قود مورننق ان ما خاب ظني
السلام عليكم ورحمة الله وبركاته
مستحي لا اكتب هالموضوع بس المشرف الغالي طلب مني اني اذكره
هههههههههههههه
هذي سالفتن طرت على بالي وبما اني اغلي المشرفين الا واحد منهم(ماني قايل منهو)
قلت ابي اجيب هالسالفه مع لي مشرفن سافرت معه هاك السفرة القشرا
هذا يا طويلين العمر ويا طويلات الاعمار يوم من الايام قبل اكتتاب
كنت راتسبن جويبي اللي شريته من ابو شخطه (خوووش مكسب)
وكنت ناوي اطلع اكتتب وارجع وانا ماسكن الخط ورجل الله يعزكم ماسكتن الدركسون ورجل
ماسكتن الجوال وكنت اكلم قطراوي ابي اتعزبه بقطر تخبرون لا والي ولا جالي
المهم مالكم بطويله يوم وصلت حول ابو حدريه الا هاك الهنيدي اللي وادزفن على يمين الخط ويومي
خير اللهم اجعله خير وانا اودزف وانا اغط لوه بيدي ارتسب يا صديق(كل الهنود خويا)
المهم الا والصديق مدري الرفيق اللي هو الهنيدي كشر بوجهي
خير انت وخشتك اشوفك كشرت انت وراسك هاللي مثل راسي الافغاني اللي توه واعي من النوم
قال انا مو رفيق انا المطنوخ وهاللي انت تشوف هذي الموضه
تدرون عاد وش لابس يالربع سروالن لاصدزن على جلده الله يستر وقميص مدري فنيله علاقيه
ونصه الوانن خضراء (تقل واحدن متبطح بهالربيع)
المهم يالربع قلت لوه وين تبي يا المصلوخ (ما لقطت اسموه زين)
وهو يشب الملوي انا مو المصلوخ يا ملا الولاعه اللي تصلخ وجهك وهي تصير الله يجيركم يالربع
ومنا ومناك وهي تهداء الامور الوكاد نشدتوه وين تبي تدوي يعلك ما تعود
قال انا تعطلت سيارتي وودي اروح للكويت قلت لوه انا طالع لقطر واليا رجعت ابي اوصلك للخفجي وانت ول
قال وش عندك بقطر قلت ابي اساهم ببنك الريان
قال اجل معك الوكاد وهو يطلع دفيترن ازيردزن متهلس ومتقطع الفين قطعه انا اوجست الذله يالربع
(قلت اكيد الجمره الخبيثه اللي يسولفون به هذي هي)
الوكاد قلت وشو هذا قال هذا جوازي قلت هذا جوازك قال ايه ليش منت شايف جواز قبل كذا؟
قلت الا شايف بس جوازات استخدام حشمه مو جوازك هذا اللي تقل قاطينن بوه هنود ورايحيين بوه للهند لعنبوا دارك وش انت مسوين بوه ؟
قال هو كذا امي حطت هديماتي بالغساله وراح الجواز معهن وانا توي راجع من البحرين
الوكاد وسوالف وعلوم الين ما وصلنا للملعب مدري النادي الجهمه
وحنا نحول وحنا نغير عليهم ووراك ودونك وراك ودونك وحنا نحصل لنا رقمين واستمارات
وحنا نعبيهن وحنا نستفت مع هالعالم
يوم حشرتنا العالم وحنا ننفهدز شون هناااااااااك
وحنا نقعد عاد كان بوه واحدن يصوت للرقوم بالمقرفون ورقومنا توهن
المهم قعدنا نسولف وننقد على هالبشريه اللي لو يقولون لهم حجوا ببلاش ما حجوا
شوين الا وهاك المتيح المنتفخ حمر عطر وادزفن على روسنا عاد طنطوخ ماهو هينن بعد
هامتن جبر
الا القطري وهو يتلقف على المطنوخ ويقعد يحط عليه
وهم يتقاضبون الشوش(على قولة الشبث)
وهي تصير بينهم ووراك ودونك الا القطري اقشر وما يرحم
وهو يروح هناك وهو يجيب هاك الزراديه وابو جلنبوا وهو يرن اخو طنخه الا وهو من صيد امس
وهو يجيب الزراديه وهو يقطع اذانوه ويوسموه تقل ( ماني قايل اخاف يزعل)
المهم وهو يثور المطنوخ وهو يقوم عليه الا وبوه صطل مليان صبغ من حق البيوت مدري ليش جايبينوه للملعب الله العالم انهم يصبغون بوه فنايلهم قبل لا يلعبون او يصبغون الملعب
المهم يوم وصل للصطل وهو يلقى هاك السكروب وهو ياخذوه وهو يبغز عوينة قطراوي
وهو يحطه بمخباوه يوقول لوه تستاهل ما جاك يا حمر عطر
وهو ينثر الضبغ عليه الا قطراوي صار تقل جدار من ثقل الضبغ (صح يا عزوز؟)
وهم يقومون يتكاحتون بالملعب وعاد الملعب يا دافع البلاء ماهو مثل ملاعبنا
هذا مغطه اكتنوه عشره كيلو بخمس طعش اقولكم الحارس كود بدربيل ليلي يالله يشوف الحارس الاخر
المهم وحنا نفزع ويالله نفكهم
وانا اخذ المطنوخ واقوم احتسي عليه
وشنوحك وليش تسوي بالرجال كذا عاد هو ما سوا شي
قال ما تشوفوه وسم اذاني تقل سوداني قلت عاد مو تفضخ عوينتوه
المهم ساهمنا ورجعنا وهو يشور علي هالشور
ويقول شرايك نمر عند راعي الطيب براس تنوره غديني اتروش عندوه واغير خرقي
قلت مو مشكله حتى انا ودي اسلم عليه
وحنا ندق عليه جوال الا واصوات هالطيارت تقل عندنا
وينكل قال مداوم تجوني؟
قلت لا نبي نتروش عندك ونمشي لحايل قال مو مشكله وهو يواعدنا وحنا
نتواجه وحنا نروح معه وهو يسوي لنا هاك العشي الخفيف شوربه كرعان(الله العالم انه ظن ان المطنوخ سوداني من هالشوشه المغبره والوسوم اللي باذانوه)
الوكاد من ظمن اللي كانوا بالعشاء اخونا الشيخ ابو غازي
يوم شاف حالتوه هاللون راف بوه المسيكين وقال ابي اتسويه بالمخطر غديه يطيب
وهو يتحامالوه الا هو معوه بالغارب وهو يلذعوه الا والمطنوخ يبتسي
اراخوا من طاع الله تبتسي يا حلالي ليش هالكبر شوارب ولحيه وتبتسي
قال ايه ابتسي لانكم ما شفتوا اللي انا اشوفوه
الوكاد وهم يتزاعلون وهو يزعل ابو غازي عليه عقب ماهو مسوين بوه جميل
الوكاد وانا انكس وانزلوه عند مفرق الخفجي وذاك يوم وهذا بدالوه وعلموه بالوجع تساني شفتوه
وسلامتكم
اسف على الاطاله واسف ايضا على التاخير الغير مقصود ولكن لو تدرون تسان عزيتوني
لكن ما عليه مشكورين عزاكم واصل بوفاة اعز مخلوق على وجه الارض بعد البشر لي
ّّّ{وهو صخيلن صغنوط عمروه ما يتروايح بين الشهرين والثلاثه}
+++++++++++++++++++++++++
هذولي دموعي تكتن العبره يوم طرا علي
رد مع اقتباس
المفضلات