يالله ياولـيـدي مشيـنــا .. ضـاقـت الفلـه علينــا !!

**بالمختصر..** · 12-06-2007 17:31

.
.

ســــــلااااااام

هههههههههههههههههههههههههه << تسمع بالمقدمه

اقوول : انتم وخششكم / خششكن وربـي إشـتـقــــت لكم ..

آآخ ياهذاك اليوم ماانســاوه يوم قالوا بكرا الإمتحانات ..

اجل انا اسهـر اذاكـر وانتم هنّيا بــ فلة الحجاج تمذرحــــوون

:

الحمدلله الحين إختبــرنا كل المواد بس باقي بكرا ونعطّل لللوولللووللييييييش !!

بس القهــرررر بعد ماطلعت من الكليه أول يوم من الإمتحانات

شفت لوحة إعلانات بالشارع وماأمداني اقرا وش مكتوب لأن السواق مسـررع

بس تسني لمحت بوه صورة للمطنوخ .. ومكتوب (مش حتئدر تغمض عينيك)

.

عاد وصلت البيت وتغديت و قاعده اطالع للتلفزيون وحاطتوه على قناتي المفضله

(( فلة الحجاج ))

ألا حاطين إعلان لـ حفل يبون يسوونوه الفلاويين ( طبعاً بدون مناسبه )

وهالحفل راح تحييه الفنانه الشابه : عتــاب << المفضله لدى الفلاويين

بالإضافه إلى عدد من الفنانين المخضرمين مثل :

سعد جمعه , عزازي << نفضوا الغبار عنهم وجابوهم

وفرقة الجوف للـدحـه .. و .. و .. و .. وانـا اقعد ابتسي آآخ يالقهــر

.

عاد قررت اني احضر الحفله لو اسقط لو لو يصير الدم للركب !! عناد ً بهم

واتصل على الكوافيره ابي احجز عنده واتضبط

وقلت له : ابي ماكياج وسشوار وبدي كير و و

وردت علي : لك شو هيدا بدك تـتـجوزي ؟؟ ليش ماألتي لي !!

قلت : لااا بدنــا ننــذخ هههههههههههه

قالت : يعدّمني ياكي فكرّتك بدك تتجوزي

قلت له : وشو المشكله !! بـّدتس تحيريني متلاً ؟؟

ماتدرين اني محّيره << محيّره زمانه

المهم .. بعد كل هالهياط يمار تقولي :

واللهي مشغوله كتير اليوم ..... مافيّي مرّ لعندك خليها بكرا

لعنبو حيتس الحفله اليوم وشو بكرا ؟؟ صباحيه هي ؟؟

طوووووط طوووووط (خلص الرصيد .... الرجاء شحن بطاقتك)

وانا اروح يمّ غرفتي اسحب رجليني افففففف طفش انام احسن لي

ورااحت علي نــومه وماقعدت ألا الحفل مخلّص

واشغل التفزيون ألا حاطين توم وجيري .. والظاهر مامن إعاده للحفل ..

وهي تذبحن الشفااااااايه .. منهو حضر ؟؟ عجايب وش لبست ؟؟ في جوايز ومسابقات ؟؟

وانا آخذ عبـاتي قلت ابي اروح يمكن انقطع الإرسال.. والحفل للحينوه ماخلص

و أدق عالسواق.. هاه صديق وينك ؟؟ تعال بيت 000

قال : انا مايقدر يجي الخين مو جين !! انتا يشوف الساعه كم ؟؟

قلت : تعال ضروري .. وبعدين انا فيه معي محرم

مـحــرم ؟؟!!

إيه معي وغداني ههههههههه

وانا آخذهم معي .. واحد لابس بدلة النصر .. وواحد الهلال

وطول الطريق وهم يقصدون ,,,, اللي يقول :

أمي ربة بيت أمي ماأحلاها .. كيف البيت يكون لاأعرف لولاها

والآخر يقصد :

ياليـت شمــر هلن لي << آآبو آآبو ... وليه انت صلبي يومنك تقول هاللون

وحنا نوصل لمكان الحفل يمار يـصـفــــر مابوه احد !!

