`~*¤!¤*~` صباح الورد ياحبي `~*¤!¤*~`
بسم الله الرحمن الرحيم
حبيت اني اشارككم في هذا الصباح بصباحيه
عسا صباحكم احلى يارب
اتمنا ان تنال رضاكم واستحسانكم
[poem=font="Simplified Arabic,5,black,bold,normal" bkcolor="transparent" bkimage="backgrounds/19.gif" border="double,medium,gray" type=2 line=0 align=center use=ex num="0,black"]
صباح الورد ياحبي .. صباح الفل والنعناع= صباح الطيب والكادي ودهن العود والعنبر
صباح العطر والجوري.. صباحك ياخفيف اطباع = صباح المزن والهتان وديم ٍ دايم ٍ ممطر
صباح الروض واغصانه مع النسناس والذعذاع = صباح العشب والبستان يامزيون والمنظر
صباح النور والنوّار والريضان والمرباع = صباح الشيح والربله.. وبخزام ونفل .. واكثر
صباح الحب والاحساس والاشواق والالواع = صباح الشعر لادوّن مشاعر صبحك المسفر
هلابك ياهلا والله من هالساع لآخر ساع = تجدد صبح من صبحك ولاح الخير واستبشر
عطيني يدّك وقومي .. ترا هالصبح ماله داع = اذا ماشافك العصفور ... يمكن مابعد يشعر
شوفي كن هالدنيا تناظر في نظر طمّاع = تبي بسمه.. تبي ضحك ..تبي من كل مايسحر
تبي تضحك لك الدنيا .. جتك خجلى تبي تنصاع = تبي همسه .. تبي نغمه .. تبي بسمه .. لجل تظهر
انا ودي اقول اكثر .. بس انه كلام وضاع = ابوصف عن مدا فرحي .. بس ان اللسان.. اقصر
ودي يابعد عمري اغرّد.. في صباح ٍ ذاع = مع العصفور والبلبل.. مع اطيور الفلا واجهر
واقول الصبح في خدّك يضي بضيّه الشعاع = جل الخالق الباري .. عسا عين العدو للشر
عيونك آه ياعيونك .. يالبى ذا العيون وساع = تنعس .. خلق نعسانه .. تبهر كل من ينظر
احبك والله الشاهد .. على ما بالحشا ودّاع = احبك غصب انا والله .. عيونك بالغلا تأسر
شفتي كثر ماحبّوا ضحايا الحسن والابداع = ماجا حبهم لك نص مابالقلب لك يحصر
انا العاشق انا الولهان انا الهاوي انا الملتاع = انا اللي باع عمره بس .. ترضا من عشقها.. حر
تعالي يابعد حيي .. ابنسا ماضي الاوجاع = تعالي لاتخليني .. وابي هالعاذلين .. اقهر
عطيني يدّك الحلوه .. وصح النوم ياميّاع = اذا ما لمستك يدّي .. يمكن مابعد .. اشعر[/poem]
سلامتكم
اطيب التحايا للجميع
اخيكم
بدر الجنفاوي
رد مع اقتباس
ــــــر 
المفضلات