)) مــقــلــطــ الــحــريــــمـــ ((

[بروووق]

هلابتس يابروق
وين رايحه اقلطي ماقدعتي من الخلاص اللي جايبته ماتنامين اسبوع من حلاه
تعالي سلمي خليني ادقمتس على خدتس
يمال العافيه شوي شوي طيحتي الزميم
توني شاريته تراه ذهب فيه فص ازرق==غالي يعني
سلمي على ام عارف تراها عجيز مسكينة قليلة شوف
اقللطي معنا وعطينا من سوالفتس
يالله حيهن تقههوا تقهووا

قمرهم كلهم \\\\\

مرحبا بك يا غاليين من البال الوسيع
.................................والجماله يا عسانا نطول اسبابها


ماعليكم زود والطيب عندي ما يضيع
....................................الناس الطيبه حاسبين حسابها
==============

عندي لكم سويلفات مو الحين بعدين ................بس وينهن حبايبنا ...............وعمدتنا وين راحت عجايب


هااااااااااااااااااااااااااااااااااه

تسرح بالغنم نسيت ............

[قمرهم كلهم]

هههههههههه
الله يهديها ذا العجيز عجايب ماتجوز من سوالفها
تترك الحريم وتروح تسرح بالغنم
بوطبيع مايخلي طبعه
بس ماعليكن فيه من يقوم فيكن
تقهووا

[بروووق]

هههههههههه
الله يهديها ذا العجيز عجايب ماتجوز من سوالفها
تترك الحريم وتروح تسرح بالغنم
بوطبيع مايخلي طبعه
بس ماعليكن فيه من يقوم فيكن
تقهووا

ياهلابتس ياقمرهم

شفتي وين لقيت عجايب ....


بحري >>>>>>>>>>>اي انظري يافتاه



شوفو وين لقيت عجايب ........انا بنت ابوي مخليتنا بهذا .....ياملا القوووووووووم

















عجايب معتس الكامره الخفيه ...

[متركيةعند المشب]

[align=center]السلام عليكم ورحمة الله وبركاته ........ هذي عربون سلام و محبة



أنا عضوة جديدة فى هذا المضايف .......... اليوم فعلت عضويتي




وما سجلت إلا عشان أشاركن فى ها المقلط وهذي أول مشاركة لي...... تعرفن حريّم و نحب السوالف



عاد أبي راعيت البيت تحييبي[/align]

[بالمختصر..]

:







هــــــــــــــاااااااااااي



بنات بكرا ماعندي إمتحان break وش رآيكن نسهـر !!!!


ألا صصيح مدري صحيح تذكرت سالفه


.
.


قبل سنتين وتحديداً بعطلة الصيف .. كنت جالسه ماعندي من الشيطان طاري

وأطالع لقناة السعوديه <--- هي سبب الطفش

المهم ....... وهو يطلع برنامج عن العطله والترفيه و و و أنواع القهر !!

ايييييييييييييييييييه وهي تطري علي فكـــره .. (ليه ماأقول لأبوي يودينا للمدينه الترفيهيه)

كان نيم بوقته .. وأول ماقعد حتى قبل لايفطر وانا انشب لوه .. نبي نروح نبي نروح

قال: اوديكم بشرط واحد !! انتس تقعدين خوانتس كلهم .. وسوي لي شيشه بعد

بثوااااني رحت طفيت المكيفات عليهم لين تناقزوا من الحر <-- ماتعبت عمره

وسويت لوه الشيشه وشاهي بعد

.
.

عاد قبله بكم يوم كنا متهاوشات انا واختي

كلن تقول أنا أطول منتس (وحنا أصلاً متساويات بالطول)

ويوم بغينا نطلع من البيت قلت أبي اقهره وأطلع أطول منه وأنا ألبس كعب

ومشينـــــاا بســلام .. بس جـايـكــن الـكــــلام <-- صح لساني

وصلنا الملاهي ولعب وتمشّي وبلع ومايخلو الأمر من كم رزاله ع الماشي

شوي ألا أحس بأصابع رجليني.. يؤ أقصد معد أحس بهن من التعب ولبس الكعب (سجع )

وأنا أقول لأختي وش رايتس نتبادل بالجزم محد شايفنا يالله بسرعه ..

وكسرت خاطره لأني شوي وابتسي من الوزى..!!

وعلى هالحال كل 5 دقايق نتبادل.. من الساعه 5 المغرب للساعه 12 بالليل

.
.

بالمختصر المفيد .. إذا تبون تروحون للملاهي وألا السوق وألا الكورنيش .. الخ

لااااااااااااا تلبسن كعب .. والله لو طولتس نص متر

.
.

