عندما بدت لي نهايتي ..

**عجايب بنت الشايب** · 07-03-2007 15:17

[a7la1=000000]

ســـلام يا قــاده ...,,

أخواني الكرام أخواتي الكريمات وعلى قلبي ثمينات

دائماً كنت أعبر بصورة او أختها عن حبي للمضائف وعشقي لها

ولكن اليوم بصوره صريحه وسألقى كلمات بين يديكم كما ألقي
الطرطعان في النار وأنحاش ( يعني واحد ساد أذانيه وينحاش )

أحبتي

دخولي للمضائف من الأساس خطأ

الناس تدخل البيوت من أبوابها وهذا شيء حتى الدين حث عليه

بس انا دخلت المضائف

من بوابة قوقل الخارجيه الى بوابة مضيف الألغازالمحلوله

لم يكن همي .. الا ان أنسخ وألصق من هالألغاز وحلولها ..
علشان نشاط ثقافي عن الجنادريه وأبي ألغاز شعبيه أسردها على هالعجز

يعني كان المستقبل الأول لي مضيف أبو فيصل (راعي الوقيد)
لذا أنا أقف دائماً أمام هذه الرجل كما يقف خلف بن هذال
في منصة الألقاء

وعلى قولتهم وحده تسحب وحده

تطفلت .. وتلقفت وقمت أفتر بالمضائف وانا على أطراف أصابعي خوفي يشوفني احد وأنا شايلتن كيس الألغاز اللي ناسختها

لا ومن اللعانه أستغفر الله ماسويت نسخ .. مسويه قص

وأدخل كل مضيف وأويدز به ..

طبعاً مضايف النسوان لا مريت منها تجيني الكحه مع انه روووعه بس البلا مني أنا
ولا هن يوم مريت من عندهن سوالف ووندقه منا زينها

بس مدري ليه فيه شيء يردني ويقول :
مادخلتي مطبخ أهلتس تدخلين مطبخ العرب !!

ولا اللي فوقه أعدى منه فيض المشاعر صحيح ان المواضيع لا تعلى عليها
بس كمان البلا مني أنا
أو بالأصح من مدرسة العربي اللي كرهتنا بالحياة موهب بالفصحى ..

أما المضيف اللي بغيت أفتضح فيه مضيف السامريات ..

يوم سمعتهم يقولون مايطيق الصبرآآآآآآآآآ

بردت عظامي .. وبغي يطيح الكيس مني بس الله ستر

وأكيف على القصائد والعلوم الطيبه وأناظر للدلال ..
تسبدي تفرك عليها بس الذل شين ..

ويوم شفت مضيف الترحيب والتعارف وانا نفسي لاهاللحين تبي القهوة

طرى علي ادخل بالمعروف وأدخل البيت من بابه

وأنا أفكر وفي طور التفكير

تسندت على جدار الفله

ولاعرفت أقوم وينشب كيسي بالجدار

أثريهم هالفلاويين صابغين جدارهم بصمغ فيران

يقولون من زود الكرم عندهم :
علشان لاجانا ضيف وحنا راقدين مايفوت علينا

مير أبي أتملص وأتخلص من هالجدار مهنا حيله .. والكيس معي .. مشكله ووجهي وجه اللي جايبن من دزبله يعني موهب جايبن من الباب الرئيسي ..

أويلييييي .. أفتضحت .. بالجمله .. سرقه ومعها فضيحه اخرى مجاناً

لاعز الله مافيه نشاط ثقافي .. والله يخلف عليكم يااهلي

وش الحل ؟
على قولت اليمني :
(أيش العمل ؟)

وأذكر ان معي مشروب الطاقه ( البرندا )
وأخلص عمري وأحول على مضيف التعارف ..

وأسجل ( كلي بكم إعجاب ) .. لأني فعلاً كلي بشمر إعجاب

أعجبوني

يوم انهم ماقاموا الليل ولا شافوني متعلقتن بالجدار

ناس ترقد بكيير علشان تصحى بكيير !!

ويوم سجلت . و أدخل الفله

مير والله كل ماكتبت رد الا العرب تكتب رد علي

(هههههههههههههههههههههههههههه)

وازيد عيار الردود حبتين أتأكد ان هالضحك لي انا

الا العرب قامت تزيد ضحك

وانا أنبسط وأسترخي لأني أول ماسجلت .. مشتطه .. وخايفه وحرصه وعيوني تلوقط من الخوف

ومن زود الطمأنينيه اللي اكسبونياها أهل الفله

تهورت وسويتها ...

