هذي سالفة صارتلي بمدينة الضباب باريس ( خربط صارت مدينة الضباب باريس طول عمرك ضب)
وجالس أرتشف قهوتي الباريسيه بالمورديقون ( صورة فرانسو ميتران )
الا اكالوغد يصيح ... عاد بالقاهره مالتفت للي يصيحون عاد ابلتفت لواحدن يصيح بباريس ( صورة واحدن متوطي النخوه )
الا يوم قال سرقنا الحرامي ... افااا كأني سامعن هاللغه بس وين ( صورة عداد النخوه يرتفع )
ارخووو نوره ... هذا من عربنا
تعال ياوغع ( يعني ورع بالفرنسي)
واقمز ( يحس تسرعانه طوال من كثر مايقمز )
وش فيك قال سرقنا النصاب الحرامي وشو قال راع التاكسي أخذ شنطة امي وبه ذهب يوم نزلنا عفشنا وانحاش ( ارخو العيال ) وين ابوك قال ابوي مسافر
<<<< على نياته شكلك ياوليدي من الصدمه متأثر كلكم مسافرين يعني انتم اللي ماسكين ارضكم بديرتكم .
قال لا ابوي مسافر لجنيف وانا وامي وخواتي جايين باريس
وادخل لوبي الفندق الا اكالعجوز ومعه بنتين ( والله ماهي عجوزن بالحيل علهب باخر الاربعين )
ويرتفع عداد النخوه لياما صفق 260 ( حشا عداد سيارة مفحط )
واجي الام وش السالفه ياخاله ( ومار تراعيلي بعين قشرا ماجازت له كلمة ياخاله ) واسحب كلمتي وش السالفه ياسنيوره وهي تبتسم نسيت سالفة الذهب ومار تقول اننا نزلنا عفشنا وانحاش راع التكسي بشنطة ذهبي ومجوهرات البنات .
وتجينن حسن النيه من جديد ( قلت يمكن متقضين ذهيباتهم من باريس .
قلت لا يصير خير وين ابوكم
قالت قبل شوي وصلنا حنا باريس من الرياض جايين وهو راح لجنيف ولا كلمنا يطمنا لهالحين انه وصل والا لا .
اييييييه اول شي خذيت حسن نيتي وانا اتوطاها .
ويفور الدم العربي ( عاد طول عمره بفريزر تعودنا على فوران هالدم مثل مفواح الماء كلشوين مفورينه هاليهود بفلسطين واليهود الثانين بالعراق غثيتكم بالسياسه ... نرجع لا يفوح الدم )
قلت تطمني ذهبك راح يرجع ( صورة بطل مسلسل أردني ) .
الا بوه رفيتزلي بالسفاره السعوديه واخذ جوالي قلت ابي ادق عليه
وتحلف على العجوز الا أكلم من جواله .
واخذ الجوال وادق عليه
خربط : الوووووو
فؤاد : من معايا
خربط : ابو مازن انا خغبط ( فرنسي )
فؤاد: اهلين ابو أسعد ( كنيه استخدمها ليا رحت لجده )
خربط : ابو مازن الذيب بالتزليب
فؤاد : يخسى الذيب ( الناس سلوم وعوايد )
خربط : السالفه كيت وكيت ( ماله علاقه بالشيكولاته كيت كات )
فؤاد : والله مشغولين ياخربط لكن بما انك تدخلت بالموضوع راح أحله ( ابوك يالواسطه حتى بفرنسا )
خربط : ماتقصر يابو مازن
فؤاد : ماعليك زود
والله ونجلس خمس دقايق الا اسمي يلعلع بالفندق واجي الا مندوب من السفاره ودقيقه الا الشرطه جايين وحنا نعطيهم ( صرنا حنا من العايله ) اوصاف الحرامي
الا يوم جا الوغد يركض عمووو خربط ( صورة واحد يقول عمى عين العدو ) شوف الحرامي نمسكوه
هالوغد يحسبنا بمسلسل الا لو نتلطم بفرنسا معروفين انا من عمق نجد وجيهنا تقل رضم .
ويجي ومعه الشنطه .
قال انا نسيت أحسبهم نزلوا كل العفش يوم تفطنت ( بالفرنسي تفطنت ) الا معي شنطه وارجع ويتأسف قالوا الشرطه لا حبيبي الأسف ماله مجال انت أخطيت ( صورة شرطي من حقيننا يقول كل واحد يصلح سيارتوه) ولازم تأخذ عقابك
تدخلت قلت لا يوم رجعت شنطتنا ابي اتنازل ( ماتلاحظون اني صرت من العايله ) قال الشرطي تنازل عندكم المهم تلوه من قدامنا .
واخذ الشنطه واجيبه للأم قلت تفقدي ذهبتس .
يوم فتحت الشنطه يمار كل ذهب الرياض به .
( عاد صرت من العايله ومنت شوي عليهم ) لعن الله جدفتس جايبتن كل هالذهب
قالت لا هذي حاجه بسيطه ( وفي الليلة الظلماء تفتقد الزنوبه ).
المهم سكنوا الربع وتطمنت عليهم .
وهو يستلج علي الوغد يكلمن باليوم ثلثمية مره عموووو خربط عموووو خربط .
عاد ماودي اطول عليكم ادري ان وقتكم من ذهب ( بس لا تروحون به يم باريس )
ماغثن الا هالبو هالهتلي ( والا هالحين هو صديقي ) رايحن يم ديره ومسفرن بناته لديره مع وغد حتى شهادة الابتدائي ماخذاه .
قصه واقعيه ... وش رايكم بهالبو رغم اني هتلته وجها لوجه لكن وجهة نظره ان كل واحد له حرية الأختيار واتهمني بالرجعيه ( والله برئ من تهمته بس بحدود)
واتهمني بالبداوه ( مايدري ان البداوه وسام شرف )
رايكم لا عدمناكم ... بدون مسك شوش ... الأذان لا مشكله مع خربط.
بردوووون
المشاركة الأصلية كتبت بواسطة صدى الشمال
هذي بس من برد الشتاء وحرارة الصيف
))
المفضلات