من يواسيني ؟
اخواني الكرام يسعدني ان اشارككم بهذه البسيطه املي ان تحوز على شيء من رضاكم والعذر في التقصير يالغالين
الهواء اللي هب عقب العصر سوابي سواته
--- يوم طيّر عن جسد هافى الحشا خامٍ يلفه
وطارله شوفي وشفي مثل ماطارت عباته
--- وجيت اله كلي على راسي محول مع مطفه
من حجا مرقاب ثقلي طحت في ظل احسناته
--- في مكان اللي يرده عن سؤال المد عفه
ان عطاني حاجتي جمّل ولا هت غناته
--- المصيبه لن عرف مابي وعني شح كفه
من يواسيني على عقلٍ تزعزع من ثباته
--- وصار ملك ايديه ضمن اوراقه اللي في ملفه
نادرٍ مايشبه الاصورته داخل مراته
---- - وصورتٍ له بالخيال وفي نظر عينٍ ترفه
في غزال الريم منه اليا جفل خطو التفاته
--- وفيه من وصفه رموع وفيه لطف وفيه خفه
يوم يلعب في جنابٍ تو ماولع نباته
--- والنسيم اللي شرب عطر الزهر كنه يزفه
ومثله اللي دونه الفلاح مايغلي حياته
----- نابتٍ بين الورود وجاري الساقي يحفه
لينٍ غظٍ غظيظ ولا فقد عوده رواته
---- ايتمايل كل ماقام الهواء الهادي يهفه
لعنبو شعرٍ تقاعس واخذلتني مفرداته
----- عقب ماضلا يبارى الريح صرت اليوم ادفه
ياقصيدي ليه ماترسم على طرسي صفاته
---- واتهجاها على هوني ومنهن استشفه
وبك مايستاهل التقصير هذا المدح ذاته
---- زين كل الجيل في كفه وهو زينه بكفه
لاتنقدني مع الغالي وتلحقني شماته
---- ولاتصير مع الهواء اللي هب عقب العصر صفه
وسلامتكم
رد مع اقتباس
المفضلات