زلزلي
بسم الله الرحمن الرحيم
!!
!!
!!
!!
[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
زلزلي قلب اليباس المستهيش الضامي = وارجفي مثل الشجاع اللي يحده ضيمه
وابرقي مابين درفات السما وعضامي = بين تكبير الرعود وهلت التسليمه
يايباس القلب مبطي مارواك الطامي = وانت لاعينت خير ولاسقتك الغيمه
ياعضيدي ياقصيدي يايمين الرامي = يابعد حي القصيد اللي رخص بالقيمه
كل ماضاقت نخيت الناس وين حزامي = مايفز الا انت واللي تعتريه الشيمه
اكرب حزام القصيد وبل بيد الهامي = وانت رمحن لازرقته طشر التبكيمه
ان نخيتك بالقشاره جيت يالضرغامي = وان زهمتك من خفوقي جيت مثل الديمه
والزمان بخير لكن ديننا الاسلامي = اخبر ان العبد مبلي لو عظم تحجيمه
ادري ان الناجح اللي من عداه يضامي = والثمر لازان طلعه وجبو ترجيمه
وان نواني من شناني زدت في درهامي = بلغه عني سلام العز والتعظيمه
قله ان الغيظ حشرج صوت وسط ابهامي = والله الله بالركاده "يابتوع السيمه"
كل ماشوش براسي قمت اجر انغامي = يابعد حي القصيد وحيهم يالريمه
بين جدران العيون وبين جفني نامي = اشعلي جفني شموع وذلي التعتيمه
وان لقاك الصبح تمي منيتي واحلامي = واخلطي سكر شفاك بشايي التلقيمه
بري حالي لاشهقتي خوخك المتسامي= فوق خصرٍمن ليانٍ باهر التقسيمه
كن جسمي زام دمه والخصيم عظامي = واقفٍ والرجل حارت رجعه وتقديمه
فدوتك بعض الرعاع اللي وبرهم نامي = يستلذون السباب بصبغة "التنسيمه"
ان تقفوني شنوني واصدقا قدامي = والغيوم تمر غيمه من وراها غيمه[/poem]
!!
!!
وسلامت اهل القلوب السليمه
رد مع اقتباس
المفضلات