[عجايب بنت الشايب]

بروووووق انتي وقمرنا .. انزحن .. انتن وهالصوره اللي خربت علي كل مخططاتي في الكذب على خلق الله وأدعاء اني .. شبيبه توني ..




أنزحن



خلني ارحب بالضيفه ..



متركيه عند المشب >>> هوااااا

والله انك تجين على الكيف


ومرحبا والله اني صادقه

عين فراش وعين متكا لك .. يالغلا ....


أقدعي .. وسمي .. والحلى للحلا ...





وماعليتس من التسذوبات .. تراني قرمه .. وهالصوره جت بالغلط ..


والمصور كذاب .. مسوي فيها لعب ..


أصلن الصوره الحقيقيه انا كنت

ماسكه ورده .. وكتاب >> علينا ياصيته


بس شال الورده وحط هالصخل وشال الكتاب وحط الطلي >> مظلومه ياعالم ..





أقول بس


أسمعن وش السالفه اللي تقص الوجه ..



بالمختصــــــر يالغلا لاتفوتس .. السالفه ... كنها من سوالفتس



حولن

حولن

7
7


برووق جيبي الدله ... وعبي القدووع ..

[عجايب بنت الشايب]

أسمعن طال عمركن ...

يوم قمت اليوم الظهر .. > فاضيه ماعندها الا النوم والمقلط

قالت جدتي .. بستس نوووم صحصي وتقهوي معنا أمس راقدتن معتس وقمت قبلتس . ماتشبعين ؟

عاد انا والله شبعانه .. بس لا اني ادري ان ماوراي شي مابي اقوم واحس اني فاشله وعاطله .. >> تحزن ؟


قالت أمي ..لجدتي النوم للبنات .. >> ترقع لبنتها ..



وتجيكم السالفه ..





يقول لكن ..



مرتن عجوز وشايبها . عندهم أبل . ونياق . وخير عاد الحلال كله للعجوز

والشايب ماعنده الا حوار واحد >> ياعيشة الشر

وهالعجوز تقوم قبله . وترضع حويراتها .. ويخلص الحليب


ولاقام الشايب مالقى شيء يرضع فيه حواره ولا لقى حليب يشربه هالصبح


وهو يعلم خويه قال خويه ازهلها .. ويتفقون على خطه





ويجي يوم من الايام .. الصبح يقول الشايب لخويه مرتك .. وينها ؟ (بصوت طويل علشان عجوزه تسمع)

قال خويه (بصوت أطول ) : أم فلان بـــنـــت ماتقوم الا الظهر .. العجايز هن اللي يقومن الصبـــح



وسمعتهم العجوز



ويوم جا من بكره .. ويقوم الشيب والعجوز تريقد ( أصطناع النوم ) وهو يرضع حواره ويعين خير ويشرب حليب

ويقومها فلانه قومي علامك ..؟

قالت .. : انا فيني نوم .. مابي اقوم الصبح >> نعنبا الحركات النص كم


المهم ان الشايب عين خير

وحواره رضع






وأنتظرني .. مع سوالفن أخرى ليست بعيده .. >> صايره ماما عجبجب




طحياتي .....’’


فناجيلكن ........,,

[قمرهم كلهم]

وانا اقول وشفي عجايب غاطسه اثاريها تسوي نفسها بنت
ونايمه كل هالوقت
لا وتقول نكذب انا وبروق
الا انتي اللي تكذبين يالعجوز المتشببه
المهم ماعلينا وشلونتس يامتركيه عند المشب ووشلون الاهل والحلال
اقدعي يامره مابه الا مجلس طيب(فنجال وعلوم ستات)
وبالمختصر اعطيتس المختصر لاللكعب والبسي مثل جدتي شبشب طبي خخخخخخ
ويالله عطونا سوالفكن يالقرمات

[بروووق]

متركيه عند المشب


يامرحبـا باللي وصل منتدانا ....... وانضم لأسرتنا وزود عــــددهـا

بوجودكم نفخر ونلقى سـعدنا ....... وبوصالكم تلقى عيوني هناهـــــا


يالله حيها



الا وشرايتس بعجايب .......شفتيه مع الصخيله هههههههههههههههه





ياهلا بتس وكل يوم سيري علينا ...



اجمل التحيه

[عجايب بنت الشايب]

8
8

بروقان انتي تشمين وتقولين

شفتوها شفتوها

انتي أمتس جايبتس تفضحيني >> بدت تبتسي



هين يابريقه لا جيب شين يخليتس تندمين أن أبوك خذا امك وجابوك ..



هها بس ...