((مشوره)) ارجوا دخول الجميع

[فواز الغسلان]

(((وش اســــــــــــــوي ياجماعة الربـــــــــــــع)))


اخواني الاعزاء انا جمعتكم علشان استشيركم بواحد اسمه ( منذر ) حط علي اشاعه


اني ابي اعرس عقب شهر وقامت القيامه بالبيت عند ام فهد ولذلك قررت اني



اذبحه بس ماادري هو شنق او رمي او اغمته غمت ببطانيه وش رايكم؟؟

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

صبح سبت ودوامي يشلع الروح شلعي=بالمحاكم وكله في صكوك وقضايا
وصار منذر هواشه يملع القلب ملعي=شاع عرسي لربعي ياعيال الطنايا
لي عجوزن ببيتي تكسر اليوم ظلعي=تمنع الطبخ عندي لين نصبح شظايا
عقب مالعيش واجد نبلع الظهر بلعي=بان جوعي سبايب (منذرين) الولايا
ويل قلبي اذا هي قررت غصب خلعي=صار ذبحك حلالن ياخبيث السجايا
وسط بيتي عيالن كالمفاريد صلعي=وكان راحت رميتك وسط حوض المنايا
اولي غصن موزن يعجب الناس طلعي=صارت غصون عودي من قناته محايا
ادري انــه يداور ياهـل الجـود قلــعي=يقلــع الله ضــروسه ليـن تصــبح دمـــايـا
وقمت اجاوب حمامن من غلا الولف يلعي=ابي ذبحي لمنذر يوم عيد الضحايا [/poem]

[خبايا الصخوور]

اللـــــــه عليك
صح السـ،ـ،انك

عزالله اجديتبـ،ـ،ـوه

حيـ،ـل فيـ،ـه يستاهل ماقصرت معاه

بالابيـ،ـ،ـات

بسـ الخوفـ مو منـ،ـه الخوفـ
انك تص،ـ،ـير بخبر كانا

[سلمان النبهان]

سلامات يابو فهد عساك سلمت بس من عواقبه ؟؟؟؟
اما منذر هذا ودك تدعسه بالجمس وهو محمل شعير على الزفلت
انا اعرفه راعي فتنه الله يهديه ويصلحه ....
رائعه ابو فهد وماقصرت والاشاعة ماهي طيبه
وام فهد ماتستاهل من ياخذ عليه عقب هالعمر ..

[ghosty]

صح لسانك يابو فهد

وقليل الفود منذر هذا وين دياروه عساوه حولي عندي للي وايتٍ مابه بريك

ابي اتجشمه واريحك منه

لا خلا ولا عدم من ومن الجميع

[كبود الزمل]

أحيفك والله يابو فهدالرجال صافطلك إويبيلك وإنت تبي تذبحو...لا لا لا ماهذا الراي .

ياخوي إنت إتشير ما تشاور .

لا تطيع شور المشيرين بالمنتدى ثرهم يبون فراقك يبونك تذبحو ثم يحكم عليك بالقصاص ثم عاد دور الوجاهات والزورات يم إعيال منذر غايرين منك ومن سوالفك ومن شعبيتك الكبيره .

شوري عليك إنك تعرس إو تستانس وام فهد طلقه خله تروح يم اهله .

اما منذر اول شيء تحب خشمو ثم راسو وليا جاء الحج تروح تحجلو وتحج لوالديه .









و بعدين تحجلي انا على هالراي السديد .

[ابو عارف]

يقولون الناس مايظهر علم من تحت حصاة.

شوري إنك تخبر أم فهد وتصارحه بعرسك المسيار الذي كل الناس عرفوا عنه إلا أم فهد المسكينة وهالصلعان يأخي أخبرهم و خلهم يقطعون الشك باليقين.

تر الحريم أكثر واقعية من الرجال لما تعرف حقيقة الأمر تطلب منك رضاوة 150 الف ريال وبيت جديد وكم كيلو ذهب وبس بشرط العدل والمساواة ومصرف البيت والعيال وتوريك نجوم القايله كل يوم.

الله يوفقك ومبروك العرس يابو فهد.

