مطاوعة آخر زمن...!!!

[جور الاهداااب ..؟]

النبع الخااالد.. شفت موضوعك هذااا قبل مايكون فيه اي رد... وقلت الله يعينه على شي بيجيه
ابو عارف .. الرجال كلامه واضح ... وكلامه هذاا مايقصد فيه المطاااوعه..

النبع الخالد..
انت تتكلم عن فئة محرم نقدهاا حرموها الناس .. مشكلة الناس هنا
اللي ينقد المطااوعه معناه ينقد القران.. ليش مدري؟؟
المطاوعه بشر ولهم عيوب مثلهم مثل باااقي البشر .........؟
قال تعالى(وليس لك من الامر شي) الايه هذي نزلت بالرسول عليه الصلاه والسلام

بالنسبه لي فيه مطوع ودرجات له ملتزم الخ
وماعندي خلفيه عن المطاوعه بشكل عام لاني بنت لكن اللي اشوفه من الهئيه
ان فيه اشباه مطاوعه كثيير وللاسف يعطي نظره عن الاسلام
بشكل عااام خطا..
اولا اسلوبهم الواحد يجي صوت عالي واوامر وبراسه ان الحريم مجرد فتنه تمشي بالارض؟
ثانيا نظراتهم...؟ مافيها وقار الدين
ثالثا تعاملهم مع الاجانب.. مو قادرين يفهمون ان فيه ديانات ثانيه؟
رابعا الشك

وقبل مايجي واحد او وحده ويدخل براسي ويقول انتي افكارك مثل طاش الخ
بجاوب قبل السؤال .. اذا رجال الهئيه باقين على حالهم هذااا .. فانا اول من
بيقول ياليتهم يشيلونهم ..

اعذرني النبع الخالد طلعت عن الموضوع شويتين

تحيتي

[محمدالشمري]

اهلا بالنبع الدافق

احببت ان اذكر الاخوة بان ما فهمت من موضوع اخي النبع الخالد هو نقدٌ لظاهره لا احد منا يستطيع انكارها

فلكوننا مجتمعات مسلمه دائما ما نتودد ونحب اهل الدين ودعاته الامر الذي جعل من اصحاب القلوب القاتمه
والبصيرة المعتمه يستغلون عواطفنا وحبنا لديننا واهله فيتشبهون بهم لاهداف هي بالاصل بعيدة كل البعد عن
عقيدتنا .

ولنا شواهد كثيرة كالفئات الضاله والقتلة المجرمون الذين يخرجون لنا باسم الله ودينه ويشوهون صورة الاسلام
والساسة الذين يتسلقون الى السلطة باسم الدين وغيرهم من المنافقين الذي باطنهم زور وبهتان وظاهرهم التزام وتدين ، وامثالهم تواجدوا في زمن الرسول الكريم عليه افضل الصلاة والسلام .

وامثال هؤلاء سرعان ما يكشفهم الله لنا ليبن اهدافهم والاعيبهم .

شكرا لك اخي النبع الخالد

[النبع الخالد]

الاخوان جميعا

اعذروني على عدم الرد

فقد استفدت أنا شخصيا من مداخلاتكم ..



الاخت ريوووف الشمري

قلتي في مداخلتك:

أن خلوة الرجل الأجنبي بالمرأة حرام

ولكن أنت يا أخي ماذا كان موقفك أمام ذلك

هل نصحته ؟!!!

ستقول أنه قد يردني

طيب ..... هل كتبت له ما في نفسك من عتاب عليه

في ورقة وأرسلتها له ، وبينت له فيها أنه قدوة لغيره

وأن فعله هذا يعد في مجتمعنا صدمة و شرخا لتلك الصورة

الجميلة لكل صاحب لحية


------------------

والله كلامك صحيح 100%

وسوف افعل والمشكله ماجعلني اكتب هذا الموضوع

هو نفس الموقف من هذا الشخص ..

