السلام عليكم ورحمة الله وبركاته ....... بالخير يالربع
معركه ظفره من اهم المعارك اللي حصلت بين شمر وعنزه ..احببت ان اكتبها لكم خاصه انه حصل لغط حوله بأكثر من منتدى يكتبون فيه بعض الاخوان من عنزه هداهم الله ويحرفون الهزيمه الى نصر فأحببت ايرادها وايضا اورد بعض الايضاحات حولها
حصلت المعركه بخشم مليحه المكان المعروف واقرب ماله قريه السبعان شرق بجنوب عن حائل وكانت عنزه بقياده عقاب العواجي وشمر بقياده مسلط التمياط وانتهت المعركه بإنتصار عظيم لقبيله شمر وانكسار قبيله عنزه
فقال الشاعر الكبير مبيريك التبيناوي الشريهي الشمري هذه القصيده بعد انتصار شمر على عنزه بكون ظفره :[poem=font="Simplified Arabic,5,black,bold,normal" bkcolor="burlywood" bkimage="" border="double,medium,black" type=1 line=0 align=center use=ex num="0,black"]
يانجد ناحي ضدنا بالجهامي = زوّع وخلانا بوجه الاجانيب
زوّع وكيّف بالجزيره ونامي = وتنام عين ٍ ماغداله مطاليب
انحيت ياذبّاح عجفا سنامي= دونك من الديّان مايتلف الذيب
وان شح في نفعه علينا وشامي= ريف المقاء وابى السنين المجاديب
اعطت بك خيّال تالي الجهامي=شيخ ٍ ولد شيخ ٍ خياله منه هيب
ونفرح بجيّة مسلط بالزحامي= لاشافته خيل المعادي تقل ذيب
إليا حزّمو فوق المهار الزنامي=يشدن شليل البسر فوق المراطيب
إليا استجفلت حشوان سود الجهامي= وخفّ الجهام وصلّب البدو تصليب
يازبن مذكور (بظفره )وسامي= الى حد ديره عصفر جوبة الطيب
جونا عيال القيق مثل التهامي=رودٍ يريدون الفياض المعاشيب
شرهو على الديره فروخ الجلامي=يبون بالسبعان منا مكاسيب
وساقو علينا دايرين الزحامي =وكلٍ يلّحق للمتلّي مناديب
وسقنا عليهم زمل غوش كرامي=وزغرت بتالي الزمل بيض الرعابيب
إليا وردة الحدبا على النجر زامي=ملح ٍ يورّث بالقوايم من العيب
واللي محاضينن سناها عمامي = تخصب بهم بقع النسور المحاديب
كل ٍ يرّد لصيرم ٍ بالحزامي= ويركض على حوض المنيّه إليا هيب
وحل القبل واقرب سواد الجهامي=بعنا البعيد اللي ورانا بتقريب
وتنابن النزرات بين الجهامي= لما وقع به مرزق الضبع والذيب
إليا ماوطينا الضد وطي الخدامي= غصبٍ وطيناهم مثل وطية الهيب
والشيخ بدّل هدّته بإنهزامي = عقب القتب (نوتٍ) تلاح المصاليب
وابن مريخان ٍ تزبّن الردامي= من فعل ربعي منحزين الاجانيب
جبنا شذى حشوانهم والجهامي=مع حلّة اليديان هم والمغاصيب
كلّه لعيني فرّع بالحزامي= يشرفن واللي طايحٍ يمّهن جيب
يدنّه القبر الطويل الهدامي=وزاغت قلوب محصّنات الرعابيب
يأخو ريوف القلب صابه هيامي = متقرنس قاني سواده من الشيب
على اللذي منّا تحيزم وقامي= ومن طيحته يم ايمن الريع ماجيب
ماوادعن بأيّام فرقل ولامي=الصبر يالاجواد هو شارة الطيب
افرح الى جاني الكرى في منامي= وأيّس عدد ماتشرق الشمس وتغيب
مار ياغوش ياركّاب هجنٍ همامي= منوة غريب الدار حرش العراقيب
ايّاكم اللي فاهمن في كلامي= يدّي كلامن مادمرته بتكذيب
وين يأخو نوف يوم الزحامي= يوم الدخن غادي علينا تقل سيب
غدابك اللي كل حكيه بيامي= جار لهم تدعى على الزاد وتجيب
كان انت مطلوب وعليكم تهامي=إلحق وندّي عنك كل المطاليب[/poem]
وقال الشاعر الكبير رشيد بن طوعان السويدي الشمري بعد انتصار شمر على عنزه في كون ظفره :
[poem=font="Simplified Arabic,5,white,bold,normal" bkcolor="black" bkimage="" border="double,medium,black" type=1 line=0 align=center use=ex num="0,black"]
