كل الكشته...((جاك وبلاك))

[تحملت!!]

بسم الله الرحمن الحيم...
السلام عليكم...

مدري منين ابتدي (((احساسي من يمك غريب))) اوه هذي ميهي هنيا ...
عندي فكره بس تحتاج دعم ودعايا (((وتثبيت))) الله عليك ياطنخان ماتقول ((لا)) ياشين طمع هالبنيه...
عندي لي راي ابي كل واحد بالفله يكتب عن احلى سفره بعمره ** او احلى كشتة بر بشرط طلعه عائليه شياب +وغدان+حرما+عجز
من يركبون السياره لين يوصلون المكان اللي زاهمينوه....
................................................................................ ..................................................
ادري تبون تقولون ليه ماتبدين بنفستس.....ابــــــــــــــــــدا بالكشتات ...

................................................................................ ..................................................
هذا يالربع حنا لابغينا نكشت للفقع وقت الربيع اجــــــل بالصفري
نتحضر قبله بليلتين امي ترسل العجيان على الدكان يجيبون كراتين عشان تسفت اللي تبي تاخذوه من مواعين وزهاب ....
نقعد من فجر الله يشدون القش ويجدلونه كلوه بالسيارات ((تنويه))اذا حنا ناوين نجهم من الفجر مانتحرك من عند البيت للضحى اللي يتذكر انوه مسلف ولد جيراننا الكوره ((ويروح يمنه)) حرام يطلعه من عيونوه عوووووووذه تعوذك ربك.... حتى لو مفشوشه يروح ينفخه ((وينفخ قلب الشايب مغثه)) خلفتن قشرا
عاد من نقعد والرزايل مشتغله على روسنا لين نمشي وحنا مناهم ((جاك وبلاك))

بعد جهد جهيد جمعو العيال .... عاد تعال اجمع البني ((الله لا يخسر))
اللي يطري عليه تروش ((لانظفتي صحيح))
واللي تبي تستشور((العجوز يهداتس الله ياوليدي استرينا مع ابوتس امشي وشوله الاستشوار رايحه لها التربان ...لا حيات لمن ينادي)) صقع ماينفع به ترا مهي انا ....
واللي تدور مجلات يقال مثقفه تبي تسلى بالطريق...
جمعونا ونبي نمشي ركبنا كلنا ....................................بقت الوالده تقفل الباب تقفل مايقفل تحاول مافيه امل علق المفتاح بالباب ايا طلعت الشر والشرير مبين من اوله محقا......
ينزل الشايب معصب يبي يسكر الباب وياخذ المفتاح ويمشي
ينكسر الملوي المفتاح...........وتحصل المسكينه الرزاله كاااااااااامله ........
................................................................................ ...........................................
تعبت اكمل بعدين انكس !!

[تحملت!!]

عوذه شكله محد بوه غيري اكمل احسن ......

[تحملت!!]

^^يعصب الشويب الله يحفظه (((ويكبسنا كلنا بالسوبر وعلى الدكتور___ اي دكتور بدا التسذب......
لا صدز ياخذنا كلنا يدور هندي يصلح القفل اللي انلوا
وطول الطريق محـــــــــاظره انتم ثولان وبكم وبكم والبخيت اللي ما يطلع الا لحالوه مايجرجر هالحريم والوغدان وخالي يزوووود النار عصير (((بنزين+حطب+قاز))) الا صحيح على طاري القاز وراو قلااااان وماينوجد= وشو السبب؟؟؟؟
المهم =نخلص من الباب ونمشي من الديره ونطلع بسلام ماصار شي عادي خلافات عائليه وتصير باحسن العوايل...
نوصل البر كل ما لقينا مكان زين قالوا قدام شوي
قدام شوي
قدام شوي
بغينا نخرج من جوازت الجديده وعلى .....................((g.r))
المهم نزلنا ونزلنا خيمتنا ...


وش طراااا على بال الشايب ؟؟؟؟؟




يـــــــــالله ياعيالي انتم وخواتكم ابنو الخيمه .....!!!!!!!!!! وحنا نصرخ هكا الصرخه ...وت وت وااااااات .... نبني الخيمه ؟؟؟؟؟؟؟؟؟!!!!!!!!!!!!!!!!!


امرنا لله ربعن تعاونو ماذلو!!
نتحمــــــــــــــــــــــــــــــل!!
................................................................................ ..........................................

[بالمختصر..]

.
.

تحملت!!



ههههههههههههههههههههههههههه

اثبتت الدراسات والأحصائيات حسب مانشرته جريدة نيويورك تايمز بالربيع اللي طاف

أولاً: 99% من العنف والميل إلى إستخدامـ الألفاظ البذيئه وإنقراض بعض الكائنات الحيه وأرتفاع سعر بعض الخرفان بحيث أصبح سعر الخروف أضعاف سهمـ المصافي كل هذا وأكثر بسبب كشتاتنا المنيّله بـ 60 نيله!!!!

