[ الصميل ..!! ] / و آخر من يعلم..!!
[ خارج الطريق ]
.
.
آخر من يعلم أنا إنك هنيا..
..................يعني آخر شخص يعرف في حضورك..
يعني وش ينفع إذا تخبي عليا
..........................هاذي جرة خطوتك و النور نورك
انت ما لاحظت ورد في يديا..
........................انحنى مكسور خاطر من عطورك
جيت/رحت; وإنتظارك مات فيا
.......................والغبينه إني أعرف وش شعورك
.
.
.
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
دحّام.. والحظ الردي لامال بي وقتي يميل..=وازريت اعدل به و أنا لاملت يادحّام مال..
ياصاحبي وإن كان به :[زبده ] ..[ ابمخض هالصميل]=وإن كان [ أودى ] أو بعد ماظن باقي به صمال
الحزن ينهش داخلي وللبرد بضلوعي صليل=مدري وش الدنيا عليه واحسها مثل الخيال
الصد يحرق و الجفا ملعون و الدمعه تسيل..=و الجمر يحرق بالخفا و افوح به فوح الدلال
المستريح بها الزمن مهبول وإحساسه هبيل..=ابن حلال لجنسنا و لجنسها [بنيّة حلال ]
والصاحب اللي سكته إختارت دروب الرحيل=ماغاب عن بال الغلا.. ساكن تفاصيل الشمال
باغمض عيوني على طاريه واشعل به فتيل..=واكف دمعي وامسحه واقول ماهو للرجال..
وليل الشتاء طول وأنا بردان والدنيا ( خليل )=وماظن باقي بالصدر لأوجاع هالعالم مشال
وإن قلت لي وش حيلتك بأقولك ( صبرٌ جميل )..=والله يهون ضيقة بالصدر وضلوع هيال
أفج دربي وأسلكه والحاسد بعيني ذليل=ماهمّ رأسي بالبشر حي ولا فيها مجال
بعض العيال [ ط و ي ر ة ٍ ] ماهزت عذوق النخيل..=وقل انهم بظلالها لا قيل لك وين العيال؟
مانيب كامل لا حشا لكن معي بال ٍ طويل=إنسان / شاعر / و الغلط فينا و لله الكمال
مو مشكله إنك تحب إنسان وبطبعه ثقيل=لأن لازم بالغلا ياصاحبي نصبح ثقال..
المشكله انك تحب إنسان وإحساسه بخيل..=تدري بأنه يعشقك لكن تحس انه محال
و الحزن ينهش داخلي وللبرد بضلوعي صليل=و البرد قارس و الشتاء مجنون و أنفاسه خيال
أرجف و أولع داخلي للشوق في صدري فتيل=و ابرد و ادور ضمته و أخاف من بعض الليال
والليل منفى والغلا أوطان و إحساسي دخيل=و هذا الشتاء دايم كذا بالذات عند ( اهل الشمال )[/poem]
الصميل : معروف
أودى : تعني شيء لايعرفه الكثير
رد مع اقتباس
...
المفضلات