يامزنةٍ غرّى نشت له رفاريف= تمطر على (ظفره) مطرها إنهشامي
تصرخ بها حدب السيوف المهاديف= وتفتح بها بقع النسور الافامي
زبيديها روس المهار المزاغيف= وعشبه قرون مسيّحين الايدامي
ودزّن بعيدان البلنزا وتنجيف= وروّحو وراكم يافروخ الجلامي
ونهجت اسر جموعهم بالتواقيف= يامار وجيه جموعهم بإنخدامي
ونظرت ربعي عايزين التواصيف= للخيل بالزهّام والجمع زامي
نعمين بالعصلان واولاد بن سيف= وعيال علي هاك نهاب التحامي
اولاد علي لياسربه حربها الكيف= حريبهم مايهتني بالمنامي
انا اشهد ان قلوبهم صمع ياخليف= وردو حياض الموت ورد الضوامي
كرارةٍ على المعادين ياخليف= غدى بها سنى النهار الظلامي
وزمل الطواليات جنّك مزاهيف= على جناح الكود يمشن همامي
يتلون عدوان زبون المشاعيف= كسّاية العيدان ريش النعامي
ان قل مابي كفوشهم والتطاريف= ردّو لنصب مفكّكات اللزامي
ضعاين تسري وتجري من السِيف= ومن واقصه ماشيّعو للمقامي
وديارنا حنّا لنا به تصاريف = سلمى ورمان ٍ وإجا والعصامي
عينيك يارمّان زين الهفاهيف= ياما ذبحنا دونها من غلامي
نطعِن ونطعَن عند هاك الكراشيف= وتسع عرن دونه عمارٍ تسامي
نبي نقلّط ميرها للضيايف= إن صكّت البيبان دون الطعامي[/poem]
وكان من ابرز فرسان شمر بالمعركه هم مسلط التمياط وابا الخلف وعدوان الطواله والشيخ مفتاح الغيثي وكذالك بروز اسمي الاميران عبدالله الرشيد وعبيد الرشيد
...............
** فيه بعض مرضى النفوس في بعض المنتديات حاولو اتهام الفارس الصنديد مسلط التمياط انه هرب من المعركه هو وربعه التومان من سنجاره من شمر وانهم هربو للعراق مستشهدين بأوّل قصيده مبيريك يوم يتوّجد ويقول:
[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يانجد ناحي ضدنا بالجهامي = زوّع وخلانا بوجه الاجانيب
زوّع وكيّف بالجزيره ونامي = وتنام عين ٍ ماغداله مطاليب
انحيت ياذبّاح عجفا سنامي= دونك من الديّان مايتلف الذيب
وان شح في نفعه علينا وشامي= ريف المقاء وابى السنين المجاديب
اعطت بك خيّال تالي الجهامي=شيخ ٍ ولد شيخ ٍ خياله منه هيب[/poem]
والحقيقه انه كان يقصد ويتوجد على الشيخ فهد الجرباء لانه راحل من وقت بعيد قبل المعركه بأكثر من ثلاثين سنه ويقول التبيناوي ان عنزه طمعت بحايل والجبل يوم رحتو للعراق (الجزيره) والا قبل ماكان احد يتجرأ على الاقتراب من حايل ..لكن الحمدلله اللي بقو كفّو ووفّو
واللي يأكّد هالشي هو مبيريك التبيناوي نفسه عندما امتدح فعل مسلط التمياط وربعه عندما قال :
[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ونفرح بجيّة مسلط بالزحامي= لاشافته خيل المعادي تقل ذيب
إليا حزّمو فوق المهار الزنامي=يشدن شليل البسر فوق المراطيب
إليا استجفلت حشوان سود الجهامي= وخفّ الجهام وصلّب البدو تصليب[/poem]
وايضا فيد دليل ثاني على وجود التومان من شمرواشتراكهم بمعركه ظفره ألا وهو قصة (ابا الخلف) من التومان من شمر وهو لقب لواحد من شجعان التومان من شمر وسبب اللقب انه عشية المعركه ضاع الحلال فاتخذ له مكان بضلع حول السبعان اسم الضلع ( صفير الخلف) فكانت الخلفه تروح وتخلي ولده فكان يجمع الحيران واذا لجّت الحيران جت كل خلفه مضيعه ولده حتى اصبح معه رعيه من الذكاء يدوخ وفيه قال المؤرخ الاديب سعيّد فهيد بن دوخي الهمزاني :
[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
شبع به راع الذكاء في قواها =صوته جذب له خلج تراثع مع البيد
شبع الذكي هو والبليد الفهاها =والخيل عن وجه الطنايا عراجيد[/poem]