ثانياً: توّلد لدى الأطفال وحديثي الولادهـ شعور غريب جداً تجاهـ الصحرا والأماكن الربيعيه لأنها بشكل من الأشكال أو آخر تذكرهمـ بأحدى الأمرين :

1- كتــــــــــله

2- رزاااالــــه سنعه


وأنا بـــدوري اقولتس يعطيتس ألــــــــف عافيه عالموضوع هذا وراح أكتب لتس عن كشتاتنا بس موهالحين لأني مستعجله أبي أطس للكليه عندي تحديث بيانات بـــــــااااي

.
.

[تحملت!!]

الله يخليتس ولا عدمناتس يالمختصره بس طايره يتسفينا شرتس ماتهجدين .....
بس انتبهي من خويتس المخاويه وسلميلي عليه والله اني اشتقتله بالزاف.....


مشكوره على هالمسيار اللي على الطاير مع انتس ماتقهويتي بس المرت التاليه تقهوين!!!

[عجايب بنت الشايب]

[a7la1=000000]

أحم أحم

جاكم سليسل .. هدوووه



اولاً يا هلا والله باختنا الذيبه الجديده


التي نسال الله ان تكون عونا لنا يهالبنيواتات في حروبنا الا منتهيه


هنا وهناك .. حيث انه لا بد من ان نطبق المقوله ( فلها وربك يحلها )


تحملت !! >> وش تحملتي ؟


لا تتحملين ابد وليكن شعارك .. ( خل حصاتك بيدك )



أما سالفة كشتتكم وطريقة الأعداد لها ماهي الا صورة مبسطه لكشتة البدوان عليهم من الله مايستحقون

فقد عاقبونا عقايب الزمان وورونا الهوايل بالقوايل

كل هذا لأنه بدوان .. طعوووس الواحد تهزينه تبين تصحينه من النوم يطلع من اذنه رمل

عووووذه الله يخارجنا من عيشة الشر

بعدين روحة للبر هالبينيوتات يومن ياخذ مجلات وكورة و تلفزون ومسجل ليه ؟

البر بريره .. وهالخرابيط بالديره

يعني أحسن شيء في روحة البر ان تتخلص من أثار الديره واجهزتها و وسائلها !!



تحملت !!


بارك الله فيك وحياك الله نوبتن اخرى

ونستينا الله يونسك بالرضا والعافيه



ننتظر بقية أبداعك .....,,


^^^,,,.......طحيــــــــاتي ........,,,^^^

[/a7la1]

[مهاجرة باحساس]

روعه اختي تحملت..

اما بالنسبه للكشتات

انا اذكر طلعت بر الله لايبلانا حتى ماودي اطريه لاي احد

اخاف تنعاد

...


هاذا الله يسلمتس قبل خمس سنين طلعنا للبر وكان الفقع هاكا السنه حيل تسثير

وكانت العطله حقت نص السنه منيحه يعني حوالي خمس طعش يوم((الناس تسافر لبنان وحنا بالبران ترا الحروب اللي على لبنان بسبب الحسد الله يجيرنا ))

المهم والله وهم الشيبان والشايبات يقررون ((طبعن حنا ولا ننسال مو مهم))

والله وحنا ياهالبني نتجهز(حشا رايحات لعرس)

خذينا كتب يقال مثقفات ومجلات وانا يقال شاعره واخذ دفتر وقلم(وهذولا لهم قصه معي القلم والدفتر لاتفهمونا غلط)



وشدينا الرتسايب طبعا المواتر ونمقط على البر على وصف ديار الفقع


وتبدا الالفاض تنهال علينا انتم دجاج انتم بسست بيوت حناوالعيال ..بما اننا يالصبايا اكبر حسينا الحتسي علينا وطبعن سكتنا وش نقول سواد وجيهنا...

والكميره حقت الفيديو شغاله تقل اللي اخترعه يبي تثبيت قرادتنا بالصوت والصوره

وحنا جاهمين وحالتنا حاله **لم يشفع لنا ذالك ** حنانمر بهكا الذود اللي ماينشاف اخروه

وهو يجوز للوالد التصوير ويوقف

وابوي عندوه علاقه غير عاديه مع البعارين ويرجع السبب لجدي السابع عشر (عائله مالكه)ليه البريطانين احسن هم قبايل وحنا بعد

المهم نسيت اقول لكم انه عمامي معنا وبنيت عمي الله يسلمه ماتطلع الا ومعه مسجل وشرطان رمنسيه هالبنت الزيده وهي تسحب مسجله*حشا رشاش*

وتحط احد اشرطته المفضله وهي عبدالقادر تعرفونه هاه

ويطلع التصوير حق البعارين المفضل لابوي مركبه اغنيت عبدالقادر بفضل بنيت عمي الموقره

وهي تحصله هكاالرزاله وطول ماحنا بالبر وهي مسيكينه تروغ تقل مسويه جريمه


,,,,,,,,,وش اقول وش اخلي ترا قسم بالله صارت بلاوي


وانا تعبت بعدين اقول قصة الدفتر والقلم اذا تم تثبيت الموضوع


........



















