مساء الخير يالربع ..
عسى اموركم طيبه..
فيه امر دائما كنت افكّر فيه وانا اتصفح مضيفنا مضيف قصه وقصيده او المنتديات المختصه بقبيله شمر وما اكثرها الا وهو الاهتمام ( بالشيخه والنسب )
اولا ـ الشيخه :
استغرب حقيقه واندهش واحتار للتناحر العجيب والخلاف القوي والشديد بين ابناء الفخذ الواحد او البطن الواحد على من هو الشيخ العام للفخذ او البطن ومن المعرّف للفخذ
وخذ من هذه التفاهات والسخافات ؟؟
والتي يزيد عجبي كثره المشاركين فيها وكثره من يفتي فيها ؟؟ وكثره القراء لها ؟؟
... وكأننا نعيش قبل تسعين سنه يوم كان لشيخ القبيله الكلمه وكان يدير امور ربعه وجماعته ؟؟
هذا زمان ذهب .. الان اختلف الوضع وانتم اعلم مني بذالك
بل دائما تصل الامور التي تهتم بالشيخه الى سب فلان والطعن بفلان والتقليل من فلان وتحقير فلان وتحجيم فلان وهكذا .. الى ان يصل الموضوع الى امور نأسف لها ويغلق الموضوع ولا حول ولا قوة الا بالله
*طبعا لايجي احد ويتفلسف علي ويقول من الواجب التعريف بشيوخنا وذكر افعالهم ....الخ
انا اتكلم هنا عن شي اخر وهو الشيخه الان (بالوقت الحاضر ) ولا اتكلم عن الماضي لان الماضي معروف
ثانيا ـ النسب :
مما يحّز بالنفس اننا نرى كثرة من يتكلم بالانساب ونفس المشكله يتكرر الاستغراب حقيقه وتندهش وتحتار للتناحر العجيب والخلاف القوي والشديد عند النسب فكم من مواضيع الانساب حصل فيها مالا يتمناه كل محب لهذه القبيله العظيمه من امور يخجل الانسان من ذكرها
* طبعا من المطلوب ان يعرف الانسان نسبه والامام المبجل ابو بكر رضي الله عنه كان من مشاهير الصحابه في علم الانساب علما اننا وضعنا موضوعا فيه ضوابط الكتابه بالانساب وهو مثبت في مضيف قصه وقصيده
... لكن انا اتكلم هنا عن مواضيع قص ولزق قال ابن فلان في القرن الفلاني ان الفخذ الفلاني يرجع لكذا
واشياء تدخل في ذمه الانسان وانا اجزم ان الكثير من هولاء لم يطلعو على صحه النقل من هذه الكتب
يعني هل النص موجود فعلا ؟؟هل النص مكتمل ؟؟بحيث يفهم منه مااراده المؤلف ؟؟هل اتى بجميع المصادر التي تتكلم عن الموضوع ؟؟هل قرأ كل الكتب واستوعبها تماما ؟؟ هل وهل وهل ...الخ
لأن من الملاحظ كثره المشاركين والقراء في (موضوعي النسب والشيخه) وقله المشاركين والقراء في بقيه مواضيع قصه وقصيده وهذا شي غريب ؟؟
من يدفع منتدياتنا الى الهاويه ؟؟
فكل فخذ من شمر يعرف نسبه وليس بحاجه الى من يخرجه من الفلان ويدخله بالفلان والعكس صحيح وكذالك الشيخه فاليوم الشيخ ليس بالوراثه انما من يجتهد لخدمه القبيله ويطالب لها ويجمع ولا يفرق فتراه يمشي جاهيه ويصلح ويدفع من ماله في ماهو في صالح القبيله هذا اللي نبيه ويستحق ان يسمي شيخ ماهو ختم حاطه بمخباه ويمن به على جماعته وياكل خراجيهم واذا نزل مخطط لهم كانه له ووزعه على ناس ثانين على شان يقال انه طيب ؟؟
____________________
لحل المشكله ارى يااخوان ان لو تقتصر المنتديات الشمريه (على الاقل منتدانا) على ذكر مفاخر شمر من معارك وامور الفخر كالطيب والكرم والفروسيه ...الخ والتركيز عليها وترك امور لافائده منها ابد ..
اتمنى من الجميع ان يكونو معي في توجهي والمجال مفتوح للجميع (نقاش وحوار )
رد مع اقتباس
المفضلات