فوالله العظيم االذي لااله الا هو ان هذا الشخص الذي ذكرت

يعمل متطوعا في مكان ما.....!! دائما يقول لاتطيل الثوب

يافلان ولاتقصر لحيتك ,,,السنه كذا.........

والسنه كذا ........

وفوجئت بهذا الشخص جميع زبائنه في عمله كمتطوع ومتعاون

مع احد (الجهات المعنيه ...!!) ..جميعن حريم وبعضهن يزرنه في مكتبه

واساله ماذا لدى هذه المرأه ..........يقول تستشيرني في كذا وكذا ...

والموضوع الذي اتت من اجله ((لايمت لعمله بصله))

كأن تستشيره بموضوع زواج ...مثلا..واحد الاخوان من زملائي يقول

احد الايام رأيت باب مكتبه مغلق فقلت انه ليس موجودا ..

ففتحت الباب واذا بأمرأة منقبه جالسه عنده ((سوالف)) يقول

((تفشل مني الرجال واخذ يكتب بقلمه))..

يقول فخرجت من عنده ..والذي اعرفه ان اهل التقى والصلاح

كالقضاة مثلا اذا ارادت المرأة ان تدخل عليه ولايوجد معها

محرم لايدخلها وان ادخلها مكتبه فيقوم باستدعاء احد موظفيه

حتى لايختلي بها..وليبعد الشك عن نفسه ..بعكس هذا الشخص الذي ذكرت ..

ولكنني من الان سوف ابعث له ورقة اضعها في كتبه لنصحه ..


واشكر الجميع

عارف

ريم شمر

ريوف الشمري

راكانو فيش

مانع السرحاني

جور الاهداااااب :: شكر ةخاص لمداخلتك ..


وشكر خاص لمحمد الشمري على رده العقلاني والمنطقي بارك الله فيكم جميعا


واعذروني ربما لاحقا لن ارد .........لأني فتحت باب من الصعب اغلاقه وتكلمت ايضا بما فيه الفايه


ودمتم وبارك الله فيكم

[عجايب بنت الشايب]

على فكره .. ترى رجل الهيئة لابد له أن يناظر .. ولا وش فائدة شغله ؟


ورجال الهيئة ماقد سمعت صوتهم ولا شفت وشلون تعاملهم ..علشان أحكم عليهم


أسألوا من تعامل معهم وتعاملوا معه ؟؟!!


--------------
طرفه
-------------
سمعت بنت زعلانه تقول : أووف كل شيء حرام أعوذ بالله حرام حرام .. وش هالمطاوعه ؟
وكانت زعلانه من أشياء حرمها الدين وهم نبهوها .. بس هي موهمها الشيطان أن الحكم من روسهم يوم سألتها بهدوءءء ...

هديتي ؟

قالت: أيــــه

قلت من قرايتك ومعرفتك وخبرتك .. يابنت الكليه المتعلمه بسألك .. وأفتيني لو تعرفين

النمص حرام ؟
قالت ايه > بس بعد التردد

الأغاني حرام ؟

بعد تردد أكثـــــــر وأكثر

قالت : أيــــ ــ ـــ ــ ــه

قلت : التبرج حرام ؟
قالت : أيــــه
قلت مثلي عن التبرج ؟
قالت : مثل عدم التستر ولبس عباءة ضيقه وملونه

0
0
الطيب هم قالوا لك غير كلمة حرام

قالت لا


طيب ليه زعلانه ؟

لأن الشيطان ماحقق رغباته في صدرتس طفشتس وكرهتس لمن كان سبب في كبته وتنبيهتس منه


مثل الشيطان مثل الصديق السوء

لو سمع أن أبو خويه يحرض ولده على تركه كره خويه بأبوه علشان يطيعه

مايدري المغفل أن ذااك ابوه يبي خيره وسعادته



ولله المثل الأعلى


هدووء ياجماعه

هدوءءءء


( طه * ماأنزلنا عليك القرآن لتشقى) سورة طه


والله أذا قضى أمر ما لأحد الخيره

ترى حنا اللي في حاجته موهب هو اللي بحاجتنا

لا تسندرون روسكم وتخربون حسناتكم




هالحين وبــــــس

عرفت ليش الأمام


يدعي ويقول


(( ربنا لا تجعل في قلوبنا غلاً للذين أمنوا ))


