يا ابن غسلان ننخاك على قصص

[سعد الشمرى]

السلام عليكم ورحمة اللة وبركاتة


راوينا العزيز بوفهد واللة انى احبك انت من الرواة الثقاة الذين نعتمد عليهم فارجو مساعدتى بسالفتين

سالفةاو اى شى تعرفة عن هالامير الفارس سليمان الخريشة


وسالفة الامير شايع الامسح الذى راى بنت عن بعد ثلاث ايام وهى تروى على النهر


وشكرا يا بوفهد

[فواز الغسلان]

ابشر يالرطاب والله باللي اعرف اني الا احطه لك بهذا ومن عيوني



واللي مااعرفه هذولا الاخوان حاضرين كلهم بهم بركه يعاونوننا باللي يعرفون وانشالله


انهم مايقصرون يالغالي00



اما سليمان الخريشا انا اعرف سالفته يوم يفك نياقه لحاله وقصيدته معه00


وانشالله الليله او بكرا انزلها بهذا00 اما سالفة شايع اللي ذكرت



انا والله ماسمعت بها ولعل بهذا من سمع بها يفيدنا00


وتقبل تحياتي العطره الراوي00

[فواز الغسلان]

((( الفارس سليمان الخريشا من قبيلة بني صخر )


تعود بنو صخر في نسبهم إلى قبيلة طي (أنظر لمزيد من التفصيل مثلا كتاب جمهرة أنساب الأسر المتحضرة

في نجد للأستاذ حمد الجاسر، وكتاب معجم قبائل الحجاز للأستاذ عاتق البلادي). وقد ذكرت

المراجع أنهم من بني جرم بن طي، وأنهم كانوا يسكنون مع بقية القبيلة بين الجبلين، ثم انتقلوا مع فروع

أخرى من القبيلة باتجاه الغرب. واستقر بنو جوين بن جرم في منطقة متالع الأبيض، أما بنو صخر بن جرم فقد

استقروا فترة طويلة في منطقة متالع الأسود (جبل يبعد حوالي 100 كم غرب مدينة حائل)، ثم انتقلوا غرباً

إلى شمال تيماء، واستقروا فترة من الزمن في منطقة العلا (أنظر مثلاً كتاب المنتخب في ذكر نسب قبائل

العرب للمغيري، وكتاب صفة جزيرة العرب للهمداني، وكتاب معجم البلدان لياقوت الحموي)، وفي ذلك يقول

شاعرهم:

[poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
حنا صخور ومنازلنا بالعلا = ولاينزل الطمان غير الطماني

ناخذ حقنا بروس سيوفنا =غصب عن الحكام والسلطاني[/poem]


و هجرتها هي هجره عاديه وتسمى عند البدو نجعه

وحيث انهم ارتادوا رعيانهم ارض الهلال الخصيب واحضروا عده انواع من الحبوب لشيخهم محمد حنيف

الخريشا فامرهم بالرحيل والتوجه اللى تلك الديار وواستوطنوها بعد معارك مهوله مع القبائل الشاميه مثل

السرديه والعدوان وعباد وغيرهم و هاجر بعضهم إلى منطقة القصيم وبقي عدد قليل منهم في مدينة العلا

.
ولازالت عدد من الآبار والبساتين في منطقة العلا تحمل أسماء بعض عشائر بني صخر.



قال زيد الخيل الطائي رضي الله عنه :لعمر بن الخطاب رضي الله عنه عن قبائل طيء في ذكر جرم التي

تنسب اليها قبيلة بني صخر اما جرم : ففوارس الغدوة ,وطلاعوا نجوة ,ولاتحل لهم حبوة ,ولا تراع لهم ندوة

, ولا تدرك لهم نبوة ,عمود البلاد,وحية كل واد ،وأهل الأسل الحداد , والخيل الجياد ،والطارف التلاد )


قال أبو تمام الطائي مفتخراً بقبيلته طيء:

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
فمن شاء فليفخر بما شاء من ندى=فليس لحي غيرنا ذلك الفخر

جمعنا العلى بالجود بعد افتراقها=الينا كما الأيام يجمعها الشهر[/poem]


تعاشق مع بنت عمه ( عجايب ) وخطبها الكثير من شيوخ القبائل المجاوره ممن سمع بجمالها لكنها