[سلمان النبهان]

^
^
^
ياكثر المناذره اليوم

[خالد الشمري]

يقول ابو زويد :
وليا ضاع فكرك شاور اهل المعاريف
الله جعـل لمـدوّر الفكـر الأسيـال
ولا تشاور إلا من يخوّفك ويخيـف
يتيه راي مشـاور البايـه الضـال
ولا تطيع مقرود ٍ يدربيـك بالهيـف
وليا سرا بك قبلـة تصبـح شمـال

وايضا قال ابو زويد :
قالو تشير وقلت انا اليـوم ماشيـر
وعيب على من جاب شوره ولا جاز

انت تعلّم يابو فهد ماتنعلم

[فواز الغسلان]

والله ماادري يالعزوه وش السوات بهالمشكله؟؟؟؟



خبايا الصخور وغوستي وسلمان النبهان واضح صافطينن لي000


وكبود الزمل يبي والله فلقتي لما تصير صعارير راسي تقل حجار تريك00



وابو عارف عز الله انه يبي دفقت صبوحي 0 يبي ينتفن نتف تالي عمري000


وخالد الشمري والله انه يقدم رجل ويوخر الثانيه وده بهذي وذال من هذي وبقى محايد000



ابي انتظر بقية الزملاء مثل المطنوخ وريال وليد فسحه والجماعه كلهم


ولعل يدخل بالراي من الحريم اللي لهن راي سديد بهالمواضيع



لانهن مبروكاتن هن00 علشان اقرر0 اما ابوعارف واضحه ماتبي



خطيب سالفته يخي كشعر شعر راسي يوم سمعت رايه000

[اخو نوير 1]

[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
يالعبـد لاكثـرة غرابيـل دنـيـاك=بالـك تبـيـح لــلاوادم كنيـنـك
أصبر برجو الله علـى كـل ماجـاك=وسأله على بلـوى زمانـك يعينـك
صبرك على همك ولافرحـة أعـداك=اللي على طـول الدهـر حاسدينـك
ترى الرسول بكتم الاسـرار وصـاك=وراع المثل قال انتبه مـن خدينـك
الموجب أن أسلاح الأصحاب فتـاك=واليا اعرفوا غايتك حطـو كمينـك
أيـاك ثـم أيـاك ويـاك وايــاك=لاتبـدي أسـرارك علـى ناشدينـك
ولاتشتكـي للنـاس لوهـم دنأيـاك=ترى البشر مثلـك ماهـم نافعينـك
ومن لاشقابك مانقـل هـم شكـواك=حتيـش لـو انـه حـدى والدينـك
يذكرك يوم وبـاق الايـام ينسـاك=لو غبت عنه سنيـن ماقـال وينـك
اشتك على الي كون اعضاك وانشاك=رب المـلا عـلام زينـك وشينـك
أما حمـاك مدبـر الكـون وانجـاك=مـن المقـدر ماتفـكـك يديـنـك
واضرب على الكأيد الي كثرت ارياك=ولالك عن المكتوب بعالـي جبينـك
اماخسـرت وزودت همـك ببلـواك=والاكسبـت الطأيلـه فـي يمينـك
واعرف ترى المقسوم من عند مولاك=لـزم لـزوم انـك تشوفـه بعينـك
اما قعـدت بحروتـه ليـن يلقـاك=ولاقعـد قدمـك وجيتـه بحيـنـك
واعرف ترى قدرك قدر ماب مخبـاك=لاكثـر مالـك كثـرو مصاحبينـك
وان قـل مابيديـك كـلآ تـحـداك=ولقيـت كـل المجتمـع كارهينـك
لو المزايـا الطيبـه مـن مزايـاك=كثـرو أعـداك وقلـوا مصادقينـك
اقرب قريب لك من النـاس يشنـاك=ويصير قدام الناس مـن شامتينـك
ورفيقك اللي حزت الضيـق يجفـاك=قطع حبـال الوصـل بينـه وبينـك
حتى الـى دارت دواليـب الافـلاك=وشانت اسنينه وانت زانت سنينـك
تفتـك مـن شـره معـاد يتنصـاك=ينـخـاك ولابـلازمـه يستعيـنـك [/poem]


هذي والله النصيحه يبو فهد وانت رجال ما يحتاج