السلام عليكم ورحمة الله وبركاته :
اخواني واخواتي مرتادي هذا المضيف ارجوا التكرم بقراءة خطة واهداف هذا المضيف قبل كتابة مواضيع جديده ولكم مني جزيل الشكر والامتنان
<<<< انتهت لياقتي بالكتابه الرسميه :D
اول شين هالمضيف ما وضع الا لزرع البسمة على براطمكم المتشطبه بعيدا عن الاسفاف او تخطي الخطوط الحمراء لمثلث برمودا ( الدين اولا ثم السياسه والجنس ) مع ان هذ ما يبي له وصاة فانتم تعلمون ما تعلمون ( عاد اللي يقراه خطا بكيفه :D )
ادري تقولون وش يبي هو ووجهه :D
بس عاد اسمعوا انتم ووجيهكم بعد :p من اليوم ورايح اي واحد يحس انه زعول او نفيسته شينه لايقرب لمضيفنا لاننا نبي نونس نفوسنا هنا ونفل الحجاج ( :DD ) مانبي نكد او رسميات او ثقل واي واحد يزعل من مزحنا ويروح يشتكينا عند الاداره لا يلوم الا نفسه والله يانا ابخفس بدرجات اعماله واحط لوه صفر بالمشاركه بعد :D واي واحد يخطي على واحد خطا شخصي يتحمل ما يجيه لاني ابسلمه شمالي واخليه يمارس هوايته المفضل ( سبلكس خلفي يخليه يشجع ضمك عقب ماهو يشجع التضامن :D ) هذا من ناحية النفسويه والتعامل :p
ومن ناحية المواضيع فنبي ابداعاتكم وشخابيطكم حتى لو تشوفونه ما تسوى لانه تبقى منا وبنا واذا شفت انكم بديتوا تسطرون روائعكم الخربوطيه لكم مني اني ما اسمح بالمنقول بهالمضيف ولاخلي هالمضيف منكم واليكم والسلام عليكمواي واحد نشوف منه انا والاداره النشاط والابداع راح يعطى مميزات ومسمى رتبه على كيفه
هذا غير ان مواضيعكم المميزه بهذا المضيف راح تشوفونه بالمتميزه باذن الله
اهم شئ نبي ابداعاتكم الساخره لاننا ملينا من الرسميه وملينا من الحزن من همومنا ومشاكلنا الحياتيه, فما له داعي نجيبه معنا هنا بعد , واللي يبي يواصل مسيرته التشاؤميه عليه بمنتديات ببالي تخليه يهل العباير اربعه اربعه ثنين :D
طبعا البدايه دايما صعبه لكنه مهي عايق لان اللي انا شفت بالملتقى كلهم خفيفين دم وعندهم القدره على انتزع الضحكه بالفطره ما عدا واحد ببالي لو يرجع لي فليساتي تسان ما مثله :D
ومجال الفكاهه واسع جدا يعني حوالي كبر ميدان الفروسيه الجديد :p وبامكانكم استغلال همومنا للضحك والسخريه منها , ولا تهون عنواين الجرايد او المقالات , هذا عدا ترك المجال لخيالكم ليسرح ( مع الطليان ولا يجفلني :D ) بعيدا عن لغة العقل والمنطق .
وعبر هذه الكلمة المقتضبه ( اما مقتضبه كثر منه ,شوي وللا تصير رسالة فيدل كاسترو للشعب الكوبي <<< الكوبي وللا الكاستي :D ) اوجه نداء لجميع اخواني لتعقب خطوات اثنين من الشعراء والحاق الضرر لكامل بقصائدهم بجلبها لهذا المضيف ومن ثم تشويهها وتحريف معانيها واللي يبرد تسبدي بهم يبشر بسعده وهم :
العذب
ومحمد الربع
واللذين ثبتت ادانتهما بمحاولة التحرش بي عن طريق بعض المواضيع يحسبوني لحالي , ويوم قلت لهم يجون هنا ذلوا يجون بحارتنا ثمن ندبغهم ( <<< ما يهاوش الا بحارته :D ) :D:D:D:D:D
كان هذا هو الموجز واليكم الانباء بالتفصيل :p
يمتنع الزعولين في هذا المضيف اطلاقا وترا فيه مضايف غيرنا
عدم المساس بمثلث برمودا او الاقتراب منه لانه يكهرب :D
عدم الاساءه الشخصيه لي عضو
اكتبوا الله يرحم والديكم ولا تهيبون من البدايه لاننا كلنا مبتدئين وتحملوا النقد والتعليق
يسمح بتأسيس الاحزاب المواليه لي فقط واللي مهي مواليه يصير خير :p
اي واحد يبي يشتكيني عند الاداره خصم خمس درجات من اعمال السنه ويحرم من الفسحه :D
نبي التفاعل مع المواضيع لان الردود قد تزيد الموضوع جمالا ورونقا <<< عاد خلوا الموضوع وقولوا لي وش رايكم بهالجمله ما تحسون اني رومانسي ومعذب :p
شعارنا دائما وابدا :
فل الحجاج وخل عنك التصانيف *** كلن يموت وحاجته ما قضاها
:D:D:D:D::D:D:D:D
<<<< المستودعات مليانه من هالوجيه وقالوا لي لازم تخلصهن :D
محبكم
الشيخ :محارش_محارش
شيخ شمل الثوره البلشفيه وزعيم حركة السلام الاخضر :D
رد مع اقتباس
ياحبي لي
[sound]http://aburakan11.jeeran.com/shlonak.mid[/sound]
المفضلات