بسم الله الرحمن الرحيم
جلس الشيخ ابن هذال شيخ قبيلة عنزه وذكروا عنده الالغاز وقال مافيه واحد اسرع من محمد الكريديس
من اهل موقق بحل اللغز فزاد الكلام فقال ابن هذال سووا لغز واذا ماحله وهو واقف اعطي راعي اللغز
ناقه فسوى اللغز عنيزان الحسيني الشمري وارسلوه مع مرسول ويقول اللغز :
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
الا ياراكبن من فوق وجنى=من العيرات مومية الحبالي
ودربك يالمعنى بس يوم=وحذرا من مرقعة النعالي
ترى منصاك لمحمد عشيري=ربيع الضيف كان الزاد غالي
وقل ننشدك عن بنتن مليحه=هنوفن عندك اغلى من عيالي
ونبي ننشد عن انثى للعموم=للطرقي وسكان الخوالي
ونبي ننشدك عن رجلن شهير=تسوق بنظرته كل الحلالي [/poem]
ويوم وصل اللغز له جاوب وهو واقف على الباب قائلا:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
الياجيتوا عنيزانن عشيري=عزيز الجار ممدوح الخوالي
وقل تسألني عن انثى مليحه=عرفت اللغز كان انك تسالي
تراه العافيه ياريف ربعه=كما ان العافيه ماله مثالي
وتسألني عن انثى للعموم=عرفت الغطو من ساعة لفا لي
هذيك النار معروفن سناها=سناها بالحطب يشعل اشعالي
جمايلها على الطرقي كثار=وهل العيرات لاهبت شمالي
وتسالني عن رجلن شهير=تسوق بنظرته كل الحلالي
هذاك الماء غدير ووسط بير=حليف الروح هذاك الزلالي
ترى لولاه ماشفت الضروع=وكل النبت دقه والجلالي
عرفت الغطو ماني وصف دحش=من اللي ممتلي جلده هبالي[/poem]
وفعلا حلهن وهو واقف على الباب فهذا مفتاح الالغاز بزمانه رحمه الله تعالى وجميع موتى المسلمين0
رد مع اقتباس
المفضلات