[align=center]
بسم الله ،،،
مقدمه //
اعترف ان رأس مالي ،،، ما اكتبه بقلمي ،،، وما ارسمه بريشتي ،،،،
وهامة عز اعيش بها رغم هذا الزمن الوضيع ،،،
.
.
.
اصدقاء روحي ،،، صباحكم احلى واحلى انشا الله ،،،، كعادتي اليوميه اجلس خلف مكتبي القديم ،، وأقلب احدى المجلات الباليه
التي احتفظ بها ،،، تأففت لفرط الملل ،، ودفعت بالمجله بعيدا ،، وسكبت
باقي القهوة الى جوفي ،،، وبدأت انظر الى نفسي في مرآه حائطيه ،،، فوجدتني بين زمانين ،،، زمن احببت فيه ،، وزمن اخر خاصمني الحب فيه ،،
شعرت بفرق واضح ،، بين قلب ينبض ،، وقلب آخر عرف السكينه واستراح ،،
اتعلمون يا اصدقاء شجني : لو كنت املك قدري لما اخترت الحب ،،، المهم شعرت بشيء من الاكتئاب ،،، ركبت سيارتي ،،، وادرت احدى
الاسطوانات ،،، فأذا بالـــــشاعر بندر الرشود يحكي معاناته مع البدويــــه .....
http://www.dwaihi.com/poem/3bndr5.ram
كان يتحدث بمراره وحزن ،،، حلقت في فضاءات الحزن قليل ،،،
وبدأت اجوب شوارع الرياض ،،، وبينما انا هكذا
استوقفتني احدى الاشارات المرورية ،،، فاذا بي في مكان غريب فيه اناس
اكثر غرابه ،،، احيانا تكون الصدفه (( معلمه ))
المكان : رصيف طريق الملك عبدالله ،،،
الابطال : المحروسه ، المحروس ، رجل الهيئه ، كومار ، مطعم ماما نوره
نزلت المحروسه من سيارتها الفاخره وكانت ترتدي حذاء رياضي ناصع البياض ،،،
(( لا يمنع من استخدامه في اعلان معجون اسنان لبياضه الناصع )) ربما
انها المره الاولى التي ترتديه ،،، كانت متشحه بالسواد ،،، وترتدي عباءه
جميله ورائعه في ابراز المفاتن !!! تضع على فمها لثاما ً ،،،
المحروسه :
يالله الجو رهيب جو رومنسي واخذت نفسا عميقا
و اسرعت في الخطى بحماس على الرصيف وبينما هي تمشي تقترب منها
اصوات لا تكاد تميزها ،، تقترب الاصوات اكثر فاكثر ،،،
المحروسه :
يووه وش ذولي ياقلبيه يجننون وش ذا العضلات وش ذا الطول ،،
المحروس لصديقه :
يالله تصدق فيه بشر غير البشر رسم وجسم ،،، سبحان الخالق
المحروسه :
من ذوقك بس ،،،
المحروس :
اتصدق يا فلان انك فتان من قريـٌــب واعيونك فتاكه من ورى
اللثمه ويبتسم بغمزه
المحروسة :
يا ربيه من جده هذا يكلمني هالمملوح !!!!
وبينما ( المحاريس ) كذا اذا بصوت سياره قادمه وش
تتوقعون ( جمس الهيئه )
المحروسة :
يمه جمس الهيئه ،،، هالحين ما لقو يجون الا لما كلمني هالمملوح
الحين وش اسوي يا ربيه يا ربيه
رجل الهيئه :
انتي يا بنت
المحروسه :
تسرع في الخطى قليلا ،، ويرتعش صوتها ،،، نعم وش تبغى ،،
رجل الهيئه :
غطي صدرك ما تستحين تطلعي بهالصدر هذا غطيه غطيه (( يعني انا مدري
وش يبيها تسوي يبيها تطلع وتخلي صدرها في البيت مثلا )) ،،،
المحروسه :
يا ربيه وش اقول لهذا الحين انا لو ما كان صدري كذا ما طلعت امشي اصلا ،،،
المحروسه :
يا ربيه وش هالورطه ،،، تخرج هاتفها الجوال من حقيبتها وبنبرة
حزن وألم تستجمع قواها ،، الو كومار وين موقف السياره تعال ،،
كومار :
انا جنب هذا رصيف ماما
المحروسه :
يالله شغل السياره والمكيف وحط شريط في المسجل وانا جايتك ،،
تتزاحم الافكار في رأسها رجل الهيئه يراقبها من كثب والشاب الوسيم ،،،
ينتظر رحيل رجل الهيئه ،،، فلا تجد بد من ان تركب السياره وتتحرك ،،،
وبصوت خافت متعب يا كومار : مر على مطعم ماما نوره ،،،، واطلب منهم
صحن مشاوي كبير وواحد حمص باللحمه وعصير كوكتيل ((رياضه اخر زمن ))
تسـاؤل //
اخواني واخواتي الا ترون ان هذا الواقع مؤلم جدا ؟؟
وهل فعلا سنصل الى منصات التتويج علميا وفضائيا ونحن
على هذا الحال من الغباء شبابا ً كنا ام فتيات وايضا الاغبى ما يفعله ....؟
احترام انيق يجلل هاماتكم
اخوكم الفيصلي [/align]
رد مع اقتباس
<<<<<<<<< الأبتسامة لاتكلف شيئا
المشاركة الأصلية كتبت بواسطة الفيصلي
المفضلات