[poem=font="Arial,6,deeppink,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
فات ارمضان.. وخلّص العيد.. واشجان=تلعب على الحبلين ربي حفضها
متناقضه فتانة الحسن يااخوان=وش حيلتي .. بطب القلوب ومـــرضهــا
كانت تبي (عيدية الفطر )والآن؟=هدية (العيديـــــن) تطلب عــــوضهـــا
وانا سجلّي بالهدايا والألوان..=حـــافـل من الغلطـــات .. ولا أتعــضهــــا
أشري(عروسه)؟..خاف لاكون غلطان=كيف أعتذر والنفس على مضضها
خابر مزاج(أم التدلع) إليا شان=حاجه رفضها..مايبيها . رفضها
قلت أشتري له كحل..والكحله أحيان=بضاعةٍ ماعاد توفي غرضها
لاسلهمت..باللي كما ريش غربان=حس بتفاهات الكحل ..لانهضها
ماتشبه إلا (بالهدد) عين شيهان=يوم أسهمت (للخرب) حين إعترضها
وقلت أشتري له .. عطر والعطر ينهان=من كادي (الكعكات) لامن نقضها
متخالطٍ فيها الشمطري وريحان=شميتها فعلاً..وكنت افترضها
ورجعت أنا ذهني مشتت وحيران=ماجيتها يمناي خالي وفضها؟!
شاري لها فستان وردي..على شـــان=شوف الورود..شلون تلبس بعضها[/poem]
رد مع اقتباس
المشاركة الأصلية كتبت بواسطة حاكم مشعل المعلا
المفضلات