رفضت تريده وهو ساكت وعندها اعلنت الخبر لاهلها وانها لن تتزوج سواه فقالت:

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

قالت عجايب بنت مروي شبا الزان=اللي ابويا ناشدن عن خوالي

أبوي فكاك الضعن يوم الاكوان =واخوي سترن للبكار المثالي

مااريد انا الجربا وابن شعلان = وابن سمير اللي بقرن الشمالي

ولو مطلق الجرباء يجينا بالاظعان = ويخلط روضات الجبال العوالي

ولو تجتمع كل الذي فوق الاوطان = ماني حليلتهم ولا هم رجالي

أبكي وأهل دموع تقول دخان = ولا دش قلبي بالغلا كل غالي

أريد أنا ولد الخريشه سليمان = كسّار دولات العساكر جبالي [/poem]


وتزوجها سليمان الخريشا وذهب للربيع بالصمان وهي معه ومعه العائله وذات يوم جاء شايب عابر طريق


واخبره انه شاف سربه غازيه وقال اهرب بنياقك لايشيلونهن حسافه فقال:


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

ثمان سنين أصلح نياقي=بالصمان اعدل سنمهنه

لفاني شايبن يبي النصايح=يقول الذود لا يغدا بهنه

قلت الذود ذود للخريشا=يشيل الموت يامن شالهنه

صنمهن ستة من فوق ستة=صباح الخير ياركابهنه

أول هدتن فرضن علينا=وثاني هدتن فرضن وسـنـه

وثالث هدتن لعيون ربعي=ورابع هدتن لعيــونــهنــه

وخامس هدتن لبنت الخريشا=شعال قرونها من دون حنه[/poem]



ومن الفرسان ايضا حديثه الخريشا ابن عمه وكان فارسا مغوارا لايشق له غبار حتى ذاع صيته00

كان سطام حصيني الشمري قالها في حديثه الخريشا، وحينما كان سطام الشمري يرعى إبله في ديار

بني صخر مع ابنته الصغيرة وتدعى (ريّوف) أغار عليه متعب الكنج ومعه قبائل السردية والدروز ونهبوا إبله

وفزع حديثه وأخوه نايف وافتكوا الابل بعد سرد وطرد معهم 0 وقد راع سطام ماشاهده من شجاعتهم

فقال يشكرهم ويصف ماحدث:


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]


يا مزنـة غـرّا نشـت مدلهمـه=تمطر على روس الهضاب حقـوق
تردم من الغيم الثقيـل وتنتهـض=وتوضي على كل الجهات بـروق
تلهب وجيـه المترفيـن بلاهبـه=يبون المحارم مع سلاطـم نـوق
وتخالط الدما مـن حمـو جاريـه=وبيض العمايـم طايـرات فـوق
ولحقوهم الخرشان من فوق ضمّر=فهود الحرار إلي عثـت بفـروق
معنا حديثه عد أبـا زيـد عندنـا=ماكر حـرار مـا سعـى بالبـوق
تباشرت سحـم الظهـور بهدّتـه=حرّ على مركايض اللزوم صـدوق
ونايف عذاب الخيل لى دوبحن بنا=كما سيف هنـد للعظـام سـروق
حنـا نفرقهـم ونايـف يلمـهـم=وتسعى لهم الأرض الوساع بضوق
ويوم التمت خيلنـا مـع خيلهـم=تشدي حلال عقيل حـادر سـوق
تونّـى ناطـور الشيـوخ بتاليَـه=يبي المديـح ولا هـس بوفـوق
وشله حديثه بين خيلنـا وخيلهـم=خـلاه بيـن الصفتيـن شـلـوق
لعيون من ريحـه زبـاد وعنبـر=غرو على لامـا العشيـر شقـوق
تبي حديثه جـوف نقالـة القنـا=تبـز بعلـم الغانميـن عـشـوق
أنـا أحمـد الله سربتـي باسليـة=عيال الخريشـا للـدروز بنـوق
مدلهـة الجيـران ذبّاحـة العـدا=صاف الحديد وعنبـر المخلـوق
أحلى من السكر وأحلى من العسل=وأمرّ من عـود الشـراة بـذوق
وأنا على صفـرا طويـلٍ مسعنـه=ما تلحقه مـرد المهـار لحـوق
دلّى يشل دماه من حمو ضربهـم=شليل غرب ضـاع مـاه شلـوق
وأرويت رمحي عن ملامة ربعـي=لعيون ريـوف والرجـال حقـوق [/poem]