سبحان الله غل وللذين أمنوا ؟

أجل اللذين كفروا وش لهم ؟







أشكرك أخي الكريم لأنك ختمت الموضوع ..وسكرته



لاهنتوا

ريوف الشمر "" أشكرك يالدره ...

[جور الاهداااب ..؟]

(على فكره .. ترى رجل الهيئة لابد له أن يناظر .. ولا وش فائدة شغله ؟
ورجال الهيئة ماقد سمعت صوتهم ولا شفت وشلون تعاملهم ..علشان أحكم عليهم
أسألوا من تعامل معهم وتعاملوا معه ؟؟)

كلي بكم اعجاب ..

.. رجال الهيئه ماقد سمعتي صوتهم من جد لا تحكمين عليهم (ولا على اللي يتعاملون معهم...!!!)

بسالك .. ليه تقولين ماقد سمعت صوتهم ولاشفت وشلون تعاملهم؟؟؟
طيب شعرفك انهم مايقولون غير حرااام؟؟؟لانك باختصار بنت تروحين للسوق وبيكونين متواجدين!!

كل البنات والشباب كذا يخافون من سيرة الهيئه ويحاولون قد مايقدرون انهم يوضحون ان مالهم
طريق مع الهئيه لا من قريب او بعيد..
مع ان الوظيفه الرسميه لهم الامر بالمعروف والنهي عن المنكر.. ممكن يكون المنكر حاجه بسيطه
وممكن مايكون فيه منكر ويكون يامر بمعروف وبس... لكن الهئيه عطوا صوره سيئه لك من يتعامل معهم
والدليل كلامك فوق...
...اذا كان فيه خطاا....
فيه فرق بين مطوع.. شاف اي شي خطا وجاك ولا طالع فيك وقالك جزاك خير هذا
خطا(نصيحه حسنه)وهذاا شي كويس وهذا واجبه.
وواحد يجي من اخر السوق يهاوش وعلى باله انه ولي امرك وطبعا هذا مو اسلوب.. ومافيه احد بيسمع كلامه..
وفيه نسبه كبيييره كذا اسلوبهم.

... اذا كان مافيه خطااا,,
ماله حق يتكلم .. ان اشوف مطاوعه يدخل بالمحل كله حريم ويجلس يهاااوش واخر شي يقول اعوذ بالله ويطلع
ليه؟؟؟ جاوبيني
شوفي انا مو ضد المطاوعه او مابيهم أو ابي مجتمع بدون اخلاق.. لكن ابي المطوع يكلم اصيع واحد بالدنيا مثل مايكلم الاب
ولده الوحيد... يجمع تصحيح الخطا والخوف على جيل المستقبل واللين والقسوه بنفس الوقت.. ما ابي مجرد ذكر الهئيه يوحي
لك ولغيرك اني لابسه عبايه ضيقه وملونه
انا شفت مطوع تحديد بالعقاريه بحفر الباطن مدري من الهئيه او لا والله احترمته .. طبعا انا مو من الحفر ولا اعرف اسواقهم
جاني واحد قال امانه لاتروحين هناك كله شباب وجوالات ورجعت .. ولين الحين مادري شسالفه وليه قال كذا وهل هو سوق شباب
بس ... رجعت لانه كلامني باحترام .................والله يكثر من امثاله


((( ربنا لا تجعل في قلوبنا غلاً للذين أمنوا ))


سبحان الله غل وللذين أمنوا ؟

أجل اللذين كفروا وش لهم ؟ ))))))))))))) هذا ماراح اجاوب عليه لاني مابقلبي غل على احد!!!!!!!!!!

