[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يوم الصدر في زحمة خريص بي ضاق=كنـه علـى كبـدي تـدور الرحـايـا
قمت أتصل في صاحبي عـز الارفـاق=أنشـد عـن الديـره وربـعـا دنـايـا
قال العصـر لحنـا مـع اليـل بـراق=سالـت بهملولـه جمـيـع الشغـايـا
قمـت أتوجـد والمعالـيـق صـفـاق=علـى حمـام حـط فـوق السـرايـا
طريا الحمـام وغـادر الحـي مشتـاق=شــد العـزايـم والنـوايـا مطـايـا
خـل المنايـر وارتفـع يـم الافــاق=رح لاتخلـي لــك بحـيـي بقـايـا
وانطح شمـال الريـح لانسنـس وراق=ذعذاعـه الـي مـن بـراده ضمايـا
وسابـق نظـرك بقـد ماتقـدر سبـاق=تـراك حمـال الـزهـاب الوصـايـا
بخرج الوله وأغصون نيران الاشـواق=بعـض الحنيـن وذكريـات الحكـايـا
دمعـة غريبـا مــن مراراتـهـا ذاق=ليـن أرتـوى بزعـاف سـم الحيايـا
طريا الحمـام ولاتوقـع ولـو ضـاق=فيك الطريـق مـن الـدروب الخفايـا
وإن لحت حايل والجبل وأرض الاسواق=حاذه جنـوب لصـوب ذيـك القرايـا
تراك حـروت غايتـي وأنـت خفـاق=لامـن دنـت رمـان منـك المطـايـا
عقب المغيب برجمهـا حـول السـاق=وأرقـب عليهـا مـن رجـوم الثنايـا
حتى يضويلـك مـن الـدور مشعـاق=مشعـاق سرجـن سامرتهـا الحجايـا
ربعن جفاهـم داخـل الـروح حـراق=كـنـي بـلاهــم واردن للمـنـايـا
طف حولهم بسطوحهـم حـط برفـاق=وأذكـر وصاتـي لا تناسـى الوصايـا
ونح ياحمـام الـورق بلـغ لمـن فـاق=أغلـى سلامـا مـن مهـز الحنـايـا
وسر الخبر لـي يابعـد كـل مشتـاق=بـا لعلـم داو إلـي جروحـه بـرايـا
الشاعر / عـــرق الضما[/poem]
رد مع اقتباس
المفضلات