حق وواجب وحنا حاضرين وبالخدمة لطرح اي تساؤلات ..
ولأن هالتساؤل ممكن انه يطرا على احد ثاني احب اوضح الموقف اللي صار بساحة فلة الحجاج ومنه ذاع صيت هالساحة ومعه الفلة .
بسنة 1360 وفدو الحجاج للفلة جايينن من العراق وايران والشام وماجاورهن وكانو من بينهم رافضة ..
بين هالرافضة كان به واحدن يقال له الملا حسين وكان ناويٍ على لعانة مع اهل نجد عموم وحايل خصوص حيث انوه يبي يتخذ من حايل ديرة.ن للشيعة وعلى هالاساس اخفى اسمه ومذهبه وادعى ان اسمه محمد بن خليف وانه شاويٍ من بادية العراق ومن تواجده الدايم بالسوق المقابل لفلة الحجاج تعرف على وليد.ن عليه قل يعني عقله ماهو كامل والكامل وجه الله وهالولد كان يدعى مشعل بن عقاب ومشعل هذا كان يتيم وبنات الحمايل هكا الحين يعتمدن عليه بجلب المؤن من السوق والرجال كانو يخلونه يغسل حميرهم او يرد السايب من دجاجهم عن البيوت وكل شغلة.ن يشتغله مشعل هذا يعطونه عقبه المقسوم ..
المهم ان الرافضي محمد خليف عرف من مشعل الخبل مداخل قصر الامير عبدالله وعرف بعد اوقات طلعته لملاقاة الناس وكذلك طلعاته للقنص والنزهات البرية اللي كان يسويه الامير فخطط ودبر الحيلة لقتله والاستيلاء على الامارة بمساعدة من بني عمه الرافضة اللي هم جايين معه وبيوم من الايام كان الامير عبدالله طالع. للقنص جهة شراف ويوم مر من عند مدار السنبلة وحام عليه على اساس يسند للشمال مع الاثر اللي يباري شعيب الاديرع اعترض له محمد الخليف ودري الامير بنية الرافضي ومن معه من الرجال واللي كانو يفوقون الامير بالعدد والعدة فسكت الامير ونزلوه عن فرسه وخذوه لبيت مهجور عرفو مكانه بالتعاون مع مشعل الخبل واللي اشترو منه هالمعلومات بعشاوه ..
بالاثناء هاذي كان بالديرة فارسين يقال للاول منهم سلمان ابوسند والثاني عبدالعزيز (انا) ولان الامير عبدالله كان مرسلهم للامام عبدالعزيز بن سعود بالرياض لجبي الزكاة كانو غايبين عن الديرة وامير الجبل من دونهم ماتعتبر له قوة وبنفس اليوم اللي اختطف بوه الامير جو الفرسان من الرياض وكانو متعرضينن لمحاولة نهب وهم بطريقهم من قبل بعض قطاع الطرق اللي ماقدرو على سيف عبدالعزيز ولكنهم غنمو فرس ابوسند اللي اشترى لوه كديش ورتسبوه لياما جو ويوم نشد عبدالعزيز عن الامير يبي يسلم عليه ويعطيه خطاب بن سعود قال له عبد الامير ان القصة كذا وكذا وان الرافضي مرسلن للعبد العلم مع مشعل الخبل ويبيه يفتح له بيبان القصر وعيا العبد لانه يدري بجية الفرسان اللي مادريوا بهم الرافضة ..
ولان عبدالعزيز هذا عنده فراسة وذكاء اشتهر بوه بين الناس مااهتز وذل مثل ابوسند اللي خلا الخوف يشتت تفكيروه ويسيطر عليه لا الا قام يفكر بالمكان اللي ممكن ان هالرافضة يغيبون الامير بوه وحدد سبعة اماكن بالديرة يخبر انه مايجيهن احد ومنهن هالبيت المهجور فقام يدور بالاول والثاني والثالث الياما وصل للبيت ويوم انه اقبل عليه طلع له هكا الواحد تسنه من عامة الناس ويبي يتريح ..
