اعزائي أهل الكرم والجود
أشارك بهذه القصيدة كمصافحة أولى
ارجو ان تنال رضاكم :
[poem=font="Simplified Arabic,5,white,bold,italic" bkcolor="transparent" bkimage="" border="none,4," type=2 line=1 align=center use=sp num="0,black"]
ان كان ودك تغادر لاتشاورني = خل الضماير سعاير لاتطفيهـا
ليـّن معك والنتيجة صرت تعصرني = طبعك مع اعصابي اشوفه لعب فيها
نوبن تلومـن ونوب اتقول تعذرني = لااخطيت غلطتك لاتحسبني احصيها
ترى الليالي تطول ولاتغيـّـرني = والكلمة اللي بها غيظتك ماابديها
اشاطرك حالتك لو ماتشاطرني = وروحي لروحك رهينه قول : وافديها
شفتك على شط شوق الحب تنطرني = ورميت لك كل نفسي هي واياديها
لو رحت اعرفك تبي ترجع وتذكرني = والعشره اللي مضت ماانته بناسيها
ماهي بسهله تمـرّن ثم تعبرني = أيام تمحـاه كله مـع لياليهـا
تـراك في كلمتـك يازيـن تنحـرني = وتحطـم الروح في لحظه وتنهيهـا
ماادري سحرتك او انك انت ساحرني = عقدة هوانا أينا اللي كـد نفث فيها
كانه على كيفي اصبر لاتغادرني = خلك معي شف جروحي من يداويها
ماقلت ابا ازورك ولا قلت لك زرني = النفس ماقدر الرحمن يرضيها
الشك مايوم خالطني وساورني = في كلمتك يوم قلته صرت اعانيها
انا احبك وحبك صار يجبرني = به ناس من شان حبك صرت اعاديها
اغراك غيري تبي لاجله تدمرني = ترى العواقب تضرك في تواليها
ليا اشتهيت الوصل توصل / وتهجرني = في حزة اللهفة اشواقي تخليها
حرام يامنتهى الامال تقهرني = تزيد روحي بلاوى مع بلاويها
غيبتك عني من الفرقا تحذرني = وشلون ذاتك ابا انساها وانا اغليها
نسيت كم ليلة(ن) تسهر وتسهرني = والدمعة اللي على الخدين مجريها
ان كان به ناس في حبي تحاصرني = ويش الذي في هوانا صار مشقيها
انا لو انك طلبت الروح تشكرني = من شان عينيك مابيها لك اعطيها
وانا محبتك وسط القلب تنغرني = احسّ فيها يشوفونه لو اخفيها
وانا اطيعك اذا تنهى وتامرني = واسمك على شانه اسما ناس ملغيها
من قال لك باوله طب وتخيرني = تقطع معاليق قلبي ثم ترميها
الله يسامحـْـك وانا الله يصبرني = والنفس مااحد(ن) يجي بعدك يعزيها
ادمنت حبك مع الايام خـدرني = محفوظ بعروق دمي مع مجاريها
ابيك بس انت لا من مت تقبرني = ومن بعدها نظرة التوديع تلقيها[/poem]
مع تحيتي / حمود الجارالله
رد مع اقتباس
المفضلات