[poem=font="Simplified Arabic,6,white,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
يقول بعض الناس ما بالفقر عيب = وأقول أنا إلآ فيه عيب ومذلة
لآو الله إلا فيه عـدة عذاريب = إلا الفقر فيه العذاريب كله
إلآ الفقر يسقيك خبث المشاريب = ومنه النفوس تهيم من زود غله
*
يكفيه عيب انه يحدك عن الطيب = ويحط في كبدك ثمانين عله
أولهن اللي لا بغيت المراقيب = تكفخ وفي رجلك سبوقٍٍ تتله
ودام الفقر يردني عن المواجيب = أيام عمري كثرها مثل قلّه
*
طيّب!إذا كانك رجل خالي الجيب = ويأتيك من يطلب قضي لازمن له
ليا قال0( لك وإلآنقطه على الذيب) = والسالفة مابين ( ِشلّه و خله )
وأنت الذي لاانته تودي ولا تجيب = تعال فهّم ثور عنتر و قله
*
ابي اسأل اللي ماضياًله تجاريب = عن قول مابه عيب سائلك بالله
ابيك تكتب لي عن الوضع تعقيب = وتناول الموضوع دقه وجله
ودقق وفكر وانتبه قبل ما تجيب = وكلمه تقوله اثبته بالأدله
*
الفقرماهو (عار) لكن به (العيب) = إعرف معاني العيب يافاطنـلّه
كم واحدٍ له بالثريّـا مطاليب = مـار الفقر عن مطلبه واقفٍ له
وكل شيٍ أمره بأمر ربك مواهيب = وانا على ما يقدّره شاكرٍله[/poem]
[align=center]ابو فهد: سطم فهد ال خليل[/align]
رد مع اقتباس
يقول احد الشعراء 
المفضلات