[poem=font="Simplified Arabic,6,white,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
هاجسي وان كان يمديك هات ومدني =
القصايد له مواعيـد مـع موعودهـا
لي ثلاث شهور يالشعرشـيٍ ردنـي =
والعرب قالت ترى الجود من موجودها
جيتلك من ضيقة البال واللي حدنـي =
امر يقهر رغبة النفس عن مقصودهـا
شيلني ياطاري الشعر عنهم ودنـي =
عن سوالف مالها طعم نقصٍ زودهـا
مابنيتك يابن الاجواد لاجـل تهدنـي =
ولاكسبت بسجة الرجل غير لهودهـا
الزمان يشدني شد وانـت تشدنـي =
الذخيره ثـوّره شـي مـن بارودهـا
الديون اكثر من البذل ولاحدن سدني =
والمعرفـه ام ثكـلا قتـل مولودهـا
وانت ياللي ساكن هناك ظرفي صدني =
لاتنشّدني عن اشيا حفظـت سدودهـا
الاجابه عاقبتهـا سهـوم تضدنـي =
والحقيقه تنتظر دوم صوت شهودهـا
عدني ضيفك من اليـوم والا عدنـي =
واحدٍ يرقب من البعد صوت رعودهـا
المسافه تقطع القلب وطولـه كدنـي =
والصحاري كلها جرد يابس عودهـا
بين حظي والمشاريه وقتـي مدنـي =
اتقرب واثـر الانـذال هـذا فودهـا
النوايا تدفع القلب ولاحـدن ردنـي =
ماانتبهت الا وانا هناك خلف حدودهـا
السعاده شي ملموس وانت تودنـي =
والقصايد ماتربّحـت مـن مردودهـا
اشعله من شان الايام يـوم تعدنـي =
شاعرن صحى القصايد بوقت رقودها
يوم نادى هاجسه قال وينـك مدنـي =
قال انا موجود والجود من موجودهـا
[/poem]
رد مع اقتباس
المشاركة الأصلية كتبت بواسطة شقـــاوي
المفضلات