[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
تنام العرب كله واسامـر لذيـذ القـاف=لقيتـه يسلـي خافقـن راح محبـوبـه
اشوفه غدى لحروف شعر العرب ميلاف=مدام الضماير من هوى الزين مشبوبـه
هواها ترك عمري خطيرن على ميهاف=وهو بالحلا مرغـوب قلبـي ومطلوبـه
غزالن تشيل الروح في نابـي الارداف=مع الذوق في زين النقاريش فـي ثوبـه
الا ليتني ماجيت درب امهـات غـداف=ولاسقت رجلي طامعن بالهوى صوبـه
مجاديلها طاحت تهلهل علـى الاكتـاف=جبرها على عقـد المجاديـل بخبوبـه
لها مبسمن فيه الثنايـا تلـوح رهـاف=تقول العرب شالوا خفوقي وراحوا بـه
سكنها بعيدن للعـرب دايمـن متـلاف=ولاتامـن اخطـار المقاريـد بدروبـه
ورى ديرتن تذكر عليها الحصى وقـاف=قطعها الشلاقي في مغازيـه وحروبـه
ومن دونها ناسـن بواريدهـا تنخـاف=رجالن غـدى دم الرجاجيـل مشروبـه
عيون اشقرن تقدح على عالي المشراف=لمح صيدته لاذت عن الموت مرعوبـه
شلع وارتفع واظهر ظفورن تقل خطاف=تعلى على الصيده سريعن مهـو دوبـه
غدى الريش من كفه تقل ينتفـه نتـاف=من اللي طعونه فيـه الاقـدار مكتوبـه
او الريم لاشاحت عيونه على الاطراف=وخافت قوانيصن وموته تواصـوا بـه
وذارت مخافة واحدن للحشـى قصـاف=وعافت فياض اهل المقانيـص وذهوبـه
وانا لو نظرتوا حالتي ماعلـي خـلاف=ترى الجسم خالي منه الارواح مسلوبـه
عذابي غدى يشبه عذاب احمد العسـاف=يشيل القوافي من لمح بيـض عرقوبـه
يصيح الضحى يبكي غزالن شمالي كاف=والاجواد ماراعوا عذابـه ورافـوا بـه
وانا طحت مثله مانفع بي طبيب اسعاف=وكل الضماير عقب الاحبـاب منكوبـه
لك الله طريق اهل المحبه غدى ينعـاف=اذا الموت يرسل لي مع الفجر مندوبـه [/poem]
رد مع اقتباس
المشاركة الأصلية كتبت بواسطة مانع السرحاني
المفضلات