بوه كم هندي يكنسون ويلقطون قواطي الببسي

والكراسي مجدّعات ومنشورات وأعلام وبشت مرمي بالقاع (الظاهر انوه لحدى الشيبان)

وانا تخنقن العبره وودي اصييييييح واصااااااااارخ .. يمار الوليّد يجر عباتي :

يالله مشينا يالله مشينا .. وش بلاتس انتي

ويغورقن عيوني بالدمووع وانا ألمح ورقه مجدوعه بالقاع قلت خل اشوف وشهي ؟؟

وادندز ويضرب راسي براس الوغد (ترى متسلفتوه من جيراننا تسنوه محرم)

: آآآخخخخ الله يآآخذ هالوجه حشى مو صماخ رضمــه !!

اثاري الورقه لريال الفسحه ومكتوب به إستفتاء لتغيير الأسم اويلييي شكلوه متوازي ريالوه

.

قلت : اقوول انتم ياوغدان يالله مشينا اوديكم لأمهاتكم الصدزيات .. إنتهت المهمه

وابحّر للمكــــان = أي ألقي نظره أخيره

قلت : إييييييييييييه يالدنيــــــا

.

عقب رحت لمطعم ابو عارف احس نشف ريدزي من البتسى قلت ابي جغمة عصير , أي شي

ألا الهندي متخوصر يقول ادفع فلوس اول .. بابا ابو عارف يقول

واطالع بشنطتي يمار مابه ولاريال ماغير بطاقة الصراف .. اشخطه بجبهتوه الحين

يوم جيت ابي اطلع من المطعم ألا ابو عارف جاي

وهو يلبي بحلدزوه الوغيد يقول تكفى سلفنا وبكرا نرجعهن لك

وانا اتغيب ورى ثلاجة الببسي قلت ابي اشوف عنوه .. وش يقول للوغد ؟؟

يمار يقول : هـاه انت وش تقول ؟؟ مااسمع زين ياوليدي روح الله يهديك ويصلحك

إييييه يابو عارف نسينا ماكلينا << قلت هالجمله وانا طالعه من ورى الثلاجه

واطلع وآخذ الوغدان وندوج بهالحارات يمكن احد يعرفنا أو يتذكرنا << لله ماحولتس احد

.

مابوه احد من هل الفله يواسينا .. وألا شاطرين بس حفلات ومواضيع جدد من ورانـا

.

وقلت :

يـالله يـاولـيـدي مشـيـنــا .. ضـاقـت الـفـلّـه عـلـيـنــا

.
.

**ريال الفسحه** · 12-06-2007 18:34

طوووووط طوووووط (خلص الرصيد .... الرجاء شحن بطاقتك)

خلص الشحن والا صكتوه بعلابيتس

نرجع بعد ماتنجحين ياطالبه

<----رووووووووح ياموظف

**الأصيل** · 12-06-2007 18:40

[align=center]لاحووول ولا قوة ألا بالله العلي العظيم ،، والله كسرتي خاطري

شوفي ونا بوتس ...

قررت إني أحطتس ضمن المجموعه الذهبيه لمنتخب القراده

أيا عيشتتس القشرا[/align]

المشاركة الأصلية كتبت بواسطة بالمختصر..

.
.

اجل انا اسهـر اذاكـر وانتم هنّيا بــ فلة الحجاج تمذرحــــوون

[align=center]أنا ماكنت أمذرح ،، بالشتن الإداره على ثوبي ،، يبون ياخذونوه[/align]
:

بس تسني لمحت بوه صورة للمطنوخ ..

[align=center]المذهوب ،، بوه شبه من ( أميتاب )[/align]

وردت علي : لك شو هيدا بدك تـتـجوزي ؟؟

[align=center]الفال لعجايب[/align]

قلت : لااا بدنــا ننــذخ هههههههههههه

قالت : يعدّمني ياكي فكرّتك بدك تتجوزي

[align=center]العجوز اللي تسولفين معه .. من لسانه يبين إنها مصريه[/align]

طوووووط طوووووط (خلص الرصيد .... الرجاء شحن بطاقتك)

[align=center]عباره محزنه جداً[/align]

واشغل التفزيون ألا حاطين توم وجيري ..

[align=center]لاه ،، ماشوفتي هزيم الرعد الحلقه الأخيره ،،؟؟[/align]

وانا آخذهم معي .. واحد لابس بدلة النصر .. وواحد الهلال

وطول الطريق وهم يقصدون ,,,, اللي يقول :

أمي ربة بيت أمي ماأحلاها .. كيف البيت يكون لاأعرف لولاها

والآخر يقصد :

ياليـت شمــر هلن لي << آآبو آآبو ... وليه انت صلبي يومنك تقول هاللون

[align=center]ههههههههههههههههههههههههههههههههههههه[/align]

وحنا نوصل لمكان الحفل يمار يـصـفــــر مابوه احد !!