[المخاوي]

[align=center]بيض الله وجهك يابو فهد على هالسوالف الطيبه

والله انا مشتاقين لسوالف الاولين ومغازيهم وعلومهم الغانمه


قبيلة بني صخر قبيله غنيه عن التعريف ومنازلهم كما تفضلت شمال

وسليمان الخريشا فارس معروف وشجاع وأنا سمعت يابو فهد عن قصتوه

مع زوجتوه عجايب وان صابوه مرض واخذ يتعالج فتره ولكن دون جدوى ومن حب

عجايب لوه قامت تنشد عن علاج لوه ووصفت له عجوز ان دواوه انتس ياعجايب

تحلبين لوه من صدرتس -والظاهر انها تحط شين مع الحليب- وتسقين سليمان

وفعلا عملت ماقالت له العجوز وبعد أيام شفاوه الله وغدا أنشط من الحصان

وبحدى الليالي يوم بغاه زوجه سليمان منعت نفسه منوه وعلمتوه بالقصه

وكيف انه حلبت من صدره لوه وان الله شفاوه ثم هالحليب وقالت اليوم ياسليمان

رح انشد اهل الدين وشف انا احرم عليك والا أبقى زوجتن لك ؟ وفعلا راح نشد

ويقولون انهم حرموه عليه وبعد فتره جو لأبوه خطاطيب وهم كما ذكرت

الجربا وابن شعلان وقالت قصيدتها السابقه

وقالوا انوه راح للمشايخ اللي حرموه عليه وضرب راس حديهم لياهو يتدربى

والثاني من الخوف قام يزحف قفوا وحلله لوه تحليل من الذله ههههههه


أما الفارس سطام حصيني الشمري بعد فارس ماهو بسيط وباحدى الغارات

قال لبنتوه ريوف يابنيتي أنا ابي أروح لهكالرجال وان شفتيني أنا وياهم

نتضارب ونتطارح لاتخافين ترينا نلعب ,,,,,


حبيت اني اضيف بعض الشي واسمحولي كان تعديت او زليت [/align]

[فواز الغسلان]

الا كلك حلا وطرا يالمخاوي الله لايهينك مافيه احلى من السوالف



من الجميع لين يجمعون خيوط القصه من جميع الجهات




الا ليت لو كل الاخوان يدلون بمثل هالمواضيع الونيسه00

[سعد الشمرى]

بيض اللة وجهك يا ابن غسلان ولاهنت يا بعد ميتى عزاللة انك جبتها وانا قايل مالى الى ابن غسلان دليلنا انت ولاهنت وزنت يا مخاوى عزاللة انك صدقت ويازين من كمل وتكمل كفوووووووووووووو

وعزاللة انى ادور على الشى الى بة خير للجميع الى بة عبر وحكمة وانتم اساتذتنا الكبار


لاهنتم وزنتم

[المخاوي]

[align=center]
الله لايهينك يابو فهد وانت تعتبر من الرواة اللي نفخر بهم ونعتمد عليهم


الرطاب

انت راع النشده والمعذره ماشكرناك على نشدتك هههههه
لان السوالف احيان ماتجي الا بالنشده

لاهنت يالرطاب والله يحيب اللي بوه خير للجميع



[/align]

[السفاعي]

مشكور يا العزوة على ها الموضوع اللي عرفنا قليل من سليمان الخريشا لونيا ابو فهد اني جديك

[سعد الشمرى]

السلام عليكم ورحمة اللة وبركاتة


اخوى العزيز وراوينا الفريد بوفهد



انت ذكرت بانك تعرف قصيدة سليمان الخريشا يوم يفك حلالة وانا مانى عارف ايها هل هى يوم ينتخى ويحدى ويقول


[poem=font="Simplified Arabic,4,coral,normal,normal" bkcolor="transparent" bkimage="backgrounds/5.gif" border="ridge,4,gray" type=0 line=0 align=center use=ex num="0,black"]
يوم الطراد الخيل دنولى جوادى = من حليب ابكار زودولى عشاها [/poem]


ولا غيرها


المهم كفيت وفيت وبيض اللة وجهك وجهة اخوى مخاوى