[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
أحباب حنا لكن الوقت غلاب=يبعد قلوب ٍ بالموده سليمه
فرّق و شتّت كل من كانوا أصحاب=و اصبح نديم ٍ ما يداني نديمه
وقت ٍ لحظته يفتن أخوان و اقراب=و يقسى على كل العقول الحكيمه
ولع بناره و اشعله بين الاحباب=حتى غدت من واهجه مستديمه
وشبّت شبوبه وزود النار حطاب=يجمع حطبها و يوقده من جحيمه
حطّاب ماكر طايح الحظ مرتاب=يحطب بفاسه ساقط ٍ مع هليمه
قبّس فتن نار العداوه بالارقاب=وتطايرة روس البراءه و حريمه
وروس الشباب الطيبه وروس شياب=وروس ٍ وفيه وروس ٍ أخرى فهيمه
حرب ٍ ضروس ٍ فاتكه ترعب أرعاب=دارت رحاها بالديار الأليمه
بارض الطهاره والوفا بارض الأعجاب=بارض العراق الطيبه و الكريمه
بارض ٍ عزيزه عزها يوم ما غاب=عز ٍ ورا عز ٍ عسى الله يديمه
أرض المعارك حظها ما أبد خاب=تصحى و لو هي من سنينه سقيمه
حتى ولو ثارت براكين و أتعاب=و دجله بها تجري الدماء الحميمه
لابد ما ترجع علاقات الا صحاب=باوثق عهود ٍ للمحبه قديمه
ولا بد ما ترحل جماعات الاجناب=تجر ذيل الدانيه و الهزيمه
في همة اللي بالشديدات حرّاب=شعب ٍ تعلى للمعالي بعزيمه
هذي الحقيقه و انطوت صفحة كتاب=كتاب صدق ٍ ما انكتب به ظليمه[/poem]
رد مع اقتباس
المفضلات