عصير الكهرب يسلم عليكم ويقول:

**المخاوي** · 14-02-2006 04:04

ياهلا يامرحبا ارحبووووووووو

حي الله عصير الكهرب

الحمد لله على السلامه

وشلون هالديار اللي انت بها عسى الربيع والواحه وسنتوب متوفر عندهم

اجل ابو 14 صايرن هامووووور

اخلص علينا بسوالفك

**ابو مرشد** · 14-02-2006 19:07

هلا بك يا الغالي

ترجع بسلامه

و بنتظارك اخوي

اخوك ابو مرشد

**عصير الكهرب** · 18-02-2006 05:11

عبد العزيز:شرفتنا بمرورك يالغالي...وبالله عليك ابي انزل المعلقة الاخيرة وتوسط لي عند المشرف خله يثبت القصيدة ...ياخي شكله ماهو بالعن

**عصير الكهرب** · 18-02-2006 05:13

هلا والله بالمخاوي :ترى ماعنيك....اقصد المطنوخ ماهو معبرن....وش السواة

**عصير الكهرب** · 18-02-2006 05:14

ابو مرشد:هلا بالغالي وشف المعلقة تطوطح فوق

**المخاوي** · 18-02-2006 05:16

^
^
^

حول على خط 110 وعطوه لذعه وعقبه مايعتاز

ياخوي ترانا نشوف ماحنا عميان

**عبدالعزيز** · 18-02-2006 05:52

افا عليك بس

هذا المطنوخ والشبث يجون معي بالشوحط بس المشكلة بالمخاوي كود اجيه جاهية لأنه رجالٍ عاقل ماهو منطلدز ويقدر البشوت

خل ابدور بشتي علمي بوه بحوض الددسن قبل 8 شهور بين الكفرات وطوابق الزيت ابنفضه واروح لمه مار انت انشر وماعليك

بس عاد هالاخيرة نبي وراه تسلسل جديد

**المخاوي** · 18-02-2006 05:56

^
^
^
الحمد لله على السلامه

علمن متى تبي تجي ابي البس بشتي

اوووووووه نسيت المشكله ان بشتي عند متفاائل

مر وجبوه معك والا اقول البسوه وتعال

**عبدالعزيز** · 18-02-2006 06:04

الله مير انه سلمك .. صح الله لسانك

متفائل عقب الاسهم مايعطي وجه الماخوذ مار ابحاول به وان مالقيته ابشر بفروة ابوخليف هكا اللي تقل فروة شيخ عرمان

**مفتاح14** · 18-02-2006 11:11

بسم الله الرحمن الرحيم
السلام عليكم ورحمة الله وبركاته وبعد

لو ماحلف عصير الكهرب وطلّق تسان يمكن اخذ لي كم يوم ثاني ماشفتونيش وهذا طبعا ماهو قلّة خاتمه معكم ولكن نظرا لكثرة مشاغلي ورحلاتي المكوكيه والتي ماتنفك أن تعود:

أتعاطف كثيرا مع ذاتي المتلهفه للقياكم والمستبده بمحبتكم ومتابعتكم بس ولكن!! ماذا عساي اقوول فابو كهرب اقلق ابو مضجعي ولم يسيبني وخفت انه يطنا قلت ياولد رد على موضوعه وان شاءالله هذ الرد ماهو الا شرارة لمواضيع وردود تترى ( واضح اسلوب اللي ملابطن الساحات )

اما سالفة الاسهم وما الاسهم فهذي انا منها براء ..فمعرفتي بالاسهم هي الاكتتابات فقط واكثر ما اعطوني 4 اسهم.. تدغشمتهم القراده وقرادااااتن تترى!!

على فكره فيه واحد اتصل علي يوم الخميس ويبدو انه اتصال تحفّه الشماته بنزول الاسهم مع ان معرفتي بالاسهم مثل معرفة شعبوله بالبرستيج
وطبعا اللي اتصل من اعضاء المضايف ومارد على هالموضوع شكله عشان يبعد الشبهه

أعلللللللللم والا لأ