طالباتنا يموتن وهو يتقهوى

[سنجاريه]

بداية نقول :
اللهم ارحم كل الزهراااات اللي ماتن في هذا الحادث الماسوي
انا مانيب قايله ليش يموتن الطالبات ولا اقول الا اللهم لاراد لقضائك ولكن.............

وآآآآآآآآآآآآآآآآآآآآآآه من لكن هذي

اللي باط تسبدي وغاثني ومضيق صدري ان المرشد جاي يتفقد المدرسة بعد الحادث وطاق ذاك البشت ومشخص تحلف انه جاي لحفله
ياخي على الاقل احترم مشاعر اولياء امور المتوفيات وتعال بدون البشت

الشي لثاني اليوم شفت المؤتمر الصحفي وكان المرشد يتكلم مع الصحفيين ويوزع الابتسامات ويشرب شاهي اصفر وحركات والله مادري عن احد

المفروض اول شي يسويه الشيخ المرشد بعد الحادث انه يستقيل
لكن والله مادري عن احد ولا اقول الا حسبي الله ونعم الوكيل

[الفيتو]

هلا والله بالاخت سنجاريه
الحقيقه ما شفته بس ماله دعي على
قولك يلبس البشت
وانا معك في كل حرف كتبتيه 100%

[طلال صعفق الحافظ]

رغم اني اخالف جريدة الوطن الا أنها أشجع صحيفة سعودية في نقل حقائق الحادث المأساوي لبناتنا البريئات وهذا كله بدعم الامير خالد الفيصل


شكرااا

[أبو راكان]

والله ماله حق يتقهوى كان على الأقل يشرب بيبسي ماهو لازم شاهي إذا شرب الشاهي يغضب الناس يالربع هذا قضاء وقدر وما حصل ليس للرئاسة دور فيه فلو أن ما حصل هو إنهيار المبنى أو ماس كهربائي لألقينا اللوم عليهم ولكن أن يحترق المبنى بفعل فاعل وجميع الوفيات بسبب الدهس فلا أعتقد أن للمرشد دور في ذلك.أنا لا أدافع عنه ولكنها كلمة حق.

[خلف الرويتع]

الاخ العزيز أبو راكان

انا اختلف معك واويدك في نفس الوقت وسنجاريه قد يكون عندها حق فيما قالته يجب ان نتحقق اولا ومن ثم نتهم الجهة المختصه
صحيح انه هذا قضاء وقدر وما حصل قديكون االمرشد بري منه ولكن يجب التحقيق في ذلك من قبل لجنه محايده تشكل من بعض الجهات المختصه ولايكون هناك مندوب من الرياسة ولا من الدفاع الماني ولا من هئيه الامر بالمعروف بل من خارج هذه الدوائر الثلاثه وعندى ذلك تصر توصيه ويعاقب المتسبب بذلك اذ كان الرياسه ام غيرها هذه اروح بشر صحيح انه قضاء وقدر ولكن الله سبحانه وتعالى قال وجعلنا لكل شياً سببا يجب معرفه الاسباب ومن ثم المحاسبه ولاتنس انا كل راعي مسؤل عن رعيته والمرشد مسؤل فيجب ان يحاسب وهو يحاسب من يرى انه قصر في ذلك ويقدم للمحاكمه

[ظبيانيه]

لا حول ولا قوة الا بالله

[الحاكم]

البطانه
وما ادراك مالبطانه

[برزان]

لا حول ولا قوة الله بالله العي العظيم
......
وكما قال الاخوة يجب ان لا نلقي التهم فقد جدث الحادث بسبب عدم التنظيم وعدم وجود خطة طواري في اغلب المدارس
وهذا خطاء فادح من مسئولية وزارة الداخليه والدفاع المدني
وانا قراءت وسمعت انه في بعض الدول المتقدمه لا بد من اجراءات
وتدريبات على حالات الطوارري كل ثلاثة اشهر ويشمل ذلك الاحياء السكنيه والمدارس والمستشفيات والكليات \n

......
اذا المسئوليه مشتركه والخطاء فادح
لكن يجب علينا ان لا ننسا انه قضاء وقدر وان يعمل المسئولون في اجهزة الدوله على نلافي هذه الاخطاء مستقبلا

[سنجاريه]

ابو مرزوق ......

صادق من جد شي يقهر ....

الله يسلمك على الرد
-----------------------------------------

طلال...

صح ...... وابوي صار مايجيب الا جريدة الوطن ....... وكل ماقعدت معوه قال ( الوطن جريده تقرأ ) :p

--------------------------------------------

ابوراكان ....

انت لو شفت المباني المستأجره اللي يدرسون فيها بناتنا كان ماقلت هالكلام .... حط عيني بعينك وقلي وين توح ميزانية التعليم ..... حتى المكيف اذا خرب البنات يقطن ويصلحنه ........

بعدين مدرسه كامله ماوفروا فيها لاطفايات حريق ولا مخرج طوارئ والاسلاك متعريه والجدران مهدمه

-----------------------------------------------

ابن حيان .....

عاد هيئة الامر بالمعروف جت وكملت الناقص ...... مسكره الباب عن بنياتنا كلوه ليش يطلعن البنات بدون عبايات

والله لو فيه بنت لهم بالمدرسه ...... كان فتحوا الباب وطلعوها بدون عبايتها

-------------------------------------------

ظبيانيه والحاكم .....

انا لله وانا اليه راجعون

وشكرا على الرد
-----------------------------------------

برزان ......

طول مافيه عملية التلاعب بميزانية التعليم ..... ماراح يصير فيه تجديد ولا شين

[عبدالعزيز]

السالفة وصارت
لكن هل هاذي المدرسة الوحيده المهتريه...........لاوالله ألا كلهن
والمرشد يقولون وأكرر يقولون أنهم أقالوه عن العمل وحطو التويجري
طيب.............هو ليش ماأستقال من نفسه...............أقول لكم ليش
لأن الدعوى كله خربانه من فوق لتحت ومن تحت لفوق
ولا تنسون البطانه الفاسدة (اللي جو وصارو بطانه غصب يعني هم جابو نفسهم )للسلطة