[poem=font="Simplified Arabic,5,orange,bold,normal" bkcolor="transparent" bkimage="backgrounds/22.gif" border="double,medium,red" type=2 line=0 align=center use=ex num="0,black"]
العام انا ياود نفسي بلقياك= يوم افتخر لاجابو الناس طاريك
لا ياكبر هامي وانا شوف مرقاك=من فوق تاج الراس وارفع واعليك
لو شفت بارض الروح ياطول مبناك=وعرق الغلا من عمق الاحساس يسقيك
واصبحت اشوف ببحر الاشعار مرساك=وباعذب قصيدي شايداتن موانيك
لك هيبتن في داخلي بعز مبداك=واعتز انا لاشفت جملة معانيك
وان شفت طيبك قلت محدن تعداك=سبحانه اللي زارع الطيب بيديك
العام انا كم مرتن دون ملفاك=ارجع وانا مجبور دونك ولاجيك
نشدتني وش فيك وش صار وش جاك=وعجزت ابرر حايلن دون ناصيك
تقسى واسامح واكتم الجرح لرضلك=ياكبرها لاهنت بالناس مغليك
ماشفت بعيوني كلام بها جاك=يقول يكفي بالضماير تجنيك
واليوم ليه اليوم هديت مبناك= متشوف فعلك طاح باسفل مواطيك
شوهت لك صوره وبدلت مبداك=عجزت اصدق لاتذكرت ماضيك
وش عاد لوطالت شوارب من اطغاك=اللي على بير الضلايم يماريك
لاواحسايف بس واخطيت مرماك=عقب المعزه صرت عندي واعشيك
لاياعسى الله في بلاويه يبلاك=وتذوق ماذقته وبالضيم يسفيك
والوقت والايام كله تحداك=تسقيك مر الكاس يالين ترويك
وبقعا تلزك لز بضيوم تاطاك= وسيفه يتلك تل تل بعلابيك
عسى الولي ياخذك والنار مثواك=ويعاقبك دنيا ويارب راجيك
وماهمني ماكن ضامر نواياك=ماهمني وش عاد تاصل محاريك
وكانك نويت الذل يابعد شرواك=ماتعجزه بيديك طوله برجليك
عرق= الضما[/poem]
رد مع اقتباس
المفضلات