[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=4 line=1 align=center use=sp num="0,black"]
سميت باسم الذي دوم رحمان =يرحم ويغفر من دعا والتجابه
ياناصر حزبه على حزب هامان =ومنجي نبيه من نار وطابه
ومن بعد ذكر الولي عالي الشان =أبذكر قصة ماحدن حكابه
جيت الأهل وقلت رايح لفرحان =واللي يبي معي يجهز زهابه
توكلت ونصيت ذرب الأيمان =اللي لهرجات القفى ماسعابه
كريم ولاهو على الطيب ندمان =قرم وياقف للمعضلات بصلابه
وسرق موتره ولاهو بلشان =وحافظ على أعصابه بعقل ولبابه
ويم حقل توجه بنا فرحان =يبي يوسع صدور من الهم منصابه
وخوينا يوم أصبح الصبح مرضان =ويم الطوارئ بسرعه فزعنابه
نبي نشوف وشفيه تعبان =واثر السكر متعدي نصابه
وقالوا لازم يرقد الآن =حتى يطيب ويبين الشفا به
ورجعنا نبي دار بن سلطان =قصدنا نرتاح من طريق مشينابه
ولقيت اللي منه أنا كنت هربان =يالله تستر من نهار لفابه
وتظاهرت بالنوم ولاني بنعسان =حتى يروح ويودع أحبابه
وختامها صلوا على بن عدنان =الهاشمي محمد منور أصحابه[/poem]
رد مع اقتباس
المفضلات