بسم الله الرحمن الرحيم
الأخوان الأساتذة الأفاضل والأخوات الكريمات يشرفني كل حرف كتبتموه لي وكل كلمة حب
و تقدير أشكركم كل الشكر للجميع بدون تخصيص أهدي لكم تكملت القصائد عسى أن
تعبر شيئا من مابداخلي لكم من الحب والتقد ير والأعتزاز
بعد الصيحة التاليه وماقبل التاليه نواصل قصا يد الشاعر مبارك طناء التبيناوي
والشاعر/ رجاء عوض الشمري أبو مسند
((( الشاعر/ رجاء عوض الشمري)))
أخذ عدة شهور وبعدما عرفني تمام المعرفه بعث لي بهذه القصيده يعتذر ويقول أنه
ليس هو هداج تيماء على حد قوله0
[poem=font="Simplified Arabic,6,white,bold,normal" bkcolor="green" bkimage="" border="double,9,sienna" type=2 line=0 align=center use=ex num="0,black"]
ياالله ياللي يسألك كل محتاج = ياواصل المقطوع والوصل مقطوع
عفوّك ولطفك بالقضاء وقت الإحراج = إجعل لنا حظ ٍ عظيمٍ ومرفوع
وخلافها خطيت مزج ٍ من الزاج = الصح أقوله والخطاء ذاك مرجوع
هاض القريح وهاج مثل البحر هاج = عومن يعوم بعاتي الريح مدفوع
هاض الغرام وصار للرجل منهاج = وأول بداياته بعبرات وإدموع
ودخلت مع لي باب مامنه مخراج = غديت مثل اللي القلم عنه مرفوع
البارحه ياليل مسراء ومعراج = ماغمضت عيني ونومي على الكوع
ولالاج بعيوني حلاء النوم مالاج=ليت السهر لوطال مكسب ومنفوع
ياويل من مثلي شكاء حب وخلاج =والوقت طال ولاجناء منه مزروع
ياراكب اللي مع الصنف له تاج = تاجنٍ يتوّج باالولايات مصنوع
صنفن تميز حي منشاء ومدراج = راعيه مايهديه والبيع ممنوع
يسبق هبوب الريح وإعجال الأمواج = ويدوّي مثل سيلن تحدر على فروع
وإن إعترض ويلات خطن وبطناج = ماهزن الجبرين ومثومن الكوع
عاج الطيور الطايره عاج مايعاج = إسهام ذيبن والغنم غر وإرتوع
عجل الندب وقت السفر عجل الإدلاج= يجري مع البيداء على صوب وقطوع
راعيه يسري ليل والصبح ماأنباج = يلمع قزازه باالقمر برق لاموع
منا مشاء عجلن على عجل الإسراج= ماينهزع ممشاه لأزوال ونجوع
يلفي على بيتن ماهو بيت مسهاج = ساسن على ساسن محصن وموضوع
بيت الزكاء وأوفاء الوفاء عز وأبهاج= من شجرتن خضراء لها في وفروع
ماحط باالبيبان قفلن ومزلاج= مدهل جحافل من هل الكار وجموع
يدعيك بيته عاصف العود فوّاج = ونجر ن صداء صوته على البعد مسموع
وإقلط على عذابن زهاء وسوطهن تاج = ومزعفرن توّه على الجمر مصنوع
عقب المهيل والقراء عند هداج = عطه جوابن داخل الظرف مشموع
منا سلامن عد ماطاف حجاج = يابو طناء حبل الرجاء اليوم مقطوع
إلا إن عاد معيد لأرضه بدعاج = محيي رميمن هامد الراس وجذوع
يابو طناء حبل الهوى حبك وإدماج = قفلن على الأعناق مثني ومربوع
غرون ملك ماكنها نطفة أزواج = أنشهد إنه لاعني باالهوى لوع
خده كما الأنيون من فوق الأبراج = وشقر الذوايب فوق ردفه يجن بوع
وعيونه الموت الحمر عنده أفواج = وشفاه ورد الشام مامثلها نوع
صفن ثمانه حب رمان وثلاج = والكف ديباجن وماهود مجموع
ونهودها بيضات وزن بملواج = هافي حشاء ضامر تقل طاويه جوع
والساق غض ولونه أبيض من العاج = هذي وصايف كامل الزين وطبوع
وجدي عليها وجد غرقان الأمواج = يبي الحيات ولاتهياء له إطلوع
أو وجد عطشان الفيافي والأزراج = وجدي كما وجده على برد قرطوع
وأربع سنواتن وأنا بهم وإزعاج = لاوآصل ٍ واصل ولاني بمقطوع
مابين ياسن والرجاء وآل الأفراج = جزل الوهايب والرجاء منه مشروع
