وعليكم السلام 
باعتقادي مافيه احد من شمر مايعرف مسامح بن مسطح
وخاصة هو صاحب قصيدة " المرضيه "
اللي ارضى به بين عبده وسنجاره يوم المشكله على كمب رفحاء
والقصيده طويله
شاعرنا هو من المسطح من القني من الغفيله من سنجاره من شمر
لوه هجينيات رائعه واكثره طريف لمناسبات طريفه
من ضمنه انوه اشتغل راعي عند واحدن اسموه "المهوهي"
وقديما عند اهل الباديه مايرعى الا اللي بوه خير اللي مابوه خير مايمسكونوه الحلال
المهم ان جمل المهوهي ضاع وهو يجي المهوهي يسال عنوه :
قال مسامح: [poem=font="Simplified Arabic,5,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
الا يالمهوهي جملكم ضاع=وانت المهوهي وهوهولوه
لوه عادةٍ مايجي بساع=والزرع ياقف على طولوه[/poem]
ومره يقولون تخاوا هو وواحدن اسموه سعد ومعاهم وحده اسمه سلمى
ومعاهم لهم جمل يبون يوردونوه على الماء اسموه سمحان
قال سعد ماودك تجيب لنا هجينيه يامسامح
قال مسامح:
[poem=font="Simplified Arabic,5,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
اسمك سعد والجمل سمحان=واللي يقود الجمل سامح
واللي معاهم "مطلق الريحان"=اللي مع الغوش ماتلامح[/poem]
مطلق الريحان يصف به سلمى يقولون كانت مزيونه
ومن سوالفوه الله يرحموه يقولون غزو على الشرارات وكانو بقيادة العقيد فهاد بن مسطح
وفهاد فارس غني عن التعريف وهو من الفرسان اللي نخاهم ابن رشيد يوم حصار الجوف
المهم كان عددهم قليل وهم يغزون على الشرارات وياخذون البل
الشرارات يوم دريو وهو يلحقونهم وكان بقيادة اللحاوي وواحدن من فرسانهم اسموه بن ورده
يامار الشرارات واجد وهم يجيبونوهم وهو تذبح ذلول مسامح وياسرونوه الشرارت
لوه قصيده بهالمناسبه لاتحضرني كله لكن يقول من ضمنه: [poem=font="Simplified Arabic,5,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
صارت علينا الضحى سرده=لحق اللحاوي وبن ورده
على ضرايب وضيحاني
قعدت ابي مراميهن=يمارا ماني حواليهن
راحن تقل جول غزلاني
حمرا وبيض محاقبها=العن ابو جد راكبها
اثريه ياعضيب خلاني[/poem]
المهم ان الشرارت اسروه لوه فتره وعقبه استطاع انوه يهرب وخذا لوه ذلول يبي يرجع لاهلوه
هذولا اهلوه جو يبون يفكونوه من الشرارت ويلقونوه هارب وجلسو يدورن عليه
المهم ان مسامح ذبحوه العطش وهو يذبح ذلوله ويشرب دمه وجلس لوه فتره بالخلا
بعد ايام لقوه ربعوه يمار اسود وجهوه من الشمس ولاعرفوه
وهم يجون يم اخوه قالو مالقينا الا رجل "عبد" الظاهر ماهو اخوك
قال اخوه اذا هو مسامح تلقون بابطوه "كي"
بالفعل رفعو يدوه ولقى بابطوه كي وانقذوه
ولوه قصيده بهالمناسبه طويله منه
[poem=font="Simplified Arabic,5,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
انا منيع لابو........=ياعشقتي لاتعيفيني
العصر حامن علي طيرين=طير الهوى تقل باغيني
شربت الدم شرب لبين=من واهج القيض حاديني[/poem]
وباخر بيت يذكر شربوه للدم
الله يرحم مسامح رحمة واسعه
والموضوع مفتوح للاخوان للاضافات
اسمحو لنا على القصور
رد مع اقتباس
المفضلات