ايه الاحبه اهدا علي اخي وصديقي صالح الشيحي طير حر (فرخ) وقال ابيك تسميه بقصيدة قلت "
[poem=font="Simplified Arabic,5,limegreen,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
برزان
الطير يا الشيحي بااسميه برزان = اسم" غلاه بوسط قلبي مقره
رمزن لنا في ماضي الوقت عنوان = العز في ضله ومن جاه سره
قصر الشيوخ اللي لهم باالوطا شان = اللي لهم باالكون كره وفره
عبدالله اللي يوم نزعات الاخوان = رجع لراع الحق حقه وبره
قال اطلب ومطلبك ياالضيغمي كان = قال اطلب بحايل سياسات حره
سلم اخوه عبيد جيشه والاركان = شاعر وامير وفارس الحرب جره
وطلال يوم انه شلع طير حوران = صغير لاكنه سبق حيل عمره
ومن عقبهم بندر حكم ذرب الايمان = وعقبه حكم متعب بحلوه ومره
ومن عقبهم نجم" سطع باالسما بان = محمــــد ابن طلال لله دره
وبعده بدا عهد اعضم واشجع انسان = جنازتن ما يعرف الخوف مره
عبدالعزيز اللي حضنها باالاحضان = واستسلمتله نجد تمشي باامره
ابي ليا من صحت اناديه برزان = حول على الصيده وتله وجره
حرن هدية حر صالح بليهان = وانا قبلت الهدو خيره وشره
فرخن وسيع عيون سخيف جنحان = ابيض صدر ماله مع الناس جره
قلبي على قني الوحش حيل شفقان = ارجيه رجوى المنكسر ليوم جبره
واعشقه عشق ثنين اصحاب واخوان = يوم كبرو كلن تبعد مقره
الطير يا صالح بااسميه برزان = والناس بااسماها تفنن وحره [/poem]
رد مع اقتباس
صح لسانك
المفضلات