اكتشفت ان الرجال الشمري...............

**مهاجرة باحساس** · 18-05-2007 15:56

بصراحه

كنت في يوم من الايام اللى تمر علينا كلنا يوم طبعي جدا بس رطب كالعاده

جالسه

ومطيرتن عيوني بالسماء

مدري سرحانه مدري طفشانه مدري كنت متهاوشه مع احد

بس اذكر اني بالجامعه

اخلصي بس

المهم جت وحده من خوياتي اتذكر انها العفريته الله يذكره بالخير

قالت تصدقين يامهاجره ان وحده من جماعة امي ابوها من قبيله وامها من قبيله وكلهم مهم شمامره

زوجها طلب منها تسوي عشاء عندهم رجال قالت :لا ,قام وخذالوه ماسوره حديد والطخ بالراس وهو يشق

راسه وعلى المستشفى ويخيطون راسه وتطلع لاهلها زعلانه

وتخيلوا رجعها لبيته بمئة الف ريال ,وعادي ولا كن صاير شئ

عاد انا قلت الحمد لله اني انخلقت شمريه

والرجال الشمري الطف رجل بالكون اذا حمق شال العقال وامسط او اعرس عليه او يجدعه عند اهلها لمن

تخيس وترجع من كيفه

عاد انتم وش رايكم

**مهاجرة باحساس** · 18-05-2007 16:01

على فكره مافيه تفاصيل اخرى عن الموضوع

الا عاد اذا فيه بخشيش

**المطنوخ** · 18-05-2007 16:18

تسمعين بزر انتر الله يصلحتس؟ ((وجه معصب))

**ريال الفسحه** · 18-05-2007 16:19

بخاشيش مامن بخاشيش حنا يالله معيشينن ارواحنا

بس مع اني احس ان موضوعتس بوه طلاسم بس انا متاكد

ان الشمري كائن مليئ بالرومنسيه ووفي لزوجتوه

**المطنوخ** · 18-05-2007 16:21

الشمري كائن من فصيلة الارطا

يدبل التسبد

بوه عنجهية

مرات يقفل مخه الا دايم يقفل

يسمع بالذرابه

لكنه الانقى قلبا!

**أبوطروق** · 18-05-2007 16:23

مهاجره
$$$$$$$$$$$$$$$$$$$$$هذابخشيش$$$$$$$$$$$$$$$$$$$$$

بصراحة هالرجال )ياعل يده ما تنشل( ما أخطا إلا بحاجتين،أول شي ليه يوديه للمستشفى كان خلاه يما يخيس جرحه ويفتك.
ثاني شي إنه دفع هالمبلغ علشان يجيب هالعلة العوبا لبيته. كان خذا وحده ثانية أحسن له.

**عجايب بنت الشايب** · 18-05-2007 16:26

مهاجره

باحساس

الله

يخلف

على من

قراء لك موضوع

بالله

هذا موضوع

هذا وانتي خوياتك بالمختصر وتحملت .. اللي مايعرفني يكتبن اقل من 47637 سطر

لاعاد تعودينها >>>> خوش تشجيع

تقولين الحمد لله انتس شمريه

اي والله الحمد لله

والله يهني سعيد بسعيده ... >> وش جاب الطاري

مشينا للمقلط

طحياتي .......,,

**عبدالعزيز** · 18-05-2007 16:54

مار حتى العقال بوقتنا هذا استبدلناوه بالمنديل وقت الزعل ..

ايوالله ان مشاعرنا ومحاسيسنا متشلقايه من زود الرهافة مار ان الله ماعطانا الا الخشب

**بالمختصر..** · 18-05-2007 16:56

.
.

مهاجره

خالة خويتس هاذي مجنونه وألا انجنت

المفروض تآخذ ماسوره أكبر من اللي معوه

وتوقف بالزاوية وتقول لوه :

اصلا انا مااحبك ..

هههههههه << سامعه السالفه مبطي وتضحك

الله يآخذ عدوتس ذكرتيني بسالفه ماودي أقوله <<تبي ترفع ضغطتس

لاتعودينه ..

وانا ادري إن موضوعتس هذا إرتجالي ..

ابي اضف وجهي وألبس عباتي وامشي ..

وين باب الرجال ؟؟

.
.