بسم الله الرحمن الرحيم
لايفوتني أولا أرحب وأشكر جميع الأعضاء والعضوات والرواة والمشرفين والزملاء الشعار وأخص بالشكر
الأستاذ الرآوي فواز الغسلان وأقول يابو فهد دمت بخير وأشكر الأخوان الذين تطرقوا لهذا الموضوع ولا هناك
على ما ذكرتموه أدنى تعليق ولكن أن سمحتولي أضيف عسى أن تتسع له الصفحه وصدوركم
قصيدة الشاعر / حسن دخيل التبيناوي بالأمير / محمد العبدالله الرشيد بمغزاه على ساجر الرفدي
وأهل الشمال أبن قعيشيش على السلمان شمال رفحاء 0000[/align]
يقول حسن التبيناوي
[poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
مزنن نشاء عقب الضحى ضاف الأركان = خيالن من المنشاء تناحا رواياء
مزنن بروقه باالدجاء تقل ضيان = رخمن نشت من عاليات البناياء
من راس لينه للخشيبي لفيحان = خيالن تضايق به وسيع الثناياء
وسميتن تنبت مع العشب فقعان = ويحرم على من ذاق نبته شفاياء
مخيلتن هلت على بيت رفدان = ترعد بسمحين الوجيه الطناياء
وآحلوا يومن به خذا الدين ديان = بالفاطر اللي عندكم له حكاياء
كزت حنينه يم طلقين الأيمان = وناداه شيال الحمول الملاياء
باالخيل والحله وشاكم وقطعان = دلالك لزينين المحازم حذاياء
لسهلة شراف ثار عجن وميدان = ليالليل يطردكم عطيب الهواياء
جبنا حديد خليف والبال طربان = لعيون من يلبس جديد الحضاياء
ياما حلاء ياخليف ردن بالأضعان = وركاب كيره فوق جال الركاياء
وياما حلاء ياخليف والبال طربان = وياماحلاء تحذاء عليه الحفاياء
وياما حلاء ياشوق مردوع الأوجان = ردوا على السلمان صيفن رعاياء
وياما حلاء ياخليف كان إنت زعلان = موضي الجبين وبنت ساجر عراياء
وآحلوا ملحتكم على الكبد شملان = متبوعتن ياشوق صاف الثناياء
ياخليف شدوا فوق عدلات الأمتان = رملن لهن قطع الديار الهواياء
كزوا سبور الموت طلقين الأيمان = يبغون عشر عطاف بين القراياء
باأدنى الغطاري طالع السبر دغمان = وسراء على النومه غثيث الحلاياء
بلم كلابه وإنهزم شاف الأوطان = ودرق بربعه عقب هكاالحماياء
ودورك وجب ياعمس الأشوار بوقان = يوم الزمايل مايبدن ضحاياء
حاديك صلوا المصطفق عز الأوطان = أسباب تقطيعك جميع العناياء
جمعت من جرعاء السماوه لحوران = هذي إعمولك ياخبيث السجاياء
سحابتك صارت على راس جدعان = سيله على الفدعان ماينتناياء
سيله ثلاث ألوان جيشن وفرسان = ورجلن ودهمن ناحلات الشباياء
بيومن عبوسن به عجاجن ودخان = غطاء الشنافيه وهاك االصراياء
ثار العجاج العدملي تقل جيلان = لياما كساء الفدعان عج السباياء
وردوا كما ورد المعاطيش غدران = وجملة عيال دهام جيبت حضاياء
ياسين منها ياقليلين الأضعان = هذي إعلوم دغيمن والحكاياء
أقفى حمول الخيل طلقن الأرسان = غصبن وخلوا راكبات الحناياء
نسوان أخو قطنه تقل وصف غزلان = ينخنكم باالصوت ياأهل الحماياء
ردّن بوجه الشيخ فراق الأقران = شيخن يحمل معورجات الجناياء
شيخن فرق بنت إبن ملحم وجدعان = وبنت الغبيني مثل عنز الشغاياء
سبحان من حط المهاء فوق قعدان = وأذراهن اللي ماتجيه المناياء
بيومن يهيل المنتضر كل الألوان = شبعن به العقبان هن والحداياء
وشبعوا على الديره وشمر وضفران = وشبع به اللي قاعدن بالقراياء
وأوقد بعمدانن على دور عرنان = جردن ومن طول الليالي تناياء
وكونن جراء ياخليف ماجاء بالأكوان = من ركبت الحكام فوق المطاياء
أعطاء المجره والعساكر والأوطان = وأعطاء الضفيري ياقلوب العماياء
ياما فرق به من خليلن وخلان = محمد زبون الجاذيات الوناياء
محمد زبون اللي على العمر شفقان = في ساعتن به مثل مل الشواياء
ذعار السباياء وإن تعاقبن الأيمان = ليا أطلّعن رقراق العجاج السراياء
بك من عرار وفعل أبو زيد نيشان = أشقر بك أوصاف القبايل تعاياء
ياالمصطفق ماأدري على أيات الألحان = أنت المحير اللي يلم الشغاياء
يالمصطفق خلف السباياء باالأطعان = يااللي لك الجرد الأصايل عطاياء
نامت عيون أمواتنا والسلف بان = ولهودنا اللي ماضياتن براياء
جمعت كون اللي لهدنا باالأقران = لعشرين جمعن ماعليهم دعاياء
أو دعت نثر عظامهم شت نجران = إلا الحشر مايفلحون التلاياء
يادرتن تغني القبايل باالأثمان = ياجوهرن يسقي الكبود الضماياء [/poem]
عدم المواخذه يالربع هذي من أقصر قصايد حسن التبيناوي بالأمير محمد العبدالله الرشيد
اللي مايقارب أربعون قصيده وأنا يالربع من طبعي إذا ماقلت القصيده بالكامل تركته لايمكن أقوله
أنا والله الحقيقه والله أقوله بلا مجامله كما أنزلت لأي كائن كان من طيور الفلاح اللي يشرف
علمهم وقال الشاعر/ إفعل وتكفيك الخلايق شهاده = والناس كلن دون حقه وعانيه ولكن
ياحضرات الأخوه الكرام الأعضاء العضوات المشرفين الزملاء الشعار إذا ما يرضيكم اللي قلت أسلم
عليكم ولا أزعل واحد فيكم وأنا حقيقه أحترام للأخ فواز الغسلان كتبت أول حرفي لاأطيل تقبلوا
تحياتي وتقديري
(((تقبلوا تحيات الرآوي الشاعر/ مبارك طناء مبيريك التبيناوي )))
رد مع اقتباس
المشاركة الأصلية كتبت بواسطة مبارك التبيناوي
المفضلات