" قبل كـُـل شئ .. اعـتذاري / وخجلي .. على الغياب / و التقصير .. لقلوبكم النقيـّـه "
::
::
إلى آخـر حدود " الـغـُـربـة " كان للألـم " مـدى "
إلى آخـر حدود " الإشتياق " كان للحب " مـدى "
امـّـا " الصـدى " فـ / قصيـدتي كفيلـة بـِـهْ ..!!
::
::
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=3 line=0 align=center use=ex num="0,black"]
" الأسـد " حزْن .. وحذاري لا تصحـّي "هالأسـد" ..!!= خاف ينهش في ضلوعي .. لا يحنْ ولاْ يروف ..!!
~
غيـّـر السيـره.. وسااافر من جراحي للسعـد= ماشبعنا غير هـمّ .. ولاْ ارتوينا غير خووف
~
وش تبي بطاري " ضياعي " و " اغترابي " و " البلد " ..؟!= و " الألم " و " الجرح الازرق " و " التوجـّـد" و " الظروف " ..؟!
~
ملــّت إذني من عبارة " جـِـدْ .. من جـدَ .. وجـدْ " = واقتنعت بهالعبـارهـ " مانت يا كـدّ مْخلووف " ..!!
~
وكل من جآني سألني عن علوومي .. قلت : ابـد = طـيـّـب .. ولعيوون ربعي حيييل مشتاق وشغوف
~
كنت اخـفــّي قـد ماقدر .. حزن وهموم وسهد = وكنت اخـفــّي خيـل دمـع ٍ بآوّل المووق مْعسوف
~
خآف اعكـّـر " جو " ناس ٍ ماهو ناقصها نكـد= ناس من شـدّة نقاها .. حتى اقساهم عطووف
~
يا عيوون الطير وش بك تخذليني بالهدد ؟!!= وأول انتي لا يهمـّـك لا هجيـر .. ولاْ وقوف
~
والمعارك كان تِنصفْ / لابتـي جابت ولـَـد= الفشق عشق البنادق / والفتى عشـق السيوف
~
لكن " سلوم " المحبـّـه .. ماتبي حرب وجَـلَـد= ودّك انـّـه لا لفت بك .. مثلها مثل الضيوف
~
لا اقبلوا صـبّ الخفوووق مْن القصايد والشهد= ولاْ مشوا مثل السحـااب يرووح وعيونك تشوف
~
صاحبي دامك "فتـقت" الجـرح .. لا تطري لآحــد= خـل كـل اللي بقوولـه " سـر " والعلم مْحفووف ..!!
~
كيف أببـدا و بُعــد امـّـي " سـم " و الغربـه "جسد" ؟!= كيف وكفوفي تدوّر مالقت لامـّي كفووف ..!!
~
كيف وعيووني مدينة شوق .. والفرقا لحـَـدْ = لا اشتعل شوقي دقيقـه .. يبتدي موتي يطوف
~
كيف ودرووب "الرياض" البرق .. ودروبي رعـَد = من يفرقنا .. وانا اكتب زوول هالديرة وصوف
~
ديرة ٍ أذكر رسنها عـز .. والحاقـد حقــَد = والحروف اللي تطفــّي نورها .. ماهي حروف
~
كم لها تشهـَـد على " العنــّاب" و" هروج البـَـرَدْ " ..؟!= يا حبيبي يوم حنـّا بصدرها نرسم طيوف
~
آه يا " سيرة غلاها" و " اغترابي " و " البلــد " = و" الهوى " و " عيون ربعي " و " التوجـّـد" و"الظروف "..!![/poem]
// //
مشعل الشمري
عريــب الساس
رد مع اقتباس
المفضلات