المثل ( يامن شرى له من حلاله عله )
فيه واحد من الربع يشتغل بحرس الحدود اسمه مطلق هالادمي وين مايضربه عوجا وحاله على
قده رحنا معاه للمعارض واشترى كابرس موديل 82 بفليسات يجمعهن من رويتبه من سنه ( ادري
اللي قرى كلمة رويتبه ) يقول ياحول 0 المهم وبعد روحات مع الربع للدوام قرر شراء سياره وخذانا
معاه وجينا نراعي للمواتر حنا نطالع للموديلات الجديده واشوف كل مانقول وش رايك بهذي يغض
المسكين اثاري فليساته على قده وفليساته رابط الحزام سنه يجمعهن واشترى بعد اسبوع
السياره الكابرس موديل 82 وكان يوم عيد عنده وبعد ثلاث ايام بالضبط الا بالشارع داق ريوس الاخ
العالم صدام سياراته قدام وهوشنطة السياره اللي قدام الماخوذه قيره مايعشق الا ريوس وربي
موقف يموت من الضحك
وله سبع شهور الان والسياره محد اشتراه وواقفه قدام البيت وصارت عرين للبساسه والوغدان
وجاب الاذيه لبيته وكل مايطالع له يقول ياحسافة الريال بك ( ويامن شرى له من حلاله عله)
حتى جيرانه توذوا منها0
وش تبون بعد انتهت القصه ومطلق كل يوم يقص من هالسياره شي واخر شي قصه منه كراسيه وقام يحطهن قدام الديوان ويشيش 0
القصه :- حقيقه
مطلق :- لازال يشيش
الكابرس :- ماتعرفه من كثر البساسه
المكان :- الخفجي
يسلمووووووووووو
اخوكم فيصل اللويش
رد مع اقتباس
المفضلات