وشايب=وظلن حريم ( أهل الفصاحه ) مفاريع
وتقاطعو ربعي ديارك نهايب=وسالت وسالت من نحور ومداميع
( تحت السنابك ) ونت ماكنت غايب=( وتحت السيوف ) المرهفات اللواميع
للسلم سلم ،، وللحرايب حرايب=أقول ،، واعلن بالمحطات واذيع
يادار ،، مابيعتس بسوم وغصايب=لو مزّعو يمناي بالشلف تمزيع
عساك عن ذنبك تجي منه تايب=ولاني مهيض فيك بعض المواجيع[/poem]
[align=center]عجبتن هالقصيده ،، الظاهر أبي أشارك به بشاعر المليون
رسايل سريعه :
المضيف العام ،، مافزنابوه ؟؟
ريالوه ،، خلك على اسمك ،، اسمك الحقيقي تقل علاج تنك
المشرف العام ،، أشكرك على دعمك اللوجستي مقدماً
الأطنخ ،،، سر ونحن من دزدامك
الشعراء اللي يزورون الفله ،، عندي لكم موضوع محصلششششش
اصبرو شوين يما نفتك من هالبليه
متعجب : أشكر لك تشريفك لنا بالفله ،،
وانت الدينمو اللي يحرك المكينه الأصيليه
هالله هالله بالتعليقات الناريه النازيه[/align]
المشاركة الأصلية كتبت بواسطة بو رائد
..لاكاسب لذه ولا به صمايل..
<<< ازرعه بالفلّة للذكرى..ترى أهل الفصيح مرّوا من هنا
<< راسوه تلقونوه معلّق الليلة على باب الفلة
المفضلات