كريم جحيش !!

[ساس]

بسم الله الرحمن الرحيم ..........




قصيده الشاعر فريح الراوي الترقصي في ابوعبدالطيف عواد البردي الشودحي الشمري

لقد لقب عواد البردي الشودحي الجحيشي الشمري(( بكريم جحيش))

حيث اشتهر بكرمه وهو من فخذ الجحيش من الشوادحه من بني شمر فقد قيل عنه الكثير

من القصائد بسبب كرمه وعطاائه ومواقفه مع المحتاجين وحتي في حاجته وظروفه الماديه

كان يعطي ويكرم حفظه الله من كل مكرووه

وفي هاذي القصيده قام الشاعر فريح الراوي الترقصي بمدح ابو لطيف قائلاااا .......


* * * * * *


يالله يامدير الهبايب والافلاك

وسبع المحيطات الكبار العريضة

انك تجنبنا بلا سو والاشراك

وسو العيون الحاسده والبغيضة

عندي تحاسيس وتفاكير وادراك

ادراك معاني كلمتي عن نقيضه

جواهر ماهن شرابيك لباك

نقد الذهب بين الايدين الحفيظه

ادخل مع مدخال ساكات الاسلاك

وخوافن بين الضماير نهيضة

ياطيب معني القول لامن صفا ماك

لامن تجلا عن سماها نفيظه

امدح كريم بالصخا عند يمناك

يمناه مثل الفيضة المستفيضة

ابو لطيف الجود للجود ملاك

يمشي مع دمه وينبظ نبيظة

رجل الندي ياطيب ساسك ومنشاك

ذروة سنام وللمعاني حفيظه

ذباح كوم الحيل للسمن سفاك

حيل تتقلط بالصحون العريضة

ماجور من سمي جنابك وسماك

يفداك هلباجن حياته غميضه

مايلحق ياطيب الفال لاقصاك

عواد سيل الفيض يلفظ لفيظة

شانك كبير ورب الاله علاك

مثل القمر علي الناس يشرق وميضه

هداج تيما من لفا البين يلقاك

ويسمع لهرجات النشاما جضيضة

وصفر مباهير زهبتك وتزهاك

وبيض تقل سيقان عذراء غضيضة

ريحه رشوش معطر البن يدعاك

ريح زباد الهيل باطراف فيضة

فنجالها مابين شفة شفاياك

حليب در ابكار رايب مخيضة

الله يديمك يافتي الجود يراعاك

وياقاك من خبث القلوب المريضة

قلته ولالي مقصد فيك وارجاك

امانه ياهل الحضوض الح ضيضة

وصلوا عدد ماهللوا عند الامساك

علي النبي مهدي البشر للفريضة


* * * * *


وسلامت من تابع ... الشاعر فريح الراوي الترقصي
الجمعة 23/9/2005م

[السفاعي]

تسلم على هذه السالفه والقصه الجميلة
وان شاء الله ما تكو اخر المشاركات يا ساس
ويقول الشاعر :.
الناس مطي قالت العرق دساس
والساس يظهر طيبها من خفاها
اخوك عبدالعزيز السفاعي (راوي مبتدي)

[ساس]

تسلم اخوي السافعي علي مرورك ومتابعه السالفه يالحبيب .......

ووتسلم علي بيت القصيده الطيب

[راعي الوقيد]

دار على الطّولات بنيت على ساس ** من حاتم بها الصخـا والحميّه

ساس !!

جمّل الله حالك .. ولاهنت

والنعم بالجحيش وبهللحيسة

لك التحية

والسلام ...

[خالد الشمري]

والنعم بعواد وبربعه هلا اللحيسه اهل الجوار هلا النايفات
الاخ ساس الله يعطيك العافيه وتسلم على هالسالفه الطيبه ونتمنى نشوف مشاركتك الثانيه قريبا

[ريال الفسحه]

رائع ياساس

قصيده بكل المعاني رائعه


لاهنت ونعم بالجحيش

[خطيره شمر]

مشاركه جميله فيها تذكير طيب وكرم القبيله وعدم اندثار افعال رجال القبيله

والنعم في الجحيش وفيك ....

تحياتي لك اخونا ساس ....

[ساس]

راعي الوقيد هلابك ياخوي

سلمك الله من كل مكروه ..


ما عليك زود ..


من قال ما يهون يا كحيلان ..



شاكرك علي مرورك

[ساس]

والنعم بعواد وبربعه هلا اللحيسه اهل الجوار هلا النايفات
الاخ ساس الله يعطيك العافيه وتسلم على هالسالفه الطيبه ونتمنى نشوف مشاركتك الثانيه قريبا


__________________

خالد الشمري ..

والنعم بهم وبك يالاجودي

وشكرك علي مرورك الطيب

[ساس]

رائع ياساس

قصيده بكل المعاني رائعه


لاهنت ونعم بالجحيش


__________________

ريال الفسحه سلمك الله من كل مكروه

وماعليك زود يالذيب