[poem=font="Simplified Arabic,7,orange,bold,normal" bkcolor="transparent" bkimage="backgrounds/10.gif" border="double,medium,sandybrown" type=2 line=0 align=center use=ex num="0,black"]
لليالي ذيبن وغدر وسكون=ولليالي ساري وسر ووله
الليالي هي مفاتيح الكنون=في صناديق القلوب المقفله
والليالي خايباتن بالضنون=للذي يامن دجاهن يجهله
والليالي سترهن غطى العيون=ما بضلمتهن شجاع ومرجله
كم شجيعن مكتسيهن بالجنون=ويصرخ الصبح الفضيح بمقتله
والليالي لو سجن عذب اللحون=والبدر كسر دجاهن مكمله
وان سهن بالفكر واسقنه شجون=بالشروق يذوب ليل المهزله
والليالي مابهن ليل حنون=ارحمه بالهم الاقشر مطوله
والغموض بوجنته يمسي شحون=والسهير اعن الخلايق يعزله
بصمته جدار الضلام اصبح سجون=والقهر والموت لك يستعجله
كم سريت اشكيله اوجاع الطعون=احسب كفوفه من السيف اعزله
اثري الخنجر مساه الحيزبون=يدلهم وبالضهر بك يفعله
كم سريته واذرف دموعي مزون=ينتهي والدمع مازلت اهمله
كم عطيته من ضيومي والمهون=ماخذاه الا يدوسه محجله
كني بقطعت عباته مااكون=يوم شفت الجرح مرمي باسفله
شفت من سود الليالي كل لون=وصارت الصوره بعيني ممحله
مالقيت اللي على ليله يمون=كل من هجه يشوف البهذله
ولالقيت لبلوتي عنده زبون=ولاعطى قلبي جواب المساله
مابه الا زود هم في غبون=والتقلب في فراش الململه
واهني اللي بمساهم يمرحون=والعيون اللي كراها تقبله
الليالي ذيبن وغدر وجنون =بيت غدره للسهارى تغزله[/poem]
[poem=font="Simplified Arabic,6,purple,bold,normal" bkcolor="burlywood" bkimage="backgrounds/13.gif" border="groove,medium,chocolate" type=3 line=0 align=center use=ex num="0,black"]
الشاعر
عرق الضما=فايز الوحداني[/poem]
رد مع اقتباس
المفضلات