الفارس عبدالعزيز عرف انه حيلة مدبرة لان هالبيوت شايع.ن عند الناس انه مسكونه بالجن والي يعرف الديرة ماهو قاعدن بهن ولهالسبب يوم انوه اقبل عليه هالواحد ومد يده يبي يصافحه رد المصافح له بالسيف والاهو مطير.ن رقبتوه وهالموقف صاح منه سلمان ابوسند اللي اتضح ان مابه من طبايع الفرسان شي ابد لانه عقب ماصاح هج على رجله وبصيحته هاذي انتبهو جميع الرافضة وطلعو على الفارس وهذا اللي خلا الفارس يتنطحهم بالبارود حيث انه اوهمهم بالهروب وكل مايبعد عنهم ياقف ويلتفت عليهم ويجدع منهم اثنين او ثلاثة بباروده وعلى هالحال الياما قرب للديرة والاهو ذابح.ن من الرافضة 17 ولاباقي منهم الا الملا حسين اللي مسمي نفسه محمد الخليف ومعه واحد من اخوياوه ويوم شافه كذا حط هكا الطلق والاهو ذابحن خويك يالملا ومابقي الا الملا لحاله ..
ولأن الفارس ماهو خلي من الفراسة عرف ان الباقي هذا قايدهم عقب ماتحاور معه وطلب انه يسلم نفسه والشيوخ على ماقال يعرفون الشيوخ والرؤساء من منطوقهم وافعالهم المهم ان الملا رفض وطلب النزال وهي تبدا ثايرتهم وانتهت بضرب عبدالعزيز للرافضي مع كتفه والا هو قاطعٍ يده اليمنى ويوم شاف يد الرافضي وقعت هي وسيفه ضرب اليسري وهي تنقطع مثل الاولة وهو يربطه برقبته ويسحبه معه للديرة وارسل العبيد للامير بالبيت المهجور على اساس يفكونه وحصل انهم فكوه ورجع للقصر سالم ..
اللي صار عقب هاذي ان الرافضي اعترف بنيته واعترف على ان مشعل اللي عاونه وقامت الناس تدور مشعل على اساس ينشدونه وتفاجأو انه هاج.ن عن الديرة وقامو يمشون على اثره لما لقوه وجابوه للامير وهالشي اثار استغراب عبدالعزيز وخلاوه يشك بخبال مشعل لانه لو هو خبل كان مادري وش سوى ولاهج ..
المهم انه مسك مشعل على انفراد وهدده بالذبح ويوم شاف مشعل ان رقبته طايرة بان على حقيقته واعترف انه يتخيبل على اساس يلقى من هالخبال رزقه واللي خلاوه يطمع بمعاونة هالرافضي هو ان الرافضي نفسه كان يدرك ان مشعل عاقل لانه علمه بالصدز ووعده بمنصب.ن جيد حيث انه قال ابخلك المرسال الخاص لبيتي وولي شؤون الماشية ...
عقب هذا قرر الامير عبدالله انه يهدم فلة الحجاج ولاخلي لهم مكان تجمع مثل عادتهم بالسنين السابقة ومع هذا امر بقتل الرافضي وامر بتربيط مشعل بوسط سوق الحريم على اساس تلفعه كل من مرت من عنده وبيوم التنفيذ واثناء هدم فلة الحجاج قامت الناس تذكر مامضى له من وناسة بساحة الفلة ويتوجدون عليه الياما صار الواحد منهم لاجاء من جمعة به سعة صدر قال فلة حجاج واندرجت منه عاد قولة فل حجاجك يعني استانس او فلينا الحجاج وتنعى استانسنا اذا كانت للجماعة ...
هذا للتوضيح للي يبي الفايدة وياليت هالموضوع يصير بمضيف قصة وقصيدة للتوثيق واسف على الاطالة
مشرف مضيف الترحيب والتعارف
المفضلات