[align=center]هذه القصيدة قالها الشاعر / رضا بن طارف الشمري عندما ضاعت نياقه وراح يبحث عنها وبعد مدة ، رجع وحصل أهله راحلين من مكانهم الذي كان يخبرهم فيه فرجع مرة آخرى يدور للنياق وبعد مدة طويلة حصلهن فقال هذه القصيدة : [/align]
[poem=font="Arabic Transparent,4,indigo,bold,normal" bkcolor="transparent" bkimage="backgrounds/45.gif" border="ridge,6,royalblue" type=1 line=1 align=center use=sp num="0,black"]
ناقتي ما من صلاح عقب غير = ولا سامحك لو كان حالك هزيله
من يوم بقتي يا عذاب المداوير = بوقة عميل بايق في عميله
يوم الشتاء وانتن ضعاف مقاصير = اشري علفكن كيل عندي وشيله
ويم انكس الواهس وكلٍ رجا خير = وجينا العرب والذود زين صميله
راحن وخلني على مجنب البير = وتعرضت ناس كثير سويله
ودليت أدور بين ورد ومصادير = وخمسة عشر يوماً وأنا في مليله
مع التعب كثرت علينا المخاسير = وجيتك بطرق البشت يم الحليله
ولقيت مرح تصتفق به معاصير = لاعود الله جيتي يوم أجيله
ولقيت لدغيليب ملفا المسايير = الشيخ شيال الحمول الثقيله
قلت العرب قال اقرشو مع محادير = هلك نهار اليوم قفا رحيله
شدو ومدو والزمايل حناتير = ماحط فوق ظهورها ترتكي له
وراحو وخلونا عسى فالهم خير = واعزتي للي تذكر خليله
اقفو على الخط الجنوبي دعاثير = من فوق فرت يسرق القاع ويله
مير يا فاطري ذبي خشوم المصاقير = ترا الفرج من دون اهلنا طويله
وإلى عقبتي روسهن شفتي النير = ثم يتبين لك موارد عسيله
فوتي بحار وذارفات الجثامير = وخلي طريقك مع جنوبي مسيله
وانصي بيوت كالهضاب المزابير = يفرح بهن ضيف ذلوله هزيله
أن جيت تعبان على حومة الطير = تلقى دلال يقعد الرأس هيله
دوم تعاقب للنشاما المباهير = في كف قرم قالط للنفيله
من لابتن ما حسبو للمخاسير = ياما فضل في بيوتهم من فضيله [/poem]
رد مع اقتباس
المفضلات