((((((((( ويش أسوي ))))))))))
[poem=font="Simplified Arabic,4,white,bold,normal" bkcolor="transparent" bkimage="" border="solid,medium,limegreen" type=4 line=0 align=center use=ex num="0,black"]
مضى عمري ولا ادري ويش أسوي=وزماني باعد بنوه ونوي
وطواني ما طوى ليل (ن) سرى به=قمر خمسة عشر نوره يضوي
سرحت بنوره الخافت وراحت=بي الدنيا وجا ليل (ن) مدوي
يروح الليل كله مع نجومه=وأناظر للضحى واقول توي
هواجيس (ن) تلولس وسط روحي=وخيال (ن) ساح في ريضان دوي
نشدت الليل قال انشد نجومي=ونشدت النجم قال انظر لضوي
نظرت وشفت في ضوه خيال(ن)=عليه الله ما شفته بجوي
تقل يسقى من مزون (ن) سحابه=يرد الروح ضامي ومتروي
عليها فاحم تنسف جعوده=يلد لهايف(ن) فيه متحوي
وانا وش جابني للنجم اشوفه=وانا منه اول(ن) حيل متكوي
وانا وش جابني والحظ عاثر=إليا جيته والا الحظ متطوي
وأنا وش جابني لليل كله=وحبل الليل بالكف متلوي
وأنا باترك سواد الليل لكن=إليا جا الليل يمي ويش أسوي[/poem][/poem]
----------
عطارد
رد مع اقتباس
المفضلات