[poem=font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black"]
يالابس البرقع توقف بحاتسيك = وأشرح لك أظروفي عسى ترحميني
خلك حنون (ن) جعل ربي يخليك = فك الظلام وخل شمسي تبيني
أرحم غريبن مهجته بين أياديك = اسرتني ياشوق بحبك سجيني
فك ألأذى والهم فك الشرابيك = فك العذاب اللي سكن له سنيني
ياسيدي ماتسمع اللي يناديك = رحال في درب العنى وألأنيني
رحال متجول وان بين كفيك = غريب مستوحش وحيدن سجيني
معزول وحدي بكوكب الحزن تانيك = أنطرك تجلي وحشتي ياظنيني
أسألك بالله تنظر لحال مغليك = وتعالج الي ذاق جور السنيني
كانك تبي تطلب تدلل وانا اعطيك = اعطيك روحي وما ملكته يميني
اطلب وانا ياسيدي قلت لبيك = يرخص لشانك كل غالي ثميني
ياداعج العينين عطني وباعطيك = يالله عسى يازين قلبك يليني
ياصافي الخدين باروح فاديك = غصبن علي انفذ الحكم فيني
عذبتني ياشوق ربي يجازيك = من نظرتك عجزت تناظرك عيني
لك هيبتن رب الملا واضعه فيك = تمشي كما السلطان بالضفتيني
تمشي ملك لقلوب ناسن تحييك = ماكنك الا حاكم الرافديني
هوليه ماتنطق بكلمة هلا فيك = وتوضح المعشوق للعاشقين
والا تقول ارتاح ماني بباغيك = حتماً لموت أن قلت لي ماتبيني[/poem]
رد مع اقتباس
المفضلات