بوه كم هندي يكنسون ويلقطون قواطي الببسي

[align=center]عزااااااااه[/align]

والكراسي مجدّعات ومنشورات وأعلام وبشت مرمي بالقاع (الظاهر انوه لحدى الشيبان)

وانا تخنقن العبره

[align=center]أها ... خنقتتس العبره ، وذبحتتس الشفايه ،، جريمه واضحة[/align]

.

وقلت :

يـالله يـاولـيـدي مشـيـنــا .. ضـاقـت الـفـلّـه عـلـيـنــا

.
.

[align=center]أثري يطلع منتس فلكلور شعبي منازينوه يالعجيز

أبوعارف ،،، انكشفت على حقيقتك

موضوع يستحق مسمارين تثبيت[/align]

**الكنبيوتر** · 12-06-2007 19:31

أويحـــــــــــــــــــــــيــــــــــــ ــــــــــــــــــــ يا بالمختصر

يامسكينه صدقي مادريت بالحفله

عاد تدرين وش يقولون صاير بهالحفله ؟؟

يقولون موزعين للحضور كيبوردات جديده <<<<<<<< مندبله تسبدوه على اللي عندوه كله حب وغبار

ويقولون والعهده على الراوي مسوين سحب على تذاكر طيران شراعي بالحفر

لا ويقولون بعد اللي حضر بدري لحق على تواقيع جديده

عاد تدرين خلف الله على جيرانتس اللي مسلفينتس عيالهم أتوقع أنتس مضيعتهم بس مستحيه تقولين

بالمختصر ..

**منصور الغايب** · 13-06-2007 00:14

خخخخخخخخخخخخخخخخخخخخخخخخخخخخخخخ
وبعد
خخخخخخخخخخخخخخخخخخخخخخخخخخخخخخخ

والله انك اضحكتيني من كل بطني قصدي قلبي

ويوم انك ما معاك فلوس وليه شايله جنطة خخخخخخخخخخ
آخ منكن يالحريم

موضوع جميييييييل ينم عن مخيلة ولا اروع
ولاتبخلين علينا بالله

تستحقين الشكر

**أبوطروق** · 13-06-2007 01:30

بالمختصر وينتس أدور عليتس منذ مبطي؟؟؟؟؟
عندي مشكلة عويصة

لا أمزح معتس

هلا والله بالشيخة طولتي الغيبة وجبتي الغنايم للفلة

وعسى الله يوفقتس بأول إمتحان وآخر إمتحان ويفرحون بتس أهلتس وحنا بعد والله نفرح لتس

وشكرا على أوبرا
وتحيا تي

**المطنوخ** · 13-06-2007 06:52

هههههههههههههههههههههههههههههههههههههههه ههههههه
هههههههههههههههههههههههههههههههههههههههه هههههه

عزالله ماهي منتس انشهد

انشهد انه من الاختبارات اللي فصلت فيش طبلون الكهرب عندتس وجابت لنا هالتحفه

بالمختصر .. <--اهم شين عيالتس هالثنين

لا ابشرتس انتي انضميتي لجمعية الفتق والشطب بالراس لاتحاد الفلاليين ف.ت.ق

جيت ابقتبس يمار ابي اقتبس كل سطر

وان اقتبست كل سطر طالت السالفه

وان طالت السالفه مصلت

وان مصلت شربت حليب

وان شربت حليب طفا الحارق اللي بصدره

وان طفى الحارق اللي بصدره نامت

وان نامت ماتت

وموتت تسلب

هالموضوع مصمغ ببتكس فوق ونسخه كربونيه للمميزه مع التحيه والاجلال والاكبار لشخصي الجميل والوديع واقوى واحد بالعالم لاني ثبته<---مريض

لاعدمناتس يا اوبرا وينفري

**عجايب بنت الشايب** · 14-06-2007 02:03

[align=center]

ســــــلااااااام

علييييييييييها السلااااااااااااام الله حيهاااااا الحيه

اقوول : انتم وخششكم / خششكن وربـي إشـتـقــــت لكم ..