نزلت موضوع ..

الله أكبــر .. موضوع مرتن وحده .. قولي مطويه قولي ملاحظه بس موضوع صحيح الثقه عميا

الله العالم شكل ماعندهم غيري ..

هههههههههههههههههههه + الله يرجك + والله أنك منسمه ... الخ

وغديت خيطي بيطي حويسه مع ربع الفله وماهي الا فتره بسيطة و أصير عضوه فعاله بينهم وهذا من فضلهم

ومن عقب ماكنت خايفه وكامشه .. صرت أتكي على مراكيهم من زود الميانه وأكسر فناجيلهم ..

أذكر مر من عندي مشرف كبير
( أعتذر عن ذكر أسمه ) رايحن لمضيفه والنوم مغمس عيونه
وأنا أعركب له ..

ومن زود الميانه صرت اذا دخلت المضائف ماأعرف السلام .. مثل الناس
أمر عليهم .. كفك .. كفك .. أيه وحده من العايله .. صرت
وش علي ؟

وشاركت و سببت في كثير من الحروب .. اللي انا في غنى عنها .. بس اللقافه شينه وحب الشر وغواية الشرير بين عيوني

أذكر أني أدخل منا حليلي ثوبي نظيف وشعري مكدود . .

بس لاطلعت منهم .. تقل ودك تصدق عليّ
الكُم منفسر ومنشق
والشباصه اللي كانت أول الشعر صارت بالنص والعين عليها كدمه

خلاص ماعدني طيبه ..
يالله عقب الشين أضغط على (هل تريد تسجيل الخروج؟)
من وجع عظامي

أمي كانت تقول .. أنت بيجي يوم يشيلونتس على نعشتس مسجلين خروجتس من هالحياه وبنكتب على قبرتس ..:
(( راحت والسبب زلة لسان )) يابنتي أركدي .. ترى ذولا رجال وقرمات موهب علشانهم ساكتين تقعدين تجسرين عليهم ترى والله لياقاموا قاموا ..

وأنا لا ماعليتس يمه بنتتس ذيبه تصدقين يمه أنهم يحسبوني (ولد)
قالت :بعذرهم .. وش فرقتس عن مصلح ؟ بس هالشعر وهاللحين العيال طولوا شعورهم يعني ماعاد به فرق

أنا وقفت هنـا وقفه ألـم ..

الله يا يمه .. أنتي تكرهيني .. ؟ ليش ؟ أنتحر ؟

بس ماطولت الوقفه لأن الدنيا فانيه وورانا شغل .. والوقت من ذهب
اجل كل ما جتني كلمة ألم.. بأوقف أجل بقعد طول عمري واقفه

المهم

وتتوالا الأيام والشهور .. وصار لي كرسي بالفله ..
مشكلتي معطيني وجه
ومعطيني فرصه أفجر فيها كل أفكاري هم كرماء بس أنا عوباء
ومن كثر الكرم اللي فيهم ..
ماصدقت أنه بيجي يوم هالمكان اللي أمذرح فيه وأشخبط على جدرانه .. بيصير لي ..
طبعاً موهب حباً لي لأن بيتهم ماعاد ينطاق .. من شخابيط جدرانه .. والألغام اللي في حوشه قالوا هذا خبزتس يالرفله وأكليه ..

ويزيد شري شر ..

أني ملقوفه هذا أمر لاجدال فيه وأني احب الشر والمشكال بعد ..

وهاللحين أكتشفت أن ماعاد لي أنصار .. وأنا لا خوي ولا صديق

ومن غبائي ماأدخل مضيف النسوان كود اجمع لي خويات وربعات

بس ماحولي أحد ماعدا وحده مدري ثنتين أزهلنها وقالن:
معتس ياعجايب بالخير والشر روحي الله يوفقتس

والظاهر أنكبني .. ويوم فرحت بخوتهن وفزعتهن ويزيد شري على شر .. وأزيد الحط والشيل عليهم

تعرفون صار لي ظهر وسنايد موهب مثل قبل

بس يوم .. جا الصدق ..

وأعلنوا الحرب عليّ .. وتضيع علومهن ..

أتصلن علي : عجايب ياوخيتي حنا ورانا عوايل وبزارين ترجي أمهاتها
والثانيه قالت عندي عزيمه ومشغوله شوي
واللي بيعرس أخوها ماتبي تخرب بشرتها ..

