[align=center]السلام عليكم ورحمة اللة وبركاتة
هذا سلطان المنيعى والمنيع من شمر عندة بستان وعندة ثلاث بنات واللة مارزقة بعيال ولسلطان اعيال عم وعيا يا سلطان لايعطى اعيال عمة بناتة وتحزمولة مثل العركة جو لبيتك ياسلطان وانطحهم يا سلطان ومعة سيف لكن الكثرة تغلب الشجاعة كما العمر لة دور وامسكوة وقطعوة يمناة ويسراة وخذو بناتة غصبن علية وتركولة بنت وحدة ترعاة المهم راح البستان وراحن بناتة
لة ولد عم اسمة فهاد سارحن مع الصايح على دور الشيخ درويش العيادة يوم درويش سكن الاسلم بالخابور
لا ليل سلطان ليل ولا نهارة نهار من الغبن والقهر الى كاتمة بصدرة اجر رجل وارسل معة قصيدة
يتمثل سلطان المنيعى ويقول
[poem=font="Simplified Arabic,5,white,normal,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
ياراكبن حرة يزهابها الخرج وشداد= بذوايب المسلوك راعية ينخاة
ومن خشم ليلة وبشروق مداد =العصر بالخابور حروة معشاة
ارسل يامرسال لاجيت فهاد = قلة ولد عمك من الظيم ينخاة
ان كان يتعذر عنى بالابعاد = لوطول الغيبة ترانى اتناة
خطو الولد بانت اغبونة من الزاد = اليا قضى عدلة لاواحلالاة
وانا اغبونى من مصلات الأولاد = نطيح العديم لاغدا الهوش لولاة
وانا بروحى بشيبتى وش عاد = كلن على حقة يدثر رزاياة[/poem]
واسمع يا فهاد بالقصيد يوم القصيد ياصل فهاد يسمع ان لة ولد عم بالعراق لكن المصيبة محدن عارف زول الثانى
وهو ينسطر يا فهاد ويبيع شرطة من الحلال وينهج يم الدير ويشترى ( قردة ) ويشترى ذلول حرة وهو يجيك هاج يم ولدعمة وياخذ ايام وليال وهو يطب على سلطان مالكم طويلة وهو ينوخ ذلولة وتفزع البنت وتقول يبة جانا خاطر قال العن ابوج شبى النار ياللة حى الضيف ياللة حيوة عندك ياضيف الرحمن الدلال والقهوة صلح لك اقهو ة واشرب وانت مثل ماتشوف سلطان مايدرى ان هذا فهاد
دار بينهم حديث
قال فهاد يا شايب الرحمن وش علمك
قال سلطان واللة ياضيف وجعان
قال سلطان انت يوم انك تنشدن انت منين
قال فهاد انا من ديرة الظفير
قال سلطان واللة يا البناخى احسبك من ديرة العراق
قال فهاد وش علمك يارجل علمن
سلطان علم فهاد بالموضوع وقالة باجر يمدون قوانيص
فهاد عين من اللة خير وعلى فجة النور وهو وراهم
طب عليهم يا فهاد ولا هم منوخين وجالسين يتشون صايدين لهم صيدة سلام سلام يارجل اقلط
وهم جالسين يتغدون فهاد جالس يفكر وشلون يطلع القردة من الخرج كذب عليهم بهسالفة قال انا عندى قردة من حياة والدى الحجر المرمر تقصة نصين قالو العن ابوك على امك على هالكذبة
قال ياجماعة لاتكذبونن هذة موجودة بالخرج المهم هو يبى يطلعة بس
الحين كل واحد منهم بندقة بعيد اعنة وهو ينتخى بسلطان وينسطر عليهم ويشيل راس كبيرهم وركض على الثانى ولامدربى راسة ونحاش يالثالث وعلى اجبلة ويحذفة علية حذف ولاهى جادعتة معاهم
وقوم يافهاد وحط روس الثلاث بالخرج وركب ذلولك ورجع يم سلطان حول المغرب
وهى تقول البنت يبة خاطرنا رجعلنا قال سلطان شبى النار يابنت
فهاد نوخ ذلولة بعيد عن البيت وترك الخرج
قال فهاد واللة ياشيبة الرحمن صيدى ثمين ومانى حاسدك علية خوذة
روحى يا بنت للخرج وهى تفتح الخرج وشافت الروس وهى تصيح يايبة قال سلطان وش علامج قالت البنت راس افلان وافلان وافلان
صاح سلطان فهاد قال فهاد اى باللة فهاد وعند وجهك
ورجع يا بستان وبناتة رجعن لة
وسلامتكم
اخوكم الرطاب[/align]
رد مع اقتباس
المفضلات