" واقعيه"
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يارجم ياللي للملا بان عاليك=ليت المشقى ياشهب الرجم ماجاك
شفت العنا شفت الشقا كلها فيك=شفت السنيين اللي مضت يوم شفناك
انشهد انه يجرح القلب ماضيك=بكيّت معثور البخت يوم عداك
عينٍ لفتك اليوم يارجم تبكيك=ماهو غلا لاشك...شيٍ بذكراك
انا لفيتك واخضر العشب كاسيك=اياعسى رخم السحايب تعداك
تمطر على ذيك المفالي وتنفيك=وياعلها من وابل الخير تجفاك
ويكسى خضار العشب ارضٍ حواليك=الا انت يارجم البهاذيل ينساك
وعسى الهبايب ياشهب الرجم ترميك=ومن عقبها سود المقادير تمحاك
ويقطع عن الاجواد ذكرك وطاريك=ولااسمع انا بين المخاليق طرياك
لولا غلا دارٍ وطتها محاريك=ومعزتي لدارٍ بها اليوم سكناك
لااطلب عسى...صاروخ "الانذال" ياتيك=ومن عقبها كفر الاجانيب تاطاك
جيتك وانا من قاصي البعد ناصيك=ورجعت متكدر عسى الله يجزاك
جيتك دقايق عقبها امشي واخليك=ومن عقبها مانلتقي وسط دنياك
عهدٍ علي ماذكر جنابك ولااجيك=مما جرى يارجمنا اليوم عفناك[/poem]
رد مع اقتباس
المفضلات