اخواني في البداية احب ان اقدم تحياتي لجميع اعضاء منتدى شمر وعلى راسهم المشرف العام
واتمنى ان اقدم كل مافيه فائدة للجميع.
اخواني هذه اول مشاركة لي بالمنتدى وحبيت ان تكون قصيدة لشاعر كبير وأحد شعراء شمر الخمسة الكبار وهو الشاعر ابوزويد خلف الرخيص السنجاري الشمري في قصيدة فيها من الحكمة والمعرفة والفراسة مالايوجد في القصائد الاخرى:
قالـو تـسـيـر قلت مامن فضا بال*******وقت علـى المخـلوق مابه وناسة
قـم سـو يـاراع المـعـاميل فنجال*******كثـر بـهـار الهـيل يغدي عماسـة
هـذا زمـان مـقـبـل مـنــه انــا ذال*******نـاس كـلـت نـاس بخـبـث ونجاسة
قامت بصاع المنكر الناس تـكـتـال*******وقامت تباع الجوهـرة بالنحاسـة
وشـوف انــا اسـود خــشـع وذلال*******وقـت بـه الـحصنـي يدور فراسـة
راع الجحش يشره على جدع خيال*******متـحـيـزم مـابـيـــن درع وطـاسـة
ولباسة الجوخ الحمر وادهم الشال*******قـامـت تـغـولـهـم عـيال البساسة
مـايـنـتعـدل حـمـل بـقـعـا لـيا مال*******منـيـن مـاعـدلــتـهـا مـا تـواســه
يـالابـس الطـوقـين والخوص وهلال*******اللـي علـى المتـنين يـزهـر لباسة
اصـبـر وعنـد الله تصـاريف الاحوال*******والقصر مرجاعة على بني ساسة
هذا وتقبلو تحيات اخوكم الصغير:
ساير الليفي الرماحي
رد مع اقتباس
المفضلات