كم تتوقع عدد شمر

**عبدالله الأسلمي** · 21-01-2007 02:35

والله واجـــــــــــــــــــــــــــد
والله يكثرهم ويبارك بهم اهم شي الفعل يالربع وان شاء الله فعلنا طيب

الخفجي والظهران والدمام مثل ماقال احد اخواني مانا قايل ولد عمي واجـــــــــــــــد واكثرهم من الاسلم هذا صحيح

**بدر بن عبدالمحسن** · 21-01-2007 07:06

شكلكم نسيتو اللي بالحجاز وراه ماعديتونا مع الجماعه

الحجاز به واجد الله يكثرهم ويصلحهم وعن الشر يبعدهم

**Twister** · 21-01-2007 19:21

هل شمر العراق جميعهم شيعة أم غالبيتهم؟

**جبل شمر** · 03-02-2007 16:14

المشاركة الأصلية كتبت بواسطة Twister

هل شمر العراق جميعهم شيعة أم غالبيتهم؟

إذا كنت تقصد شيعة محمد فنعم الأغلبية هم شيعة محمد (يعني سنة) ويقودون المقاومة

وقلة مع عجعج وطقته أسال الله العلي القدير أن يريهم الحق حقا ويرزقهم إتباعه

يبدو أن ردي هذا مايسر سريرتك يا تويستر

**ولد الذكرالله** · 27-02-2007 08:27

اقسم بالله ان قبيلة شمر كثار الله يطول في اعمارهم ويكثرهم

ولو نجي للخبر والدمام والأحساء والشرقية كعامه

بما ما انني من اهل الشرقيه صدقوني كثار والله انا اتوقع .

ممكن في الملايين كعامه هذا والله اعلم ,الف شكر لك جبل شمر يابن العم

والى الامام يالغالي

**الظبي الدماني** · 27-02-2007 17:17

زين سؤال لو سمحتوا أنا اخر اسمي موب الشمري بس شمرية!! يعني هالأحصائيه انحسبو فيها بس اللي اخر اسمهم بالبطاقة الشمري؟؟ و تحيا الجمهورية العربية الشمرية حرة أبية

**الوهم** · 27-02-2007 23:23

ناس تقول شمر 12 مليون وناس تقول 7 ملايين وناس تقول عشرة الاف

بالعقل والمنطق انا اقول مالكم لوا جميعا

انا من احد عشائر شمر وهذه العشيرة من خلال تواجدها في قرى والبعض منهم في مدن فانه باستطاعتي ان اعطيهم رقم تقريبي
يعني عشيرتي تقريبا 5000 فقط وهي فخذ كبير
فلو قلنا ان شمر تتكون من 10 افخاذ بمتوسط 5000 للفخذ الواحد لاصبح عدد شمر 50 الف تقريبا
طيب لاتزعلون ندبلهم ليصبحوا 100 الف

اما اللي يقولون ملايين صراحة نقول مالكم لوا ..واللي يقولون 10 الاف ايضا مالهم لوا ..
وسلامتكم ..

**المطنوخ** · 27-02-2007 23:33

شمر عددهم 11 موزعين على خطة 5-3-2 والبدلاء 4

انتم صادزين ليا هالحين تعدون شمر؟

انتم وليه تتعبون حالكم

اللي يهقى بنفسه انه صاامل يقوم وياخذ زهابه ويفتر على شمر بجميع دول العالم ويعدهم بيت بيت تسانه صادز

بس ان راح لاينسى يسلم لي على شمر فرنسا
هههههههههههههههههههه

ياااااااادااااااااااافع البلا

**ريال الفسحه** · 27-02-2007 23:55

<<<ابو فرحان جاب وغد
سجلو عندكم زدنا واحد

**مهاجرة باحساس** · 28-02-2007 03:03

كم تتوقع عدد شمر

في الدمام (الدمام والخبر والظهران)

كم في الجبيل

وكم في الخفجي

والإحساء

ولا ننسى أبقيق
.......................................
اعتقد انه فيه قبائل عربيه كبيره بعدد افرادها واسرها منتشره في هذا الكون

لكن سبحان الله فيه شعبيه قويه لقبيلتنا وفيه حسد بعد والله اني مااتخيل ولا اهذري والله ان فيه بنت اعرفها

في الكليه من قبيله (.....) والله انه تقول فديت شمر ..وياليت شمر هلن لي ودايم هالحتسي على لسانه ؟؟

قلت تعالي انتي وش سالفتس انتي وشمر ؟ قالت والله مالقيت مثلكم وطيبتكم ونخوتكم وشهامتكم

قلت بس خجلتينا قالت:هذي الحقيقه كل ماتعرفت على بنت شمريه الا مدلله واهله قريبين منه حتى ابوه واخوانه قريبين كانهم اصدقاء وانتي بعد يامهاجره مو صحيح قلت والله صحيح يارب لك الحمد ثقه بينا وانفتاح على الاقل بعايلتي قالت هذا هو !!!!
.....
وبعد شفت ناس يقولون كش ياكثركم ياشمر ؟؟اذكرو الله ياناس
........
اتوقع ان عددنا يكفي لنكون درع بشري لحماية الوطن العربي من افكار هدامه بثقافتنا ودينا وتقاليدنا
......................
في الدمام الخبر الظهران اتوقع مو كثير
والجبيل اكثر شوي في كل حاره من حواري الجبيل ثلاث بيوت الي اربع
والخفجي صارت بوه عوال كبيره تفرعت وصاروا عربن تسثيرين
والحساء كمان كتير كتير بس اكثرهم تناسبوا مع عوايل حساويه وانا مااحبذ هذا الشي
بقيق احس قليل بالنسبه للمناطق الاخرى