فيصل حمود الضّـــفيري الشمري

[فلاح السعد]

فيصل هو مشرف المنتدى العام للتوضيح وتقبلوها كما هي

ه[poem=font="Simplified Arabic,5,burlywood,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
هاك شعري يالسنافي ياعسى مافيه عايل=فيصل حمود الضفيري مايخفينا الطيبينا
ماأنت من شلة بحرها أو من خبول العوايل=لا ولا وألفين لا ماأنت منهم خايبينا
ياسلالة فارسٍ مشهود له بالكون صايل=ياأنتخوا صفران. صلال الضفيري له يبينا
القبايل يوم كانت قبل تلطيخ القبايل=كل منهم شال فعله شل فعله باليمينا
وحنا شلنا من القبايل والشهود من الحمايل=من صريح الفعل حتى من نعادي شاهدينا
يالفانا الحمل يسهل مايصير الحمل مايل=إيتعدل بالنصيحه أو يعدّل في يدينا
الطنايا يامدور عن رجاله والصمايل=بالسما شفهم نجومٍ يالمحته لامعينا
أشهد ان الجود فيهم إن بغيت من الجمايل=عند شمر والعطايا ياعطوها سامحينا
ياطرى إسم الطنايا شفت لمعات المخايل=كاسبين الطيب ماهم ماخذين الطيب دينا
إن طرى للضيف طاري ماذبحنا كود حايل=وإن رجعتوا لجود حاتم ماإنوصف بالعالمينا
ياهنيك يابناخي لك خوالٍ حول حايل=أو خوالك في ديارٍ به طنايا ساكنينا
ياقصيرٍ للطنايا مايدور للبدايل=يعاملون الجار كنه من دلاله كالجنينا
بالشجاعه والشهامه ياكثر ذيك المثايل=كلها تشهد لشمر وإن ماجينا تحترينا
ماأظن ان فيه عاقل قام دور عن دلايل=كل مابالكون صادق حس فينا ويرتجينا
لولشي يابنت شمر ولفحي ياام الجدايل=كل ماردوا ربوعك للمراجل كاسبينا
والله اني لو اكثر من القصايد هن قلايل=في فعل ربعي طنايا والطنايا منومسينا
والقضايا بالمحاكم له شبيه وله مثايل=بس كان الحد فاصل قاضي القصه لدينا[/poem]


فلاح السعد

[هايس الشمري]

و نعم والله بالظفير





فلاح السعد



صح لسانك



و لا هنت يا بعدي




اخوك

[سلمان النبهان]

[poem=font="Simplified Arabic,4,black,normal,normal" bkcolor="white" bkimage="backgrounds/17.gif" border="groove,thin,gray" type=3 line=0 align=center use=ex num="0,black"]
صح لسانك يافلاح السعد والجود ماقصرت يالغالي....
وابو حمود يستاهل المدح كيف... لا ..وهو حفيد الابطال وهم :ـ
الشيخ محمد الضّفيري الذي قيل فيه (( كل طيب به لولا الا الضّفيري مابه لولا )) .
وجد محمد هو سند الضّفيري الذي تميز ببطولته وكرم اخلاقه وقوة مواقفه حيث قيل فيه
(( شروى سند ياشيخ مثل الشطاني *** لااستسبع الضرغام واستنذل الهيس ))
وسند ابن الفارس دخيل الضّفيري الذي قال عنه الشيخ العاصي الجربا :ـ
(( ولد الضّفيري جلهم *** حر تولى له دجاج ))
فاسرة الضّفيري من العفاريت من عبده من شمر نار على راس علم
يستحقون المدح والاشادة وهم كفا لذلك والله الموفق[/poem]

[سرحــان]

صح لسانك


ابو ضاري

وابو حمود يستاهل


تحياتي

[شريف روما]

صح السانك يافلاح


والنعم بفيصل الضفيري وألف نعم بالعفاريت

[المخاوي]

صح لسانك يابو ضاري

وفيصل يستاهل المدح

[راعي الوقيد]

صح لسانك يالعزوة

ولاهنت على القصيدة الرائعة روعة حضورك

والاخ فيصل ـ والف نعم به ـ يستاهل

تحيتي وسلاااااااااااامي

[تـــــويـــــو]

فيصل من اسرة الضّفيـري مـن العفاريـت مـن عبـده مـن شمـر

[poem=font="Simplified Arabic,5,burlywood,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الطنايا يامدور عن رجاله والصمايل=بالسما شفهم نجومٍ يالمحته لامعينا

ياطرى إسم الطنايا شفت لمعات المخايل=كاسبين الطيب ماهم ماخذين الطيب دينا

ياهنيك يابناخي لك خوالٍ حول حايل=أو خوالك في ديارٍ به طنايا ساكنينا

ياقصيرٍ للطنايا مايدور للبدايل=يعاملون الجار كنه من دلاله كالجنينا

والله اني لو اكثر من القصايد هن قلايل=في فعل ربعي طنايا والطنايا منومسينا
[/poem]

قصيدة رائعه يا أخ فلاح

لقد اكثرت من ذكر الطنايا في هذه القصيدة والتي ذكرتني بقصيدة منصور الرمالي

طنـايـا مارضيـنـا بالمهـونـه=== ولا نرضـا المهونـه ماحييـنـا
طنايا الـذل مـا ننـزل جـواره=== وعلى انفسنا المذله مـا رضينـا
طنايـا وان نطحنـا كـل غـازي=== يتراعد خوف مـن يقبـل علينـا
طنايا مـن حربنـا لـه ضربنـا=== نصب الويل فـوق اللـي يجينـا
طنايـا نـارد حيـاض المنـايـا=== اسـود بالـحـروب مجربيـنـا
طنايـا عندنـا تحـل القضـايـا=== حــرار بالعـلالـي معتليـنـا
طنايـا نكـرم العانـي ونعطـي=== وعطايانـا الجلايـل لياعطيـنـا
طنايـا وان نصانـا كـل ضايـم=== يشوف العز مـن ساعـه يجينـا


ولكن الا ترى معي ان الممدوح لاينتمي للطنايا حيث ان الطنايا تخص زوبع من شمّر!!!!!!

كما ذكر سلمان النبهان ان الأخ فيصل ينتمي لعبدة من شمّر وهم السناعيس.

ربما لو استبدلت كلمة الطنايا بالسناعس كان افضل لبكون المعنى اصدق قليلاً.


ارجو ان لايكون هذا النقد قد يسبب لك الإحراج اخي العزيز انما اردته نقد بناء


دمتم والسلام عليكم

[كبرياء نجد]

صح لسانك على القصيده

ويستاهل المدح من حاز الطيبة

والأخ فيصل بن حمود يستاهل الطيب والاحترام

كل الشكر لك

[فيصل حمود]

أشكر جميع الأخوان اللي علقوا وماعليكم زود ولافيكم شك يا أخواني وأحب أخص بالشكر العزيز ابو ضاري وأقوله الله لايهينك وماعليك زود و بارك الله فيك علي هالقصيده يالغالي وانت ابن عم نفتخر ونعتز فيك ولانستغني عنك وطيب الرجل من طيب ربعه.


كذلك أحب أشكر أخي العزيز ابو سند علي تعليقه وأضافته وأقوله الله لايهينك وماعليك زود يابو سند وأنتم ربعنا نفتخر ونعتز فيكم ولانستغني عنكم.

تحياتي