بسم الله الرحمن الرحيم
هضيبان البرازي من مطير الشاعر المعروف الذي قال:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يلعنك دنيا تفجع الغانميني=ترفع ذنب وتهبط العنق والراس
رخص الحصان ورخصوا الطيبيني=وغلي ال**** ومايشابه من الناس[/poem]
جاء هضيبان ضمن من جاء الى حائل من خويا الامير ابن مساعد لكنه احب حايل واهله وبقي فيها حتى
مات رحمه00
مر ذات يوم في نصف النهار وبشدة الحر من عند غريس منيره حدري البلاد وشاف الشيخ ابن بليهد
قاضي الجبل في ذلك الوقت تحت النخل وعنده اوراق متناثره هنا وهناك فابتعد عنه لكن الشيخ دعاه
ويوم جلس عنده قال وش هالاوراق ياشيخ قال هذي حفايظ اهل حايل (اموال الايتام والوصايا) قال وش
تكتب عليهن قال اكتب اهلهن قال هضيبان معقوله ياشيخ؟ لو انت ميت قبل كان ضايعات0 قال الشيخ
لاوالله ياهضيبان مسجل عليهن كل شي من قبل لكني ادري ان الوقت بحادر وخفت يجي احد يحوص
من وراء الكتب وياكلهن لذلك كتبت عليهن كتابه اكثر ماتخلي مجال للبطول00
قال هضيبان هل يعقل ياشيخ ان واحد ياكل حلال ايتام ماهو له؟؟
قال الشيخ ياولدي الدنيا موعوده بنقص ماهو بزود واذا الله عطاك عمر تشوف الشايب بالسوق يصيح
يقول ليت مالي ولد00 هالولد اللي فضحن عند الله وخلقه00 فتعجب هضيبان وقال معقول؟ قال الشيخ
تقول ماقاله قراي الحفايظ كان الله اعطاك عمر00
قال الشيخ واذا الله اعطاك عمر تلقى الجيران يتطالبون عند الشيخ قال هضيبان معقوله؟؟؟
قال الشيخ وتلقى اهل بيت واحد يتضاربون00 قال معقوله قال الشيخ وماواحد يامن بالثاني قال هضيبان
معقوله ؟ قال الشيخ انت ماسمعت شاعر البدو اللي يقول معاهد اهل البيت؟؟ يقصد قول ابوزويد:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
الله من عينن بدت تنكر النوم= قامت تعاف النوم من كثر ماريت
دورن يجي تلقى هل البيت به قوم=متفاختاتن به دلايل هل البيت[/poem]
فلما رأى الشيخ ان هضيبان ماهو مصدق كلامه قال هضيبان ان طال عمرك تقول ماقاله قراي الحفايظ؟؟
يعني نفسه لانه كان يقرى بحفايظ اهل حايل000
وبعد عشر سنين مات الشيخ رحمه الله وطال عمر هضيبان الى عام 1400 هجري فرأى كل اللي قال
الشيخ وكان كل مايشوف شي يقول الله يرحمك ياقراي الحفايظ00
ويوم سألوه وشو قراي الحفايظ؟؟ قال:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
البارحه في لذة النوم مااغفيت=نوم العرب في مرقدي مااهتنيته
ولياطرا طاري عن النوم فزيت=واللي خفى بأقصى الضماير كميته
وقتن ماهو ريض معاهد هل البيت=وماقال (قراي الحفايظ) لقيته
واهل النميمه صايرينن عفاريت=لو عند عرضك واقفن ماحميته
مار اقول انا يالربع ياليت ياليت=الوقت الاقشر ليتني ماتنيته[/poem]
فمات بعدها بشهرين رحمه الله تعالى وجميع موتى المسلمين000 وهذي قصة قراي الحفايظ الشيخ
عبدالله ابن بليهد قاضي الجبل مع هضيبان البرازي اتمنى تعجبكم وخاصه ريال فسحه مبطي ماصدت
له صيدتن جزله وان ماجازت لكم المكوى بالنار ونقنص غيره لكم يالعزوه تحياتـــــــــــــــــــــــــــــــي00
(((الراوي)))
رد مع اقتباس
المفضلات