بيض الله خشتس تشتاق لتس العافيه

آآخ ياهذاك اليوم ماانســاوه يوم قالوا بكرا الإمتحانات ..

أمممممم ياضيعة العمر >> حافظه كتب خامس ابتدائي صم

اجل انا اسهـر اذاكـر وانتم هنّيا بــ فلة الحجاج تمذرحــــوون

حتى على الفله لانخلو من الحسدي ...>>متأثره بحرب متعجب

:

الحمدلله الحين إختبــرنا كل المواد بس باقي بكرا ونعطّل لللوولللووللييييييش !!

وش مطلعتس قبل الاختبار كان صبرتي يوم وجيتينا كلتس

بس تسني لمحت بوه صورة للمطنوخ .. ومكتوب (مش حتئدر تغمض عينيك)

ايه يقولون موقع صفقه مع شركة سنتوب .. حاطين صوره لزقات على العصير

.

عاد وصلت البيت وتغديت و قاعده اطالع للتلفزيون وحاطتوه على قناتي المفضله

(( فلة الحجاج ))

والدرووس وينها ؟ >> عباره كثيرت الترديد بالأختبارات

ألا حاطين إعلان لـ حفل يبون يسوونوه الفلاويين ( طبعاً بدون مناسبه )

أشاعه من قال بدون مناسبه .. الا بمناسبه

المناسبه

أستحي

بمناسبة

وصول طقم الضروس الجديد من سوريا ( الله يوفقتس ايمان تعبناتس )

وهالحفل راح تحييه الفنانه الشابه : عتــاب << المفضله لدى الفلاويين

تعقب ...عتاب

فرقة المقناص ( الله يوفقك يالحجازي يالغفيلي تعبانك )

وردت علي : لك شو هيدا بدك تـتـجوزي ؟؟ ليش ماألتي لي !!

بعذرها شافتس أول مره تسنعين من إلى

قلت له : وشو المشكله !! بـّدتس تحيريني متلاً ؟؟

ويلتس على الماء ياناقه

ورااحت علي نــومه وماقعدت ألا الحفل مخلّص

نومة بالمختصر عبادة

والظاهر مامن إعاده للحفل ..

أبشري بالخير شفت كاميرا مكتوب عليها CNN

وهي تذبحن الشفااااااايه .. منهو حضر ؟؟ عجايب وش لبست ؟؟ في جوايز ومسابقات ؟؟

أبشري بالخير بيجيتس العلم ... قريباً في موضوع مستقل مع صور من القناة

بوه كم هندي يكنسون ويلقطون قواطي الببسي

ماوزعنا ببسي غالي

وزعنا بايسن

ألا الهندي متخوصر يقول ادفع فلوس اول .. بابا ابو عارف يقول

بعذروه متخوصر تون طالعتن من عندهم جايبتن لهم البلديه

.. اشخطه بجبهتوه الحين

ههههههههههههههههههههههههههههه

بيطلع زيت ..

هههههههههههههههههههههههههههه

يـالله يـاولـيـدي مشـيـنــا .. ضـاقـت الـفـلّـه عـلـيـنــا

لاضاقت عندنا المنقووول >> جعل مايكثر خيرتس انا استغفر الله

افيييييييه تعبت

بالمختصر لله درك ايته القرمه

واعدك وانا عجايب اللتي ان وعدت تفي ولو قطع النت عن البيت الأبيض

بأن أوافيك باخبار الحفله التي لم تحضريها

أونستينا الله يونسك بالرضا .........

طحياتي .......’’[/align]

**ريال الفسحه** · 14-06-2007 05:19

تسيف الرجل ودوه يرد وعاجز يادافع البلا

**ghosty** · 14-06-2007 15:54

لا والله يا ريال انا ودي ارد بس انقطع قلبي وانا اقرا

لو انا راقين برج بيزا المنجضع كان اهون علي

اول مهو موضوع بالمختصر وتلاهـ رد ابو ثوب وختمته عجايب

تصدق ما وصلت للرد السريع الا ولساني منهدل من التعب

يادافع البلا ما بوهـ لياقه بساع تشوط تسبدي ويغدي للي فحيح تقل فحيح افعى

بس بالنهايه شكللي برجع واقرا الموضوع والردود مرتين

ونستونا الله يونسكم بالعافيه

ولا خلا ولا عدم