وأغدي بالساحه .. مابه الا رويسي .. يومي .. نويت المواجه وحسيت أن فيني قوه بس يوم جد الجد .. وتضيع علومي ..

وهالعرب لو أقولهم ( آسفه ) ولا ( مادريت ) ماتمشي عليهم ..
مصائيبي لا تغتفر..
أذكرهم بالله ؟
بيقولون : علمي روحتس ..

وعيب علي مشرفه تركض وش بيقولون الناس ( مخفّـه ؟)
لا لا مايصلح ..

وما ان بدأت جموعهم لي حتى .. خارت قواي ..
وطرى علي دريشة مضيف الألغاز المحلوله اللي طبيت منها
أنحاش منها ..

والله يخارجكم .. جاني ركض .. موهب على مسلم ..

العمر واحد ؟ والموت مره ؟

صورة النهاية
7
7

سنايدي يالنسوان هذا حتسي ولا خوتكن ماعليها غبار ..

طحيـاتي ......,,,

[/a7la1]

**غاده** · 07-03-2007 15:27

الله يرجك + والله أنك منسمه

تهبلين

كنت اقول ان شاء الله ماتزعل لما نقول الله يرجك ومنسمه بقوه
ما دام تشجعك اجل انتي تاشه وبقوووووووه بعد

/
كلنا فيكي فخر ياعجايب
وحيالله زعيمه الفله لكن بالحرب النسائيه انا مو معااااااااااااكم البته البته
محايده

**ريال الفسحه** · 07-03-2007 17:29

الله يا يمه .. أنتي تكرهيني .. ؟ ليش ؟ أنتحر ؟

ايه بالله

ناكسن لتس يالمهويه

**الشمـــ نور ــــري** · 07-03-2007 19:27

دخولي للمضائف من الأساس خطأ

يمه انا شفت الجمله وجتني رجفه

مير والله كل ماكتبت رد الا العرب تكتب رد علي
(هههههههههههههههههههههههههههه)

هههههههههههههه وهم بعد ههههههههههههههه

الله العالم شكل ماعندهم غيري ..
هههههههههههههههههههه + الله يرجك + والله أنك منسمه ... الخ

تصدقين عاد للحين ماحفظت غيرهن

تهورت وسويتها ...
نزلت موضوع ..

يااااااااااااي انا اشهد نوه تهور

أنا وقفت هنـا وقفه ألـم ..

يالبى قلب عجووبه

**عجايب بنت الشايب** · 07-03-2007 20:40

[a7la1=000000]

غيـــــــــداء

هلاوالله يالغلا

أجل منسمه هاه ؟ منسمه ؟

أوريك . ان ماقطيتك في نص الحرب بسكينك وقلت يالله افلحي

تشووفين

يامرحبا والله بمرورك .....,,

طحيـاتي ......,,,

[/a7la1]

**عجايب بنت الشايب** · 07-03-2007 20:41

[a7la1=000000]

ننتظر ياريال .. وتبطي ماصار لك ليتك ..,,

[/a7la1]

**عجايب بنت الشايب** · 07-03-2007 20:52

[a7la1=000000]

نور الشمري

هلا والله لبى والله سراجيف قلبتس يالغلا ...

وينتس عنا نبي مواضيع وفله وقصص .. أثرينا تكفين

لاهنتي على المرور ومرحبا ...

طحيـاتي ......,,,

[/a7la1]

**نافع بن طواله** · 08-03-2007 13:23

المضايف وخصوصا فلة حجاج = كلنا بك اعجاب

ولا يهون اخو طنخه

لا أكثر

يالمنسمه

**عجايب بنت الشايب** · 08-03-2007 14:11

[a7la1=000000]

أبو طواله

حياك الله .. ولا هنت ...

وكلي بحضورك أعجاب يالذيب

طحيـاتي ......,,,

[/a7la1]

**عبدالله المهيني** · 09-03-2007 06:08

أقسم بالله

إنكـ منسمه

أجل كفك ههههههههههههههههه

بالله عليكم شوفوا

علم لبنان أول مرهـ بحياتي أشوفه غلط

لا وعلى الطعس بعد

أخبرهم مايطرون إلا الجبل

كلكـ بنا إعجاب

والله إن معرفكـ يزيدنا إحراجاً

ويثقل كوهلنا

أقسم بالله إننا نبادلكـ المحبة الأخوية

والإحترام الوافر

دمتي مبدعه .. نقية