تحيتي لكي ولهم

[النبع الخالد]

علشان مايفهم الموضوع خطأ...

من بعض المداخلات الاخيره ..اقول

بأنني لااقصد الهيئة ابدا في الطرح اعلاه..

والهيئة هذا عملهم وجزاهم الله خير ..

ولكن الذين اقصده ((ناس من خارج الهيئة ومن خارج الجمعيات الخيريه )) ويحشرفون انفسهم في اشياء ..هم يعتبرونها عملا نبيلا وهو بالفعل كذلك ان شاء الله ..ولكنت ان يكون خالصا لوجهه سبحانه بعيد عن المطامع الدنيويه سواء كانت هذه المطامع ماديه أو غيرها..


بالامس القريب وتحديدا يوم الثلاثاء 16/2 بعد المغرب في برزان بحائل صليت المغرب بالمسجد الذي وسط السوق من جهة عفنان ....المهم

بعدما خرجت من المسجد وجدت عضو الهيئة جزاه الله خير واقف على مدخل دورة المياه اعزكم الله وحاشر العمال اللي بالداخل لأنهم لم يصلوا بالمسجد وكل واحدج يخرج يأخذ اقامته ويقول رح صل وبعدين ارجع لي ..

أنا تذكرت موضوعي هذا ((قلت في نفسي الله يجزاكم الف خير )) على هالعمل .ولو انا مكانه لعملت شيء اكبر من كذا لان هالعمال يقهرون مو بس في الصلاة لكن اشياء اخرى الله يعلم بها في هالسوق اللي يبغى له ((غربله)) ..

واقول جزاهم الله خير الهيئهوحتى لو يخطوووووون ..

الرجاء عدم الخلط بين الموضوعين

وجزاكم الله خير

[شام]

هل هؤلاء (مطاوعة) أم (أشباه مطاوعه) فلم نستطع معرفة الصادق من المنافق ..

وعزاؤنا الوحيد أن هؤلاء قلة قليلة علما أن ماذكرته من أمثلة فيهم كلها واقعيه

وحقيقة ملموسه,,

ربما لغاية الآن لم اعرف سبب المسمى الحقيقي وراء ( المطاوعة )

ولكن استطيع القول قد عرفت المعنى العام

و بشكل عام أخي النبع الخالد ..

استطيع وبكل ثقة أن اقول أن هذا الزمن ليس زمن وجه العملة الواحدة

فاللعملة اربعة او خمسة وجوه تسايرها وتلبسها حسب المقتضى

وعلى سبيل المثال لا الحصر بعض رجال الدين ينهون عن اعمال عدة

و تجدهم اول الممارسين لها بالسر و العلن

فمن اين لهذا الجيل من صحوة اذ طالما الجميع يمشي في درب التلون و الانحناء و الانعطاف

وخاصة ممن يعتبرون قدوة و نبراس

لست ادري هل انقلبت بعض المفاهيم أم كلها

أو اننا وجدنا بالوقت الخطأ مما ادى لإصابتنا بالعصف كما يدعي البعض

ويعطيك العافية لهذا الطرح ..

[المتوقد]

ماقصروا الاخوه والاخوات
لــكن

العنوان كان قاسي جدا

ليتنا نسلم من تتبع الزلات

[أيمن]

دعك منهم فلا يمثلون الا انفسهم بما تحمل
واتبع قول وفعل المصطفى علية الصلاة والسلام فهو النبي وهم مثلك اتباع
ولاتنظر لمن اعفى لحيتة بأنة ملاك , فقد يكون في اللحية خيرا كثيرا ولذلك اطلقها
وقد يكون غرا قليل المعرفة ضيق الافق متحمس الى درجة الغلو ...

وكمان مصطلح مطوع يجب تغييرة .. لأنه غالبا منتفع من التطوع !!

ولكن تغير الزمان .. واختفى لسع الخيزران والرفق بالمسلمين بان

سلام