والدليل الثالث على ان التومان اشتركو عندما ذهب الشيخ مسلط التمياط هو والشيخ عدوان الطواله واستفزعو الفارس الشيخ مفتاح الغيثي ووقف مفتاح الغيثي ومعه ربه الدغيره ( ومنهم الغيثه والشريهه والتريبان والعليان والحسينه) وقفتهم المشهوره بوجه عنزه ولهذا قال الشاعر مبيريك التبيناوي :[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يانجد ناحي ضدنا بالجهامي= قفّى وخلاّ من تخلا عن الدار
ماغير مضرب بيتهم والسمادي= وبأثلٍ لشراب القهايب بالامجار
مار ان كان خيّال القشاح التلادي= قفّى ..حنّا اللي نعيّ عن الدار
مع غلمة ماحوله بأرض القيادي= إلا بما يلفظن عدلات الاقدار
اولاد علي ناقلين العيادي= فطايرٍ مايقبلن كود الابكار
لهادةٍ للّي يدور اللهادي= بثلثٍ ومثلوث ..كان الدخن ثار
[/poem]
** الخزي والعار ان نجد في بعض المنتديات كاتبين بعض اخواننا من عنزه هدانا وهداهم الله ان المقصود باولاد علي ليسو الدغيره من عبدهبل الولد علي من عنزه
وللرد عليهم هداهم الله اقول :
عندما قال الشاعر رشيد بن طوعان الشمري :
[poem=font="Simplified Arabic,4,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ونظرت ربعي عايزين التواصيف= للخيل بالزهّام والجمع زامي
نعمين بالعصلان واولاد بن سيف= وعيال علي هاك نهاب التحامي
اولاد علي لياسربه حربها الكيف= حريبهم مايهتني بالمنامي[/poem]
فالعصلان هم العمود من زايده من زوبع من شمر ,
واولاد بن سيف ويلّقبون ايضا بالسيافا وسودان الروس وهم الخرصه من زايده من زوبع من شمر
واولاد علي وعيال علي كلّه للدغيره من اليحيا من عبده من شمر
ولاحظو قوله ((ونظرت ربعي)) فهل الشاعر عنزي ام شمري؟؟؟
وخاصه انه قبل يمدح ربعه شمر ....قال بعنزه :
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ونهجت اسر جموعهم بالتواقيف= يامار وجيه جموعهم بإنخدامي[/poem]
ثم وصف ربعه شمر بقوله:
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ونظرت ربعي عايزين التواصيف= للخيل بالزهّام والجمع زامي
نعمين بالعصلان واولاد بن سيف= وعيال علي هاك نهاب التحامي
اولاد علي لياسربه حربها الكيف= حريبهم مايهتني بالمنامي[/poem]
وكذالك قول مبيريك التبيناوي الشمري بعد معركه ظفره :
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
إليا ماوطينا الضد وطي الخدامي= غصبٍ وطيناهم مثل وطيةالهيب
والشيخ بدّل هدّته بإنهزامي = عقب القتب (نوتٍ) تلاح المصاليب
وابن مريخان ٍ تزبّن الردامي= من فعل ربعي منحزين الاجانيب
جبنا شذى حشوانهم والجهامي=مع حلّة اليديان هم والمغاصيب[/poem]
فهل عقاب والذي انهزم من شمر وذكر ان مرته( نوت ) من اولاد علي ؟؟؟ ومبيريك هو اللي يقول :[poem=font="Simplified Arabic,4,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
تبشّر عقاب بان وجه المظاهير= نبي نقاربهم ولا به مراواه
ياما شرينا بالليالي المعاسير= من بندق غالي ثمنها ومشراه
صرنا حدى الحكمات والي المقادير= والعمر ماياقاه كثر المداراه
وضعات اهلنا كان جمع العدو ذير=ليما وردوهن جمع الاجناب ننحاه[/poem]
اعلم يااخوان ان هالمسأله مضحكه وسخيفه جدا واقرب مثل عليه(( كمن لايعرف التفريق بين قبيله شمر وقبيله شمران فقط لان الحروف فيها بعض التشابه)) لكن فقط اردت التوضيح لمن لايعرف من الزوّار الكرام من غير قبيلتنا
والعذر ان اخطأت في شي ولهم الرحمه ولكم طولة العمر
رد مع اقتباس
المفضلات