للحين عند حتسيي ماراح اكتب قصة الدفتر والقلم


الا






في








حاله واحده







تثبيت الموضوع والله هوايل بالقوايل ترا هالجمله made in مهاجره باحساس

[بالمختصر..]

.
.

تحملت!!

جـااتس الــــــــــرد .. استلمي



هذا ياطويلة العمر حنا لانـوينا نطلع للبر جيراننا اللي بأقصى الحارهـ يعرفون من لجتنّا

والإستعدادت اللي تصير قبل الروحه ماهي من إختصاصي (أكيــــــد مو نــاااايـمــه)

بس أبـــوي حاط على عاتقي مسئوليتين فقط .. الشيشه والكينوود = الجهاز .. وياويلي لونسيت شي

وأول مانوصل المكان المناسب تشوفينهمـ كلهمـ مشتطين يشيلون ويحطون من هالعفش

وانا اللي علي اجهز الشيشه بس << معلمه ههههههههههه

^^ هذا كان بالماضي القريب ^^

.
.

أمــــــــــــاااا عن أيــامـ أول وكشتاتنا يومـ كنا وغدان يـــــووووهـ وش أقول وش أخلي !!

.
.

بس أبي اقولتس سالفه صارت لي بهكالسنين

.
.

مرهـ كانوا الوغدان كلهمـ فوق السيارهـ (كانت السيارهـ جيب) وأبوي يسوق ومخفف السرعه وهمـ مستانسين

جيتهمـ مطلفحه وقفــوا وقفــوا ابي اركب معاكمـ

وهو يمد اخوي ايدوهـ ويتلّن وانا اجلس معاهمـ بس الظاهر مافي توازن ولاجاذبيه .. فجأهـ اختل توازني

ووووووواااااااااااا .......... ألا انا طايحه على خشتــي بجنب الكفر

نزل ابوي وهو ينفضن من الترااب وقال تعالي اجلسي داخل السيارهـ لين نرجع للخيمه

انا من قــــــو الطيحه ماعاد اشوف جيت وجلست تحت المرتبه من قدامـ (يعني بالمكان اللي نحط بوهـ رجليننا)

ويغدي لي جعيييييير .. واااااااااااااععععع .. بغيت اموت .. ابوي بغى يدوسن بالسيارهـ واااااااااااااااععععععععع

وراح ابوي للمحطه وجاب عصيرات وكيك وووو (مو كل الزهاب اللي معنا من حلويات وعصاير نصوهـ كليناوهـ يالطريق)

ويبي يسد حلقي .. يبي الستر وش يسوي!!!!

.
.

[ريال الفسحه]

كنت اول ليا شفت عجايب بالفله ابتسي

اللحين جتنا بالمختصر هي وقفشته

عجايب

بالمختصر

تحملت

مهاجره


اربعة وجيه لعمله واحده


ههههههههههههههههههههههههه


ننكس للموضوع ياام قيله

يتذكر انوه مسلف ولد جيراننا الكوره ((ويروح يمنه)) حرام يطلعه من عيونوه عوووووووذه تعوذك ربك.... حتى لو مفشوشه يروح ينفخه ((وينفخ قلب الشايب مغثه)) خلفتن قشرا

جبتها عالجرح

ينزل الشايب معصب يبي يسكر الباب وياخذ المفتاح ويمشي

يااخي ابوكم يشبه ابونا هههههههههههههههههههههه



لي نكسه يالفلات <<جمع فله وهي البنت ذات العقل الرجح


تشاو

[احمد الويباري]

جاك وبلاك <<< هذي شركات عندنا مثل المراعي ونادك

على طاري الطلعات والكشتات
طرت علي سفرياتنا مع اهلي يم حايل

الف كيلو الله لايبلى وحنا عمشي
ياعلى اللي يسمت وجهه جنب الدريشه << من زين هالوجه تقل علامة تعجب
ولا على اللي يركب قدام ويصب لابوي قهوه
وتشوفين العقال بقمة تالقه اكا اليوم
لكن النكبه وشي؟؟؟؟؟؟

بالرجعه ليامن ابوي الله يطول عمره شرى نعول ابو ديك
شوف عاد الابداع بنعلة ابو ديتس
والله ولا محمد نور اذا لعب مع الاتحاد
تشوفين النعله تصول وتجول بارجاء السوبر
كانه عصا ماوكلي
وليا منا وصلنا الشرقيه
انواع الاعاقات اللي خشمه مطعوج
واللي فاقد حدى سنيناته
وامي تواسيه وتقول له قل
هاك سن حمـــار وعطن سن غزال
واللي رباط صليبي << استاد الملك فهد مو سوبر


معاناه الله لايبلى