يابو طناء راع الهوى ماله علاج = تر ساعتي يومن ويومي غداء إسبوع
تمت وصلى الله عدد نشر وإخراج = على رسولن ساد الإسلام متبوع [/poem][/poem]
(((الشاعر / رجاء عوض الشمري ـ أبو مسند )))
ردا على قصيدة الشاعر رجاء عوض أبو مسند
[poem=font="Simplified Arabic,6,white,bold,normal" bkcolor="green" bkimage="" border="double,9,sienna" type=2 line=0 align=center use=ex num="0,black"]
يا الله يامدير الكواكب والأبراج = تعطي ولا جزل العطاء منك ممنوع
عالم خفيات الحناياء والأدراج = لولا وصالك ماوصل خير وإفزوع
رجواك يارب الفرج منك الإفراج = ياالمعتلي لاتجعل الخير منزوع
عليك ستر اللي بداء فيه لجلاج = ياملتجاء صوتن ٍ يناديك بخشوع
ومن بعد ذكر الله كما البدر وهاج = قلبن يحده للتماثيل موضوع
قال التبيناوي بداء بدع وإنتاج = في قدرة الله يارسنها معي طوع
يأخذني الهوجاس لإعداد وإخراج = إهتضت واللي هيضن صافي النوع
ياراكب اللي ياشلع قلت ميراج = جديد عام ألفين وإثنين مصنوع
عليه من حدّه على طلعت الفاج = من قبلي الخطه مشاء جدي وقطوع
لو إن في دربه براخيص وهباج = ينحاه ناحي صاحي الفكر قاطوع
ذيب الغداري للبعيدات بوّاج = الفاكس آر وسايقه قبل مليوع
يضحك حجاجه ياأنعمس كل هلباج = عليه من غشام توصيف وطبوع
فرخ النداوي لأبرق الريش رعاج = طلعه بعيد ولأبرق الريش نازوع
مع كل فج وحقنتن شاف منفاج = وحيفته من سمعها صد مفجوع
خطط براسه نبك أبو قصر وأنباج = جنب طريق الربع رفحاء وميقوع
يشداء لذيبن صادفه راعي إنعاج = ليل الشتاء قبل العشاء فز برجوع
مثل السهم يلعج سناء نوره إلعاج = وقت الغضب باأربع قوايمه مدفوع
ماطبه الخامس وإذا الخط منعاج = عطاه ثالث خوف بطناج و إهزوع
غيّر طريق أهل الدداسن والأدواج = حدد بماجلان نزلات وطلوع
ولا حافه الهندي ولا بات بكراج = ولاشيف كبوته بمسراه مرفوع
ولا هزّه الرايح ولا إهتز بسياج = يدلي كما النادر بتوعن وطالوع
شاف الحباري شوحتن تدرج إدراج = وأدلاء بها مثل السهم لاحقه جوع
ونوبن تهنفل طامحن شافت إفراج = عنده خبر متحريه شيخ وفزوع
يلفي على بيتن ماهو بيت مدهاج = بيت الشرف مدهل مشاكيل وإربوع
أخوان ميثاء يالفاء النزل الإرهاج = وتناخوا الفريس والجمع متبوع
كم غارتن يشبع به الطير ياراج = واللي عتق كنّه على الوجه ملفوع
بمصقلات الهند تلعج له إلعاج = كم فارسن باإيمانهم طاح مصروع
يلفي لبو مسند عوض كل محتاج = بيته لياجيته لك القدر مرفوع
المجلس اللي يرفع الراس وحجاج = باأطراف بيته تالي الهيل مجدوع
قولن على فعلن ماهو حكي هراج = ماقل دل وصادق الهرج مسموع
لابأس ياقرمن شكاء بعض الإزعاج = يشكي غرام معزل الوسط مربوع
غرون حسب وصفه مع الخلق ماداج = غرون سحر هاروت بشفاه مجموع
ماعرضت زوله على كل حوّاج = خمر ن كلامه يشلع القلب شالوع
والعود غصن الموز يامال وإنعاج = حلون نماه بشٍاطئ النيل مزروع
زينه طبيعي ماتزين بمكياج = غرون غرامه داخل القلب مطبوع
قلي مكانه لو مكانه باالأفلاج = ماإرتاح دامك تشرب المر منقوع
حقك علي إلا منه تأخذ الباج = وأبشر بعز وراعي الحسد ملقوع
لولا رجاء الغفران وش مطلب الحاج= والناس له قانون والسلم مشروع
هذا وعد ومعيد لأرضه بثجاج = رب العباد إمعيد للقاع برجوع
وبحق عم ّ والتكاثر والأبراج = وحق الرسول المصطفى خير متبوع[/poem][/poem](((وتقبلوا تحيات الشاعر/ مبارك طناء مبيريك التبيناوي )))
رد مع اقتباس
المفضلات