.
.
.
.
.
.
[poem=font="Times New Roman,4,tomato,bold,normal" bkcolor="transparent" bkimage="backgrounds/15.gif" border="double,medium,sienna" type=1 line=0 align=center use=ex num="0,black"]
دورت لغيـابك سـبب بعتذر فيـه = ولا لقيــت أدنى سـبب في غيابك
تعبـت وأتعبت العتـب والمشاريه = مات السـؤال وماوصلنـي جوابك
ياكيف من صانك من الناس ترميه = في عز قيظ الجور يتبع سـرابك
طفـل الغـرام أشباح صـدك تبكـيه = جاشه تكســر بالبكـــا فغـترابك
حالــه ذبــل ويــدين الأيــام تطــويه = تعال ضــمه كـود ريحــه ثيـابك
تـرد لـه ماراح منـه وتعطيــه = عمــر(ن) جديد إن شاهـدك والتـوابك
قلبي وعـاف الحب من دون غاليه = ياكبـر حزني كان غيري لقابـك
ماكنت احبه فيك واصبحت بيديه = وافلست منك والحظيظ اهتنى بك
شفني على رغم الفراق وبلاويه = مازلت أعّشم خافقي بأقترابك
اذكر جميل الحب وارجع لماضيه = عشان قلبي يقتنع في عذابك
عزاي عقب البين بالغدر ترضيه = لاجيت من فرقاك والشوق جابك
معاك عشت العمر بأجمل لياليه = وعندك بموت ومسكني في ترابك
تعــال قلـي ليــه واقـولك ليــــه = بعاتبــــك بالــــود وأقبــل عتابــك
انا تعبت أخلق عذر واعتــذر فيه = وارجع واشــوفه مايبرر غيــابك[/poem]
.
.
.
.
.
رد مع اقتباس
المفضلات